.

.

خــــطــــاريـــف ..... 14  

Posted by: فاتيما in


This entry was posted on الثلاثاء, أكتوبر 25, 2011 and is filed under . You can leave a response and follow any responses to this entry through the .

51 كــــلام بيطــبطـــب عـــلى قــــلبى و روحــــى

فاتيما
روح القلب الملائكية

تعرفى ان خطاريفك دى جت فى وقتها
اصل اخوكى كان داخل على اكتئاب
مع انك للمرة التانية تضحكى علينا
و ترجعينا للى عايزين ننساه
بس ماشى يا فاتيما
ساعات الواحد لما بيبص للمشهد اللى حواليه بيضايق منه و يكتئب
لكن لما يخش جواه بيتلهى فيه مع انه بيكون غطسان جوته بس مش حاسس
انتى يا فاتيما غرقتينى فيه

سلام يا ام يوسف و سللامى لجو

طب اعلق على أيه و لا أيه

بس فى حاجتين


اللــى بيبعـــدنى
مبـعرفـــش أقربــــه تـــانى

ليه بس؟؟؟ اديله فرصة تانية

معلش

..........

فى قلـــبى زهــــرة

لا يمكــن لأحــد ان يقطـــفهـــا


سيبهواااااالى

علشان معندهمش زيها فمش مصدقين

و لاحاسيين

.............

و تظل خطاريفك لها طعم اليوسفى (:

يعنى جميل و مختلف و أصلى

مش زى التقليد (:

وست عجبنى بجد رااائع
شكرا لك
وبالتوفيق
مع تحياتى
نور

اذا وجد المضمون ... انصاع الشكل ... ليو تولستوي


تحياتي

مين بيقـــول ع
لســت المصـــرية نكــــدية ؟!

أنا

دحـنا الرقــة
و الوداعـة
و البراءة مجسـدة

هاتى لى أمارة واحدة بس وأنا أبصم لك بالعشرة على كده
وتحدى

و اسحـبوها
أتخلنويش
آجــى أنكــــد عليكــو

نسحب إيه ولا إيه ولا إيه
دا كفاية 8 ساعات بعد الشغل اللى أصلا واقف فيه من الساعة سبعة الصبح عمال ألف أجيب طلبات ولا زى ما يكون فرحى أنا
إلهى وإنت جاهى أصحى لصبح ألاقى حريم مصر كلهم اتنقلوا المريخ


لـو تـم حــل مشكــلة العــنوسـة
سيخــتفي كـــثير
من الناشـــطات و الثـــائرات
من الشــوارع
و السـفر و المـبيت خــارج البيت‏

بأكرهه عمى
بس نفسى الكلام يتحقق
خلينا نخلص من دوشتهم بقى


الثـــورة قـــوية كالفـــولاذ
حـــمراء كالجـــمر بــاقــية كالسـنديــان
عمـــيقة كحــبنا الوحـشــى للـوطـــن

أتمنى ذلك

إضـــرب بعـــض الــرأى ببعـــض
يتـــولد منه الصــــواب

فقط يجب أن نصدق الرأى لكى تصدق المشورة

الحقـــيـقـــة رحــــلة
و ليســـت وصــــول

ولذلك

يضــل النــاس طـــويلا
قبــل أن يجــدوا ما يبحـــثون عـــنه


ليـس المهــم طــول حــياة المـــرء
بل جـــودتها

ولذلك نسعى جميعا قدر استطاعتنا
والدليل

سيعـــيش الحـــكماء
نفـس حـــياتهم
و لــو ألغــيت كــافة القـــوانيــن

عــــندما تتكــــاثر المصــــائب
يمحــو بعضـــها بعضــاً
و تحـــل بك ســـعادة جـــنونيــة
غـــريبـــة المــــذاق
و تستطــيع حــينهـا أن تضحــك من قلــب
لم يعــــد يعــــرف الخــــوف !

وتنطلق ضحكتنا تهز الأرض ولكن
بلا روح


اوقـــات الدنيـــا
بتكـــون محــتاجـــة
شـــوية جنـان عشان تتــوزان
و نعــرف نتحـمل سخـافاتها ونعيشـها

وعلشان كده أنا وصلت أسرع
وبقيت عايش


الدمــوع دمــاء الـــروح

وعندما تجف
فقد ماتت الروح


وما تبقى من القصة لا قيمة له

مممممممممممممممممممم
يا نهار اسوح
الرسم مع المقاطع مع المزيكا
مجرمه
عارفه كده وانا بقراه مع المزيكا بتاعتك فصلتني بجمالها
الجمعه الجايه ميعادنا مع مصر
نشوفك ف نفس المكان ان شاء الله

و زعلانيــن ليه ؟ اللى هتنكســـر جـناحـاتى
و أنــا حــرة فيـها
****************
بعد الشر عليكى من كسره الجناح يابطه
ان شاء الله مش هيحصل ابداااااااااا



اللــى بيبعـــدنى
مبـعرفـــش أقربــــه تـــانى
***************
..... طب ياترى انا فهمتها صح؟؟؟






انا حاسه ان الخطاريف المره دى لها طعم مختلف
:)
بحبك

البوست ده قوى جدا

مليان جمل اقتبستها

فى خطاريفات قبل كدة كانت ممتعة بالنسبة لى لكن ما اقتبستش منها كتير

الخطاريفة دى كان فيها شغل عالى

تدوينة ملغمة

او محشية

"هاتلـــى
يا بكـــرة صفحــة جــديدة
حطلــى مصـــر ف جــملة مفــــيدة "

اسكندريللا - بابا بيحب الناس دى


----


"الشرطة بسبب "الاحداث" اللى فاتت
م الآخـــر ... مستهدفة
و أمناء الشرطة مش واخدين حقوقهم
و بيعتصموا زى بقية الفئات
و لازم نساعدهم
مذيع ف الراديو المصرى"

لول السنين


----


"مش باقـــى منى غــير
شـــوية ضـــى ف عيـنيــا "

ايه قصة الناس اللى عندهم مشكلة ف عينهم؟


----


"و هتزعلى ازاى
و انتى بقيتــى بـاردة
و قلبــك بقـى حــتة حجــر؟!!"

