.

.

خــــطـــــاريف .... 15  

Posted by: فاتيما in






خــلينا اصحـــاب 
جــملة مقــابلانى فى كـل طـــريـق 
هــوه انا مكتـــوب علـى وشــى صــديـق ؟
عادل سلامة - خلينا اصحاب


آه .. غالباً فـيه نــاس اتوجـدت
 عشــان تـبقى كـــدا 
وبس 


ايه حكاية القلل معايا ؟



عااااااااادى  
بتحصــل 
ف أحسن العائلات
 


لا نتـوقف عن اللعــب
 لإننا كـــبرنـا
وانما نكــبر لأننا توقــفنا عن اللعـــب
جورج برنارد شو



مــامــا تعــالى نلعــب 
كــوشــتينة
  

 حــلاقــاتـه برجــلاتــه
يــوم ورا يــوم يبقــى بشـــنبات 
يتجـــوز على قــد حـــالاته 
و يخـــلف صــبيان و بنــات 
عبدالمنعم مدبولى - الحفيد 




 الأشــرار لا يملكــون ابدا وقــتا للقــراءة 
و هــذا هــو احــد أسباب شــرهــم 
دانيال هاندلر - مؤلف و سيناريست امريكى




والله فيه ناس متعلمة و بتقرى 
بس الواطى واطى و واكل ناسه 




اسامة هيكل :
 الاعـــلام الأفـريقــى يجــب أن يكـــون
 اداة تعــبير عن شـــعوبه 




 بــلاش انتــا
 تقـــول البوقـــين دول !!! 




نهيتك ما انتهيتك و الطبع فيك غالب 
وديل الكلب لم ينعدل و لو علقوا فيه قالب
مثل عامى  




سيفتقــدنى قـومــى اذا جــد جــدهم
و فى الليـــلة الليـــلاء يفتقــد البـــدر
عمير بن شييم التغلبى (القطامى)



نفس الواغش 
رجــع تــانى بأســماء تــانية





يقــول لك المرشــدون : مـاذا تقــرأ
و أقــول لك : المـهم أن تنتفــع ممـا تقــرأ
عباس محمود العقاد


الراجل الجميل دا و معاه عبدالله غيث
هما اللى حببونى فى اللغة العربية
 وخلونى أعشق المسسلات التاريخية
 بتاعتهم ف التلفزيون و الإذاعة


بريشة الفنان :حلمى التونى 
اللى هيقـــولى 
الفــن و التمثيل و الغــــنا ... حرااااام 



 و النحـت
 و التمــاثيل و العــرايس 

 موازييك للفنان :سعد رومانى


اللى شــايفهم كــدا
 بجـــد 
ميكــلمنييييييش 



ســـؤال هــــاااااام 




ألا هيا الشكــولاتة البيضـــا 
شكــولاتة أصــلاااااا ؟!!




الشكـــولاتة حقاااااا ...
 تبقــى كــدا 
و محــدش يستعبطـــنى





أيها العطـــر
 لقد خرجـــت من أزهــار جـــميلة 
وستعــلم حــين تســكبك هـى
 على جــسمها الفاتن 
إنك رجـــعت إلى اجــمل من أزهــارك 
 وإنك كالمؤمــنين :
تركــوا الدنيــا
و لكــنهم نالوا الجــنة ونعــيمها 
مصطفى صادق الرافعى - اوراق الورد




حــينما نتذكــر أو نشعــر بأن ما نفعله
مجـــرد قطـــرة فى محـــيط 
 ولا فائـــدة فلنتذكــر ايضــا ان  
 المحـــيط كـان سيكــون أقــل اذا لم نفعــل 
الام تيريزا 



يا ترى هوه انتا
 "كنت" ولا "بقيت" بالوضاعة دى
عموما
مبقاش فارق معايا 




انتـــا كــدا 
شــكل و فعـــل و إســم


واذا بلــيت بشخــص لا خــلاق له 
فكــن كأنك لم تسـمع ولم يقــل 
الطغرائى - شاعر وكيميائى فارسى



متخــافيش 
مش هتقعـــى 
لو دايمــا بصــيتى لفـــوق



لســـه
زى ما انتـى 
قلـــب بســــكوت



معقولة ؟!!! .... هنا


ليه الأذى دايما سهل ؟




مش أخــلينى جــوا أحــسن ؟



اعـــتذار ايه
 اللى الداخـــلية بتتكــلم فــيه ؟
عمر طاهر 




نسامحــهم ازاى ؟!!