بس الصورة دى لقلب شيكولاتة وسط كاندى :D


----


"طـــعم الشجـــن "

كانت بنص جنيهوكان جدو - الله يرحمه - لما كان بيجيلنا كان لازم يجيبلى معاه وكنت احبها جدا
الله يرحمه ويرحمها بقى


----


"قلك قلقــانـى
و إنتــا تفـــوت تنـــــام !!
فيروز "

سهر عينى ونام .. ما بيغفى الغرام .. ولا بغفى انا

ليس كمثله شيء كما قال عن نفسه



نحن لا نعبد الله كما نحب بل كما يحب هو , وهذا من تمام العبودية والعبادة

واحد من الناس

تعرفي طبعا متابع كل كلامك

بعد ما أخلص قراءه ما بلاقيش كلام تاني يتقال بعد كلامك

يمكن ملحوظه

أنتي شفافه جدا

حبيبتي شقيقة الروح

حروفك وصورك اكبر من اي تعليق
برتاح اوي لما آجي هنا ابتسم وادمع واتمنى البوست ما يخلصش
تسلم ايديكي واختياراتك حبيبتي
هاخد دي بعد اذنك انزلها في الفيس بوء :)



الأعــــتذار البــــارد

يعـــتبر إهــــانــة ثــانيـــة

جى كيه شسترتون - كاتب انجليزى


ما قدرتش انفذ طلبك كلماتك غالية عندي اوي
حاولي تشوفيلك حل في موضوع ايميلك نفسي اكلمك كتيييييييييييير

بحبك اوي
بوسات وحضونات وسع السما
زي قلبك
:*

ابراهيم رزق
-----------

ازيك يا ابو العيال

اكتئاب ايه
وبتاع ايه
يا جدع انتا ؟!!!

حد يبقى عنده سالينازة العسل
و ميبصش ف وشها القمر دا فيزول همه ؟!!!

طب دنا بكتب عشان اخرج م المود
واخرجكم معايا
وأوزع شوية تفاؤل ف المنطقة
عشان ان شاء الله
هتروق وتحلى تقولى داخل على اوكتئاب
على رأى يوسف

وكمان كاتبلى بوست
عن الانتحار !!!

لأ
المنظر دا مينفعش
لو هتفضل كدا
كما يقول الغسكندرانية الجدعان
تعالى يوم الجمعة
نروقوك و نعملوا معاك الانسانية
و نخرجوك م الجو الغامق دا ...
و يبقى حصل خير

لو جايلنا مروق ..
يبقى يا دار ما دخلك شر
و زيادة الخير خيرين

وخلى بالك من نفساوياتك بقى
لحد ما نشوفك على الف خير

سلامى للعيال وام العيال
وابوهم الميكتئب

Ramy
----


ازيك يا ر ر

تعليقا على تعليقك

المشكلة مش ف اللى قصادى يا رامى
المشكلة فيا انا
الطبع الزفت دا عندى
واكتشفته مؤخرا وبشدة
لما بقفل من حد بتبقى قفلتى سودة
بدى تحذير وعقبال ما ينتبه بيكون عدى وقت
وانكسر جوايا حاجة ...
مبعرفش اصلحها

الظاهر والله اعلم كدا
انى بعاقب اللى قصادى على انى صبرت عليه شوية ..
ومزعلتش منه وقت ما حصل اللى حصل ..

والله متعرفش فيه ايه
بس انا وحشة
اكتشفت انى وحشة قوى

ومعنديش وسط

يا اتسامح وابقى اوفر
يا اقفل وابقى اوفر برضو


يبدو ان الحل الامثل
وما توصلت اليه بالفعل
ان المسافات أحسن حاجة

أريح
مش عايزة أشيل ذنب حد بيحبنى
واحبه و يتوجع بسببى
وبسبب ما يتوقعه منى ولا يجده


اما بقى الزهرة التى ف القلب
انا عندى واحدة يا رامى
بس زهرتى
زهرة صبار

والله اعلم

انا كويسة يا ر ر
هفضل اقول لروحى انى كويسة
لحد ما ابقى كويسة

كان نفسى اشوفك الجمعة دى
بس معلش

تتعوض ان شاء الله

خلى بالك منك يا غالى

نور القمر
----------

ميرسى يا نور

كلك ذوق يا حبيبتى

اندروميدا
---------

انا بحب الراجل دا قوى
دماغ و واقعى
ورغم كآبة عصره
كان متفائل بشكل عجيب

أو مش عجيب ولا حاجة
دى سمة العظماء
شايفين اللى محدش عادى يشوفه

نورتنى
وخطرفت معايا

موشكرين

الازهرى
-------


ولاااااااااا يا زيزو

اتلم ياض
عاوز تبقى اخ اونطة ولا إيه ؟!!!

اختك وبتتجوز
خلاص يعنى هتذلوا صنف الحريم كله عشان الغلطة دى ؟!!!


وبعدين بص للجانب المشرق من المسألة
البونية هتنكشج من على كتافك وتروح تعكنن على جوزها ...
خلاص
ربنا كبير اهو


بس وحياة مييييين
لنجيبلك اللى تعكنن عليك
وتكمل المسيرة

احنا هيخلصنا نسيبك كدا ؟!!!

نطمن بس ع البلد دى
وبعدين نفضالك ...

انتا جاى الجمعة ولا ايه نوظامك ؟

وابقى فكرنى بمعاد الفرح يا زيزو
اختك بتنسى اسمها الأيام دى
ماشى ؟


عقبالك يا خويا
وعلى رأى الاخ عبفتاح الجرينى
أشووووف فيك يوم
ع اللى انتا عملته فيا


(انا بالنيابة عن اعضاء الجمعية )


على جنب
و انا بكتب جملة نجيب محفوظ بتاعت الضحك دى ..كنت انتا ف بالى قوى
عشان عارفة انك هذا الرجل
اللى بيضحك عشان يغلوش ...

ربنا يريح قلبك
ويعوضك خير

ويرزقك ببنت الحلااااااال
اللى تعكنن عليك
و تضحك ضحك لم يعد يعرف الخوف برضو

هه

candy
-------


وش مبتسم
وبيحدف بوسات ف الهوا

القفيها بقى

هى وظروفها
----------

المزيكا دى مفضلة عندى برضو يا وليد وبحب احطها دايما
لزياد الرحبانى ...
حاجة من ريحة فيروز برضو ...
وعارفة انك بتحبها قوى زى حالاتى



وان شاء الله
اشوفك على خير
ف نفس الموقع يا فندم

عاشقة الرومانسية
----------------

معرفش فهمتى ايه يا دودو
بس خير يا حبيبتى

خير


الخطاريف خطاريف
متاخديش ع اللى فيها قوى
انا بخطرف معاكو يا عيال
متخدونيش بجد بقى
وتقلقوا كدا


بوسيلى رودى
واحضنيلى روحك

انا كمان بحبك يا حبيبتى
وسامحينى انى مقصرة معاكى

معلش

عمرو فكرى
--------

ازيك يا عمورة

يلا حالا بالا حيوا ابو الفصاد

مش تقول يابنى انك برج العقرب ؟!!!

اتاريك مخلص و مجتهد و بتعرف تحترم وتقدر الأشياء ...

طيب

الناس اللى عندهم مشكلة ف عينهم دول يا عمرو يبقوا مصابى الثورة اللى انضربوا بالرصاص والخرطوش ف عيونهم ..


اصلى افتكرتهم لما سمعت وتفرجت على اعتصامات الأخوة امناء الشرطة والمذيع ف الراديو بيقولنا انهم ليهم مطالب ولازم نتكاتف معاهم عشان يرجعوا يخدمونا تانى بذمة ...


انا بصراحة مجاش ف بالى
انهم مظلومين بالمرة
وافتكرت المظلومين بجد ...
اللى عينهم راحت ولا ميت الف اعتصام يرجعها ...

وافتكرت كمان
ان المصابين هيدفعوا تمن الجدعنة والشهامة والوطنية طول حياتهم وهما ساكتين و صابرين ومبيفتحوش بوقهم

انما الدور والباقى ع اللى غلط
لأ غلط ايه ؟
اللى اجرم وانتهك ...
و عينه وجبايره ونازل يبجح ويطلب تحسين اوضاعه ..
واللى غايظنى اكتر بقى
ان واضح انها تمثيلية قبل الأنتخابات ومقصود بيها اشاعة فوضى ولخبطة عشان محدش من الغيورين على الثورة يقف يقولهم وقت حدوث أى انتهاك تلت التلاتة كام ....

المسألة متحورة وشكلها مرسوم بدقة
وفيها ذكاء وخبث ان شاء الله ينقلب سحره عليهم ...


المصابين بقى
ربنا يعوضهم خير

بس



الكورونا لسه موجودة يا عمرو
عندنا ف وسط البلد كتير
اول مرة هشوفك فيها ف أى لقاء
هجيبلك واحدة ان شاء الله


فيروز بقى
آه
خلينى ساكتة احسن

كل سنة وانتا طيب يا فندم
و عقبال السنة الجاية ما تحتفل بيه انتا وريهام ف بيت واحد وتكتبوا البوست من جهاز العروسين ...

وش مبتسم
و بيقول يا رب ..

فاتيما
روح القلب الملائكية

اخوكى بخير و بأذن الله موجود يوم الجمعة بس انتى اكدى على

الموضوع الواحد مضايق من الانتخابات و الاسامى و نتيجة الانتخابات فى تونس احبطتنى
و الناس فى الشارع مسلمة دماغها يا اما مجلس عسكرى اى متشددين
و الكل بيقول ديمقراطية ايه اللى تخلينى اختار بين نصاب يا حرامى يا برجماتى يا متشدد تنتظرى ايه اللى هتفرزه
و بعدين احمد شفيق و بعدين جماعة عايزين المشير يعنى بنرجع للنقطة صفر
البوست كتبته عشان افرج شحنة جوايا مش اكتر و لا اقل تقدرى تقولى علاج نفسى ممكن تعتبريه تخاريف عمل ادبى تنفيس
لو انت رايحة التحرير قوليلى و ساليناز بتسلم عليكى و زياد مش عايز يكرر التجربة و بعدين اقتنع مرة مرة
سلام يا ام جو

لقد أصبحت أدمن خطاريفك
وجعلت البيت عندي كله نفر نفر يدمنها

اللهم أدم عليكي نعمة الخطاريف وأحفظها من الزوال :)))
♥♥♥

واحد من الناس
--------------

ازيك يا إسلام

انا كنت بقول ليوسف اجابة واحدة
ربنا ف كل حاجة حوالينا
بص للقطة الصغننة والفراشة والبحر الواسع والسما العالية من غير عمدان وللشكولاتة وطعامتها و للدوا اللى بيخفف و الكمبيوتر .. وعقل البنى آدم اللى اخترع حتة حديد تقيلة تطير ف الهوا ... اسمها طيارة وصاروخ ..الخ
وحتى الحاجات الوحشة
ربنا خلقها بسبب ولهدف
ولما نعرفه ..او نخمنه نقدر نشوفه سبحانه ونحبه



بخصوص العبادة بقى
انتا قولت كما يحب هو ..لا كما نحب
طيب موافقة
كما يحب هو سبحانه ازاى ؟
زى ما انكتب فين ؟
عرفنا م القرآن والسنة ..
طيب
فهمنا وفسرنا دا ازاى ؟
مبيحصلش ان حضرتك تقرى آية و تفهمها او حد يفهمالك بشكل وترجع تقراها تانى بعدين ..فتكتشف معنى اوسع ؟!!!