لا يمكــنك مصافحـــة
 يــد مقــبوضــة 
انديرا غاندى 



يــوم ولــدت بدأ مـوتى مســيرته 
و هـو يخــطو نحــوى متمهــلا
.. ليس أكـــثر 
جان كوكتو - أديب فرنسى 



وصحيح المــوت بينقى
 لكــن
لازم يعــرفوا إن .. 




الأنســان
 أثمــن رأســمال فى الوجــود
كارل ماركس


مباشــــر من الســــما 




متقابلناش من زمان
 مع بعض ليه ؟
فريد الأطرش 




فيه حاجــــات
 لازم علشـــان نعـــرف
درجــــة قــوتها .. بنكســرها
وحاجـــات فى إيدينـــا 
علشان نعــرف
إننــا عايـزنــها .. بنخســـرها
مصطفى ابراهيم



رجعتوا إيلان ... لأهله 
مقابل كام أسير من عندنا ! !




طب بالنسبة لحق الشهدا الستة
 اللى انقتلوا ع الحدود و اعتذروا عنهم  
 و اللى قبلهم و اللى قبلهم  
و اللى قبلهم ...... إيه ؟


 اللى واكل اهله وناسه
يبقى عميل من ساسه لراسه و ...

يلى فتحت البتاع 
فتحك على مقفول 
لأن أصل البتاع
واصل على موصول 
فأى شىء ف البتاع 
الناس تشوف علطول


و اتعلموا م الشعب ازاى تاخدوا الحقوق 
هتوطوا ليه تانى روسنا و تدخلونا الشقوق ؟



غضـــبت للحـــق 
فـغضـــب الحـــق عّلــى 
ميخائيل نعيمة  - شاعر واديب لبنانى



الثــورة قامت و قعـــدت تانى
محمد فتحى





كـــنت فى الثــورة انتظـــام 
ايـوه واحـــد من الشــباب 
فـــرد م الشعـب اللى قـــام
بس خــلونى انتســاب
بعـــد ما نضــفت المـــيدان 
اســـتفرد بيه اللئــــام 
سيد شعبان 


كل الانتهازيين و الأرجوزات و لاعقى البيادات
و كل المشتاقين و عبيد المناصب 
و اللى عاملين احزاب قديمة و جديدة
و إئتلافات و قوى سياسية .....  
وناس تموت فى البتاع
فيبقى مين مسئول ؟






خـــائن الوطـن هو من يكــون ســببا 
فى أى خطـــوة
يخطـــوها العــدو فى أرض بـــلاده 
جمال الدين الأفغانى


كنتـــوا تقاطعـــوا 
و تقــولـــوا من الاول
زى ما 
عبــاس الضـــو قـــال ... لأ


دى مجرد عينات م المناظر
اللى هتترزع تحت القبة
و لو شاركت ف مهزلة الإنتخاب دى
ملكش تيجى بعد كدا و تفتح بوقك ... 


وازاى هتفتح بتاع 
فى وسط ناس بتقول 
بإن هذا البتاع 
جاب الخراب مشمول 




برلمان فيه أحزاب تحتقر المرأة
 و تعاملها كحمل زائد
و كأنها عار لابد يستخبى 
مع انها منقبة و محدش شايفها أصلا ؟!!!
كيف اختار شخصا
لا أرى وجهه 
ولا اعرف اسمه ؟


برلمان احزابه انتهازية
بتتحالف مع بعضها عشان اكبر عدد
 م الكراسى ... بقى هما دول 
اللى هيحطوا دستور البلد ؟!!



و النايم ف عسل المجلس 
و طحينته و لا بنسمع عنه ... 
لأنه حتة بتاع 
جاهل غبى مخبول 




بقى من اجل مصر برضو ؟!!