فهم وتفسير الآخرين
وفهمك انتا الشخصى
مش نتاج لفهمك اللغوى والعقلى

دول مبيتبدلوش بمضى الوقت ؟
مبيتغيروش بالتجارب اللى بتحصلك ؟
مش المفروض يكون فيه مرونة و اتساع ف الرؤية ؟

طيب
ربنا عاوزنا نحبه ازاى ؟

يعنى مين حط نفسه مكان ربنا دلوقتى عشان يقولى اعملى كذا وكذا وكذا تبقى صح واللى مش هيعمل كذا وكذا وكذا يبقى انطرد من رحمة ومحبة ربنا ...

مين ؟

انا بحب ربنا على قد ما أقدر
مش على قد هوه سبحانه ما يستحق ..
لأن مفيش بشر يقدر يعمل كدا

يحاول ..ماشى
لكن يقدر
لأ

المحاولة دى بقى
مين يحكمها ؟
مين يقف بالعصاية ويقول اديكى نجمة لأنك شاطرة او يقولى وشك ف الحيطة لأنك غلط ...
انا شخصياً برفض الوصاية
أرفض حد بسبب علم اتعلمه
ولن يؤتى منه مها عمل الا قليلا
انه يقولى و يوجهنى
ولهذا
انا بحب ربى كمان أنا ...


مش عاوزة اطول ولو انى طولت
بس انا مش عايزة اناقشك واخد وادى عشان متزعلش منى والموضوع يتطور
وانا بعتبرك من المعتدلين الحريصين على عرض نصحهم بلا تشنج ولا استعلاء واكُبر فيك ذلك من زمان ..
ومش عاوزة أخسرك يا ريت ..

وكتر خيرك ع الزيارة
والتعليق

ونورتنى بجد

مصرى جدا
-------

ازيك يا هانى
انتا فين يا وتد ؟!!!

يا عم علق
وانشالله تشتم
بس كلامك بيطمنى دايما والله
وبيعمل فرق وانتا متعرفش

شفافة دى يعنى فوضحاية
ولا ملايكة وبترفرف وكدهون ؟!!!

ف الحالتين موشكرين
ومتغبش عن روح قلب ماما
لو سمحت

rainbow
-------



ازيك يا هدهودة
خلاص يا حبيبتى مفيش مشكلة

والخطاريف تحت امرك
كأنها مدونتك يا هدى
متسالنيش تانى يا حبيبتى
انتى ليكى هنا اسهم فيها
انتى م الأعضاء المؤسسين يا ماما
ولا ناسية ؟!!!


انا كمان بوسات وحضونات
يا سيدة الالوان


آه كنت هنسى
موضوع الأيميل دا معلش
الويندوز عندى عاوز يتغير
ومستنية سى منص الشهير بماجد اخويا ينزلى واحد جديد ...
ويمكن المسألة تنعدل
معلش

ابراهيم رزق
-----------

بالنوسبة لزياد
معلشى هوه عنده حق
احنا معرفناش نستقبله كويس
وانشغلنا عنه بالنقاش والحماسة


سالينازة حبيبة قلبى
لن اتنازل عن حضورها لو انتا شفت ان الوضع هيكون تمام ومفيش قلق وكدا ..

اما سيادتك بقى
فلينا قعدة يوم الجمعة ان شاء الله
نتناقش ف كل حاجة

و ان شاء الله
خير

وحياتك لأفضل أغير فيكى

انتا نسيت ولا إيه ؟

وش مبتسم
وبيقولك .. إطمن

من كل بستان زهرة
----------------

زهرة

ازييييييييك
انتى بنت حلال والله

لسه من كام يوم بقول لنفسى هيا زهرة مختفية فين ؟
وبعدين قولت يمكن مذاكرة
يمكن اكتئاب
ومرضتش أغلس ..

بس وحياة يوسف انتى كنتى على بالك
وفرحت جداااا
لما شوفت تعليقك دا دلوقتى

سبحان الله
الارواح جند مجندة

مبسوطة ان الخطاريف عجباكى
وعاجبة البيت كمان
يا خراشى
لقد ارتفعت معنوياتى دلوقتى ييجى تلاتة متر لفوق ....
بجد منحرمشى منك
وسلامى ليكى يا حبيبتى
ولكل اللى عندك

ميرسى ع القلوب الحلوة

غير معرف
-------

والله
انتا صعبان عليا

مش لحاجة

غير انه واضح
انك بتعانى من فراغ كبير فى حياتك ودايرة المحيطين بيك
وبتطلع دا ف شكل تلصص
على حياة الآخرين ...


المشكلة بجد
انك متهيألك انى هتخرع
لما ترمى اتهامات التكفير
والجموح و الفلتان و الحاجات دى
وتهددنى وكدا


على فكرة

كلامك مش بيخوفنى
ولا بيعملى أى قلق من أى نوع


وعارفة انك أجبن
من انك تورينى نفسك ...
وتعرفنى انتا مين ف الواقع


متعتك ف انك تكون شبح
و تشوف غيرك وهوه مش شيفاك
و اذا كنت متصور ان دا موطن قوتك
فخليك متصور اللى متصوره ...

براحتك
لا انا خايفة منك
ولا إنتا شبح

ولو انتا شبح هتبقى كاسبر
عارفه ؟
بتاع الكارتون دا
لو عندك عيال اسألهم يقولولك

طب والله فكرة

هسميك كاسبر من هنا ورايح
هه
ايه رأيك ؟!!!


ربنا يهدينا جميعا

الصورة بتاعة البامبينو اللى نايم فوق ضهر باباه
عاملالي حاجة كدة فى روحي مش عارفة اسميها
ولا عارفة ليها معنى
بس مخليانى عايزة اقول أاااااه

فيه ناس أنتي منهم اما نتعامل معاهم زي ما بنتعامل في المسجد حتى لو جوانا مش كويس يجبروا أي كان على أن يكون او يحاول ان يكون على قدرهم من كل ما هو راق

فاطمة حبيبتى يا احلى عيون ماتعرفش تكدب لما الواحد يبصلها يحس بكل لحظة شجن والم بتمرى بيهامتكحلة بعلم احلى بلد فى الدنيا مصر كل ماادخل مدونتك احس بالشجن ماليها زى ما هو مالى قلبك من اول شيكولاته كورونا بطعمها اللذيذ مرورا ببقلظ ابو دم خفيف وزمن جميل عدى من بين الايدين واخيرا بكلامك اللى يوجع ويخلى دموعى تنزل من غير ما احس بيها :مش عارفة اكلها من غيرك يا قلب وعيون مامتك ومانكى توتو اللى مستنى معاكى رجوعه ، فاطمة انا مش هاقولك كلام يصبرك لان كل كلام الدنيا مش ممكن يعادل مايعتمل بصدرك لكن كل اللى اقدر اقولهولك قول الله تعالى " ان مع العسر يسرا ان مع العسر يسرا" كمان اقدر اقولك ان فيه قلوب كتييييرةقوى بتدعيلك بظهر الغيب ما تتمناش من الدنيا غير ان ربنا يحقق لك امالك ويشملك بعطفه فاطمة وانا هنا باستعد للحج وانا بادعى لاولادى اللى وحشونى مووووت معاذ واحمد حسيت بيكى قوووى وحسيت بالحاجات اللى مالهاش طعم من غيرهم ولقتنى وانا ساجدة ودموعى بتنهمر منى بادعيلك من كل قلبى ان ربنا يحقق املك ويرجع روح قلبك وتعرفى تاكلى معاه كل اللى فى نفسك فاطمة لا يرد القضاء الا الدعاء ادعى يا فاطمة ربنا قووووى وتوسلى اليه وهو مش هيردك باذنه خائبة ادعى وانت موقونة بالاجابة ادعى ودعوة الام لا ترد ادعى ودعوة المظلوم لا ترد اوعى تياسى انا عارفة ان صديقتى الحبيبة مثابرة قبل ما اسافر قولتلى مش لازم تدعيلى ان يوسف يرجع بس ادعيله انه يكون بخير لكن انا باقولك انى ان شاء الله وانابجوار الكعبة الشريفةهأدعى وهأدعى وهأدعى ان ربنا يردهولك علشان ان شاء الله وهو معاك هيكون بالف الف مليوووووون خير علشان وبصدق انت احن وارق واصدق ام وصديقة واخت قابلتها فى حياتىونادر قوى انالواحد يقابلها فى حياته انا دعيتلك وليوسف فى العمرة اللى فاتت وهاظل ادعى حتى يجمع الله شملكما واشوف فى عيونك الحزينة فرحة العمر كله واخيرا حبيبنى اهدى اليك اغنية ام كلثوم القلب يعشق كل جميل وخاصة الكوبلية اللى بيقول دعانى لبيته لحد باب بيته وما تجلى لى وما تجلى لى بالدمع ناجيته
توتو

قلـــبى بيمسـك ف اللى بيحــبه

زى المشبك لما بيمسك ف الغسـيل !!


أو الشعرة لما بتلزق فى العجين

طب ايه بقى ؟؟؟ مش فى اوقات الشعرة بتطلع من العجين و الناس بتشيل المشابك من ع الغسيل ؟؟
هو ليه الوقت دا بالذات بيطول كدا ؟؟



البوست اللى فات بتاع الخطاريف كان رائع جدا وفى كام حاجه حسيت انهم بتوعى و دا خلانى انشكح


مش محتاجه اقولك وحشتينى جدا اكيد انتى عارفة و اكيد عارفة انى مش بقدر اهوب ناحية المدونة بس هذا لا يمنع انى بحبك

سلميلى ع نفسك كتير كتير و بوسيلى روحك الطيبة

السلام عليكم
لا يافندم حضرتك ممكن تاخدي وقتك في الكلام , اعتبريها مدونتك :)
انازائر دائم بس مبحاولش اتناقش في حاجات عارف كويس ان ىالنقاش فيها بالطريقة دي مش مفيد بالاضافة لسوء التفاهم اللي ممكن يحصل بسبب ضعف وسيلة التواصل نفسها و لاعتقاد كل شخص انه عارف اللي عند التاني وفاهم الدماغ دي كويس وده مش دايما مظبوط , فبتجنب الحوار للسبب ده , لكن تعليقي كان على احد معاني جملة (يمكن التنبوء بسمات وجه الله بانظر في الاشياء ) لان احنا نقدر نشوف صفات الله وافعاله بالتأمل اما ذاته او كنهه فده بعيد عن ادراكنا كما قال (لا تدركه الابصار ) وكما قال ليس كمثله شيء ) بس مش اكتر من كده
اماطالما حضرتك فتحتي الموضوع ده فخلاص بقى نعلق وامرنا لله :)