 و اللى اسمهم ثـــوار 
  لكن بيجـروا ورا العضـمة
 اللى رمـــاها ســـيدهم


طب كل واحد 
يختار اللون اللى لايق عليه
عشان ينضرب بيه بمزاااااج لأنه .... 


ما بســقت اغصــــان ذل 
الا على بــذور طـمع 
ابن عطاء الله السكندرى - فقيه وصوفى مصرى



و ملـكوش تحكموا لأن اللـى ..
أمر بفتح البتاع 
لإنه كان مسطول

و بعد فتح البتاع 

جاب الهوا المنقول 

نكس عشوش البتاع 

و هد كل أصول

لا يمكـــن لمن ينحـــنى 
أن يقـــوم
بتقــويم الاخــــرين 
منسيوس - فيلسوف كونفوشيسى قديم


فمتجوش تعلمونا المصلحة فين  
بعد ما خليتوا العسكر لزق ع الكرسى ....

و فات فى غيط البتاع 
و سمم المحصول 
و خلى لون البتاع 
أصفر حزين مهزول 

و لا تقولولنا
مجلس شعب و شورى
و إنتخابات و مدنية

و هنجيب حقكم بالسياسة
و كل هذا الهجص 
.... كنتوا جبتوه لنفسيكو 





الشــــيطان
 لا ينــدس إلا بإذن منا

 نجيب محفوظ





 لقـــد وصـــلنا لمفترق الطـــرق
 و لازم نخـــتار 



يا نـــدوس على روحــنا ونكــمل 
يا كل واحـــد يشــوف حــاله 
حورية  - عصفور النار




نقـــدر ؟


قل للمــرء انه شجــاع 
وسوف تســاعده على أن يصـبح كذلك 
توماس كارليل - كاتب ومؤرخ اسكتلندى




هل يعـــرف اللواء حمــدى بدين
 ان بين صفـــوفنا من يخــــاف 
والــدته الحـــنون أكـــثر مما يخـــاف
 الرصـــاص والمدرعـــــات
علاء عبدالفتاح 



على يدى ى ى ى ى 
كل ما حد فيهم يلمح نمرة البيت 
ع الموبايل يجرى بعيد عشان لما يفتحه
مامته متسمعش صوت الهتاف
و تعرف انه ف التحرير أو ف مسيرة 
و تتخض و تقوله أرجع ....  



العظمة فى هذه الحياة

لا تستمدها من التعثر فى عقبة ما 

و لكن فى القيام بعد كل مرة نتعثر فيها 

نيلسون مانديلا 


بكرة هتخـــرج بالســلامة 
و تشــيل سمسم  

يا أبو خــالد 
و لا علة و لا معلول 

فالقاضى تبع البتاع 

فالحق ع المقتول 

والجهل زاد فى البتاع 

ولا مقرى ولا منقول 



كلما زاد العـــنف والــــدم
كلما اقــتربت ثـــورة الشــــعب 
من النجـــاح اكــثر و اكـــثر
وائل قنديل - صحفى مصرى


والخوف سرح فى البتاع 

خلى الديابة تصول






متخـــــافــــوش 

 ويبقى البتاع فى البتاع 
والناس صايبها ذهول 
وان حد قال دا بتاع 
يقولوا له مش معقول 


 لو الجـــيش رجــــع ثكــــناته
 البـــلد مش هتقــع
وناس تعيش بالبتاع 
وناس تموت بالفول 
وناس تموت بالبتاع 
وناس تنام كشكول 





لا تكون الدولة دولة 

حينما تكون ملكا لفرد واحد

سوفكليس - كاتب مسرحى اغريقى




خلينا نرجع 
نبنيها على نضافة






وقــت العمـــل هـــو دائمـــا الآن



و الوقـــت لم يفت ابــدا



 لكى تفعـــل شــيئا

انطوان دو سانت - كاتب وطيار فرنسى




نبنيها برجالة بجد
مش رجالة حسب المذكور
ف شهادات الميلاد وبس 



و لا برجالة المخلوع 
 اللى باركين 
 على نفس الثورة ..

وادى اللى جابه البتاع 
جاب الخراب بالطول 
لأنه حتة بتاع 
مخلب لراس الغول 




ستتحـــقق كل احـــلامك
 اذا كنت تملك الشجــاعة لمطـــاردتها
والت ديزنى  


تاااااانى الســـؤال 
 هنقـــدر
 و هنلحـــــق ؟!!