اما بفهم مين فالموضوع اسهل من كده بكتيير , ل\ما تكون النوايا خالصة لمعرفة الحقيقة مش للانتصار للذات (مقصدش حضرتك ولا اي شخص انا بتكلم عن مبادىء عامة ولا اكن لحضرتك غير كل احترام وتقدير وتفّهم مواقف مش شرط اكون موافق عليها بس متفهمها ) المهم اذا الشخص سعى لمعرفة الحقيقة بدون افكار مسبقة وطلب من ربنا المساعدة حيوصل في النهاية المهم انه يبذل الجهد المطلوب اما اذا كان وصل لقناعة اعتبرها الحق المطلق (مش بس السلفيين اللي عندهم القناعات دي ) غير قابلة للنقاش فهو انهى النقاش من قبل بدايته , واذا حاول وموصلش حسابه على ربنا مش على جد ربنا هوه اللي شاف قلبه واطلع عليه , احنا منبنيش موقفنا من الناس بناء على اللي في قلبهم سواء خير او شر احنا بنبني موقفنا من الاشخاص بناء على كلامهم وافعالهم ومواقفهم الظاهرة مننا كأشخاص ومن مبادئنا وقناعتنا ,


بالنسبة للقران ففيه اي حسمت الامر ده بتقول
( هو الذي انزل عليك الكتاب منه ايات محكمات هن ام الكتاب واخر متشابهات فاما الذين في قلبوهم زيغ فيتبعون ما تشابه منه ابتغاء الفتنة وابتغاء تأويله وما يعلم تأويله الا الله والراسخون في العلم يقولون امنا به كل من عند ربنا وما يذذكر الا اولو الالباب )
ببساطة حنلاقي ان فيه ايات مفيهاش تفسيرين ودي كتيير نرجعلها لما نختلف وايات تحتمل اكتر من وجه واكتر من تفسير (بناء على قواعد التفسير واللغة وسبب النزول مش بناء على شكلها في عقولنا ) والدليل اللي بيتطرق اليه الاحتمال معدتش دليل لطرف على الاخر .
شفتي حضرتك المسالة بسيطة ازاي .

تشرفت بالتعليق لديكم , بس تصحيح معلومة , انا مش من المعدودين كمعتدلين على الاطلاق كل ما في الامر ان ياؤمن بان الحوار هوه ىالوسيلة الوحيدة للوصول لحلول ترضي اغلب الاطراف(مش كل لان د
ه مستحيل ) ومش على حساب ما نؤمن بيه وامكانية التعايش مع اكبر قدر ممكن من الاختلاف رجاء انه يقل بالتعايش لان الصدام بيزوده , اما معتدل دي فاكيد مش انا (انا قلت ك\ده علشان الصورة الذهنية تبقى مهيئة لاي موقف مش مناسب ليها )

اسف على الاطالة
وشكرا

واحد من الناس

نـوران الشــاملى
----------------

انا كمان يا نونو
اول ما شوفتها ازبهليت
واتخضيت
و ابتسمت
وحسيت ان لايقة ع المقولة اللى تحتها دى
فيه حاجات كتيييير قوى
تبدو بسيطة
صغننة
مش بتفرحنا
وتعبها هوه اللى بداى

وبعدين لما نفقدها للحظات
نكتشف ازاى انها غالية

انا بتخيل الاب دا حاسس بإيه
والبيبى دا حاسس بإيه ...

الأب حاسس بإنه سند
وان حتة منه منتمية ليه
نامية على ضهره بتكمله وتكون امتداده وونسه

البيبى حاسس بالدفا
والأمان
مستمتع بمرجحته فوق ضهر باباه
لما النفس يطلعه وينزله


حالة جميلة
ودافية
ويا ريت كل حد عنده ابن
يمارس هذه الطقوس
عشان يعرف ربنا جميل ازاى
واداله نعمة شكلها ايه


المصور بارع
وعينه حنونة
م الآخــر
انسان وفنان


متقوليش آه يا خوختى

قولى

الله


بوسات وحضونات يا حبيبتى

مصرى جدا
--------

يا لهوى يا هانى على كلامك
مش للدرجة دى يا عم
دنا غلبانة


طب انا عاوزاك تقرى التعليق
اللى انكتب بع تعليقك علطول
بتاع أعز صديقاتى ..توتو
تغريد صديقتى من الجامعة
يعنى تقريبا ... بقالنا 20 سنة

انا ندلة معاها جدا
وهيا الرحمة مجسدة
بتعاملنى زى ما اكون بنتها
مش صديقتها
لو بتعاملنى كصديقة
كان زماننا افترقنا من زمان


اللى زى تغريد ف حياتى
هيا اللى بتخلينى أحس ان فيه خير
وان ربنا بيحبنى
لأنه حطها ف سكتى ومبعدهاش


ربنا يخليكم ليا
كل قلب بيحبنى وبيدعيلى
و بيطبطب على روحى وقلبى


منحرمشى منك
:)

توتو
----


انا مش عارفة أرد اقول ايه ؟

انتى كالعادة
بتخلينى أحس بميت ألف حاجة
تبدأ بإحساسى انى ندلة قوى ومستاهلش حبك وصداقتك دى
وتنتهى بحاجات كتييييير حلوة
زى انى محظوظة وربنا بيحبنى
ان ف حياتى صديقة وانسانة زيك ...


انتى يا توتو تجسيد لما كتبتى
(ان مع العسر يسرا)

انتى ف وسط ما انا بغيب وابعد وابقى ندلة و مكونش موجودة لما تحتاجينى ..

انتى بتكونى حاضرة
وحبك منقصش وبيزيد
وبتدعيلى من غير ما أطلب
وبتبكى لما تفتكرينى فى اى موقف

انتى رحمة من رحمات ربنا يا توتو
متجسدة ف بشر
الملايكة اللى بيقولوا عليهم دول
بس ف هيئة انسان

انا كنت سخيفة معاكى جدا
ف اخر مكالمة
وقولتلك بسخافة اكتر متدعيش ..
ادعى ليوسف بس
مش لإنى فقدت الأمل خلاص يا توتو
انا بس
مبقتش عاوزة اتعلق بحاجة
يمكن ربنا ف علم الغيب مش كاتبهالى
ويمكن
ل اكيد
يوسف احسن وهوه بعيد كدا
عما يكون معايا ..
اكيد ربنا مختارله الافضل
والاحسن
بس انا مش شايفة

ويمكن هيرجع لما برضو
ربنا يشوف دا الأحسن

انا بحبه اكتر من أى مخلوق ف الدنيا ما هيحبه ف يوم ...
بس يمكن الحب مش كفاية
يمكن معنديش الحماية
ولا المؤهلات الكافية انى اكون ام وأب سوا وهوه ف السن دى ...

يمكن دى فرصته انه يقرب من اخواته ويكبر معاهم ويكون فيه رابط ما بينهم مكنش هيبقى موجود وهوه معايا ...
معرفش

يمكن حاجات كتير
ربنا أعلم بيها عنى


يمكن انا محتاجة أصلح ف نفسى حاجات
لحد هوه ما يرجع

برضو معرفش

انا جايز شايفة نفسى مظلومة
بس شايفة ربنا عادل
لأ ..اسمه العدل
يعنى اللى بيحصل دا عدله
وهوه بيحكم على هذا الاساس

وانا بقيت راضية


مش مبسوطة صحيح
بس
بقيت راضية
و مش هينفع أنبسط وهوه مش ف حضنى


هوه بيوحشنى كتييييييييير قوى
الايام دى

بس معلش

الحمدلله
انه بخير
وانه كويس
وانه سليم ومعافى
وانه بيروح مدرسته وبيتعلم
وان عنده اصحاب
واخوات
واسرة تانية
وحياة اتعودها

انا مش عاوزة أدخلها واقتحمها
والخبطهاله ..
مش عاوزة اعمله دوشة زى كل مرة
وبعدين اضطر أبعد
مش عاوزة أعشمه واخذله
خليه كدا احسن
وخلينى بعيدة عشان مبوظلوش حياته
واعمله ارتباك
لن ينتهى ..

انا بموت ف الغنوة دى على فكرة
بحبها قوى
ربنا ما يحرمنى منك ابدا
وان شاء الله لما ترجعى بألف مليون سلامة لازم هنتقابل عشان اشوفك واخد احمد ف حضنى ومعاذ يغنيلى طمطومة طمطم يا طماطم ...

:)


خلى بالك من نفسك ومن هشام
وترجعوا بالف مليون سلامة يا حبيبتى
وحج مبرور مقدما
و ذنب مغفور يا حبيبتى
بإذن الله

آخر حاجة عشان عايزة أقولها
من اول التعليق

انا مبسوطة جدااااااا بتعليقك هنا
وانا محظوظة بيكى يا أغلى صديقة
وأم
انا ساعات بحس انك امى ..
مش صديقتى وبس
انا
بحبببببببببببببببك
يا توتو

بصراحة تهت في المدونة الأول ومكنتش فاهمة ايه الموضوع وفضلت ماشي ماشي لحد الآخر

كل اللي فهمته إني حسيت إني مبسوط
تحياتي

جارة القمر
----------

ازيك يا حبات اللولى
وحشتينىىىىىىىىىىىى

انا أسفة لآخر العمر انى مقصرة
ف السؤال عنك

ومن ناحية الوقت
فنا مش هقولك بقى
الأوقات الحلوة ..تخلص بلمح البصر
والنكد قاعد كابس ع المرواح
ومش بيتعتع ابدااا

الا لما ربنا يريد


انا كمان بحبك يا ميويتى
ويا رب تكونى بخير
وأحسن

بوسات وحضونات يا حبات اللولى الحر

أنا بعت

كونت سرى مش عارف وصل و لا لأ

النت عندى بشع

هستناكى فى حفلة توقيع كتابى التانى
هتلاقى التفاصيل عندى على المدونة

واحد من الناس
-------------

اهلا بيك تانى يا فندم

ومتفقة معاك
ان فيه ثوابت
بس الثوابت دى من عند الله
تاويلهاوتفسيرها بقى
دا من عند العبد
و بما اننا كبشر نخطىء ونصيب
فبالتالى
من حقى اعقل اللى يدخل دماغى
ويصدقه قلبى
وأرفض ما يرفضه عقلى وقلبى

وطالما انا من سيتحمل العواقب
ف الدنيا والآخرة ..
يبقى خلاص
دينى بينى وبين ربى
محدش يتدخل الا اذا سمحتله يتدخل
ولن أقبل أنه ينظر عليا أحد
ولا أرضى يسخف من رأيى أحد
ويعتبرنى فاقدة القدرة على الفهم
و التحليل
وانى مش عارفة دينى كويس ...
بينما هوه اللى عارف ومتأكد لوحده من كل شىء ...


كمان لا أقبل أن يهين احد الآخر
ف مدونتى
بإسم الغيرة على الدين ...
لأنه لم يمنح هذا التوكيل منى ..



قد ابدو مغرورة عنيدة مكابرة
بس الحقيقة ان دا من حقى

من حقى بعد عمر ف القراية
والتامل والخبرة
والفرجة على الدنيا
والمرمطة فيها انى أتغر بنفسى
واعتبرنى بفهم ولو شويتين لدرجة ان يبقالى رؤية وقناعة


ومن حقى كمان أتشبث بما وصلت ليه
من قناعات كما يتصلب الآخرين
برضو بمعتقداتهم وبعنف شديد ...