لا ييـــأس من الوقـــت الا من يجـــهل 
 أن الرحــمة تســبق الوقــت
 ولا يســبقها الوقـــت

بهاء طاهر




و أيوه حصلت 
فى فبراير اللى فات




و حصلت فى اكتوبر لما القذافى ..
باع البتاع بالبتاع 

و عشان يعيش علطول 

عيّن حرس بالبتاع 

و برضو .. مات مقتول 



شر خصــــال الملــــوك 
الجـــبن من الأعـــداء 
والقســوة على الضعـــفاء 
والبخـــل عند الإعطــاء 
الحسين بن على بن ابى طالب 
ثالث الأئمة عند الشيعة وحفيد الرسول (ص)



و بحب الناس الرايقة 
المتفـــائلين علطــــول


انه عــــيد ســعيد فعــــلاً




يكفــيك من الحــاسـد
 انــه يغـــتم وقــت ســرورك
عثمان ابن عفان 



يا تسامحك و رقة قلبك 




انا خــلاص 
مبقتش مستغــربة وحـــدتك 
و .... بعــــادك 




العظــــماء مثل النســـور
و هــم يبنون اعشاشهم 
فى وحــدة نبيــلة
ارثر شوبنهاور - فيلسوف المانى




قلبـــى 
أجـمل ايـامـه
 عــاشها معـــاك




يـا روحـــى غيبـــى 
لو كـــان حــبيبى 
مش من نصـيبى 
مليـــش ... ســـواه 






زى الاول يا قلبى 
هنـرجـــع


 يعنى و بعـــدين يعنى 
هــوه انــا يعنى
معـرفـــش يعنى
مثـــلا يعنى أحـــبه يعنى 
من بعــــيد ؟!! 






 لو كان ..... مكنتش ......




- لماذا فعلت ما فعلته ؟

- عندما فعلته لم اكن أدرك انى أفعله !!

baby on board




شنبى 
و 
فشفشنى





يا حــــمام الحـــرم 



البخـــيل فقــــير لا يؤجـــر على فقـــره
ابن قيم الجوزية - عالم اسلامى دمشقى 




يا أم دى عجلة الإنتاج





لم يخلق علم الأقتصاد لحفظ المال
وانما لإنفاقه بحكمة 
توماس هنرى هكسلى - عالم بيولوجى انجليزى


متقرفوناش محنا عارفين 
كله رايح ف جيب مين ف الآخر 






الا هوه صحيح
ماذا كان يفعل العالم 
قبل اختراع بكر التواليت ؟!




كل النســـاء جميــــلات 
عنـــدما تنطـــفىء الشــموع
بلوتارخ - مؤرخ اغريقى



يا ســيدى ع الخــبرة
محمد صبحى - وجهة نظر


لأ بجـــد و الفضــول يقتـــلنى  
 هذوها الكــلام عن تجـــربة مثلااااا
و لا إنها مجـــرد تخـــمينات ؟!!



أصلى ساعات كدا 
 أحس ان الاخوة الفلاسفة و المؤرخين دول 
ميعرفوش حاجة ف الدنيا 
وكله جاى بالذكاوة والويم والفكاكة
وبركة دعا الوالدين   



فى غــــياب الشمس
تعّلــم أن تنضــج فى الجـــليد
احلام مستغانمى



ابدا تســـترد ما تهـــب الـدنيــا 
فيا ليت جـــودها كــان بخــلا 
ابو الطيب المتنبى 



أدينى قولت ان انا بهواك
و مفيش ف روحى و قلبى سواك
فرقة اولاد نوح




و هوه انتى حد كان قالك تقولى ؟!!



خلاص ... غلطت ... إشنقونى  




يحتاج الانسان الى سنتين لتعلم الكلام 

وخمسين عاما ليتعلم كيف يصمت 

ارنست هيمنجواى - كاتب وصحفى امريكى





ليس كافيا ان تمتلك عقلا جيدا 
يجب ان تتعلم كيف تستخدمه !!
رينيه دريكارت - فيلسوف ورياضى فرنسى

 

 و القلب ؟



أحبـــك حـــب اليــأس أن نفــع الحــيا 
و أن لم يكــن لى من هــواك طـــبيب





:)


 تعـرف
 احــساس 
زهـــرة بــردانــة
حنان ماضى 




............ مش مهم .............