ومن حقى اكابر
لما الاقى اللى قصادى
بيحاول ياخدنى على قد عقلى
متصورا انى مش فاهمة طريقته ...
وانى لسه عيلة صغننة عاوزة حد ياخدها من ايدها يفهمها ..

انا برد رد عام
جايز ملوش دعوة قوى بتعليقك
بس معلش
هوه له علاقة بالقادم ...
وهو ان


اختلافنا يا أستاذ اسلام
لإن يفسد للود قضية
و الصورة الذهنية عنك
انا مستوعباها من قراءاتى لمدونتك ..
ومش هتخض ولا حاجة ..
و فاهمة قصدك


خلافى معاك غالبا
هيكون سياسى ف المقام الاول
و مش دينى خالص
انتا حر ف توجهك واعتناقك
لكن مش هيحصل خلاف ان شاء الله
لأنى احسبك ممن يقدروا على فصل الاتنين
لو لزم الامر ...


أتصور ذلك يعنى

وعموما انا مش منتظرة
أى اتفاق فكرى أو تأييد

لكن منتظرة وقت الجد
انك تقول للغولة ف عينها ..
انها غولة

وذلك يحدث

و منتظرةانك تعمل
زى ما غالبا بتعمل
انك تنزل
عشان البلد
مش عشان جماعة او مذهب
ودا الاهم
و يفرق عندى


ولهذا احسبك معتدلاً
يا فندم
وما كنت أقصده بكلمتى دى


تحياتى ليك
واهلا بيك دايما

Ramy
----


وصل يا غالى

ربنا يخليك لأختك
وانا بخير طول ما حواليا ناس زيكم

mohamed ghalia
--------------

الف مبروووووووووووك يا محمد

وعلى عينى حاضر
ان شاء الله
لو مفيش حاجة تضطرنى أغيب

انا فرافيروووو جاى
ربنا يوفقك
و اشوفك ناجح و متألق دايما
ورافع راسنا يا غالية يا غالى


الف مليون مبروك يا فتى

L.G
----
طب مش حضرتك وصلت ف الآخــر

الحمدلله

نورت واهلا بيك
وانشالله متبقاش آخر زيارة
احنا بنكتب حاجات تانية ساعات
مش طولة الوقت بنخطرف كدا
عشان متتخضوش ....


اهلا بيك

محدش يتدخل الا اذا سمحتله يتدخل
ولن أقبل أنه ينظر عليا أحد
ولا أرضى يسخف من رأيى أحد
ويعتبرنى فاقدة القدرة على الفهم
و التحليل
وانى مش عارفة دينى كويس ...
بينما هوه اللى عارف ومتأكد لوحده من كل شىء ...


كمان لا أقبل أن يهين احد الآخر
ف مدونتى
بإسم الغيرة على الدين ...
لأنه لم يمنح هذا التوكيل منى ..

واعتبرنى بفهم ولو شويتين لدرجة ان يبقالى رؤية وقناعة

ومن حقى كمان أتشبث بما وصلت ليه
من قناعات كما يتصلب الآخرين
برضو بمعتقداتهم وبعنف شديد ...

ومن حقى اكابر
لما الاقى اللى قصادى
بيحاول ياخدنى على قد عقلى
متصورا انى مش فاهمة طريقته ...
وانى لسه عيلة صغننة عاوزة حد ياخدها من ايدها يفهمها ..
وعموما انا مش منتظرة
أى اتفاق فكرى أو تأييد


كل ده مع التحية والترحيب امال لو حضرتك مش عايزة حد يجي تاني هنا بتردي عليه ازاي ههههه

تحياتي يا افندم واعتذاراتي عن التعليق والتدخل ولاازال لا اكن لحضرتك الا كل احترام وتقدير

اسلام

واحد من الناس
-------------

منا قولت يا أستاذنا
الكلام مش موجه ليك
وانتا متدخلتش ولا حاجة
من حقك تتكلم ف أى حاجة قريتها
بس مش من حق أى حد يهننى ...
هوه دا المقصود من كل المكتوب فوق ..

متعتذرش انك حاولت تعمل خير
وتصلح وتوضح وجهة نظر

ومتزعلش لأنى برد بصراحة
ووضوح موجع
بس مدونتى هى بيتى ومكانى الوحيد تقريبا اللى ممكن اكون فيه على حقيقتى بلا رتوش ومش محتاجة أضغط على نفسى ..


اتمنى ميكونش دا آخر تعليق منكم

ونورتنى

مرة زمان كنت مشترك في نادي السينما وكان في فيلم فرنسي وجايبين واحدة تترجم لينا فوري وكان في واحدة بتتخانق مع جوزها في الفيلم ده وقعدت تحكي يجي نص ساعة والمترجمة الفورية بتاعتنا مش بتفتح بقها وبعدين راحت مترجمة ده كلة وقالت برافو ,,,,خايف اقولك برافو تعملى فيا زي ماعملنا في المترجمة من تريقة ...برافووووو والله ما اعارف اعلق على ايه ولا ايه...بس هي شيكولاته كورونا لسة موجودة ولا ده تاريخ؟

لسة الكورونا موجودة اه

بس مافيهاش ريحة جدو الطيب اللى شبه عبد المنعم مدبولى ولا فيها غير ورقتها وشوية ذكريات :)

يا مسهل ... كل ده بتكتبي البوست يا طمطومة ..... هى الولادة متعسرة ولا إيه ؟ .... انا عايزة اقراالبوست قبل ما انام

إرسال تعليق