الليـــل هــــو الشـــاي

و النهـــار هــــو اللبـــن

حــط ده عــلى دا

و انت تــدوق طـــعم الزمــن

وليد طاهر - حبة هوا


الامل فى حـــد ذاته
 نــوع من انــواع الســـعادة 
بل قد يكـــون احــيانا اكــبر ســـعادة 
يمكن لهــذا العــالم أن يمنحــها 
صمويل جونسون - مؤلف انجليزى 



حـــبك لإلي

بلـــش متل الشــــفقة

 كـــان بـــدي حـــنان


ست الحزن والجمال فيروز




انت بقيت حــــر


... روح  






مهو مش معقول

 افضل طول الوقت أعتذر !!
  


انـى هذا الشخص 




الزعـــلان ... ميزعلشــى 



يشفى الوقـــت
ما لا يستطيع شفـــاؤه المنطـــق
سينكا الأصغر 





اتركـــوا لــى ما تبقــى منى 
احمد خالد توفيق




لا هــوه كــتير 
و لا اللـى فاضـــل كــتير 




و الحكـــاية 
اصـــلا بقــت




تيكـــلم تيكـــلم خـــالص


:)




 عـــيد سعــــيد 




 بدل اللى راح منى 

......................................







 -------------------------------------------------



متنسوش يا جماعة
 التبرع والبؤجة .. الجمعة الجاية


--------------------------------------------------


This entry was posted on الاثنين, نوفمبر 07, 2011 and is filed under . You can leave a response and follow any responses to this entry through the .

41 كــــلام بيطــبطـــب عـــلى قــــلبى و روحــــى

1
--

الويندوز عندى ف البيت غتيت
ومخلنيش أطلع البوست كويس
كان المفروض خلفيته تكون بيضا
و تبقى الفواصل بين الخطروفات
متناسقة فى المسافات ...
حاولت اصححه وفشلت
فمعلش بقى للى عينه هتوجعه



2
--

كل سنة وانتوا طيبين
وعيد سعيد على الجميع
ان شاء الله


3
--

الاخوة ف تويتر
اللى بيقتبسوا الخطاريف
ويعملوا رابط ويقولوا
انها نقلا عن روح قلب ماما
لهم كل الشكر والإحترام ...

اما الاخوة اللى بيقتبسوا
وبيكتبوها
وكأنها بتاعتهم تماما دول
انا مستغرباهم شوية
لأنهم مكشوفين .. جدا
ولأنهم كمان بيستهلوا يومهم
ف الغالب بأدعية لا تتناسب
اطلاقا مع عمليات الاقتباس الفظيع اللى بالكربون
واللى بيصل احيانا
لأنهم يعملوا كوبى وبيست للخطروفة بالصورة بالفونت
واللون و المقاس و كله ...
طب يعنى طيب
غيروا شوية
عشان منظركم مكشوف بس مش اكتر ...


عموما
انا متابعهم من مدة
ومكبرة دماغى
هما لسه صغيرين وميعرفوش
ان الدنيا صغيرة قوى
وانى كمان مكتبات وشغلتى البحث والتدوير عموما ..
و كمان لأن الخطاريف دى والكتابة عموما
مزاجى الشخصى
اللى محدش ممكن يعيشه بدالى ...
مهما اقتبس وأخد
وكتب عنده ف صفحته
فمخدتش واديت كتير

بس المشكلة ان فيه حد مشترك ف النص
هوه اللى بعتلى اللينك
متصورا انى مش عارفة
و لهذا وجب عليا
احذرها(مؤنث للأسف)ان شكلها
بقى مش حلو ..


وعايزة تقتبس .. تتفضل
بس بالأصول
انا مفيش خطروفة بكتبها بحد غيرى مش بقول صاحبها مين ...
دى الأصول


بس كدا


4
--
متنسوش البؤجة والتبرع
يوم الجمعة الجاية ان شاء الله
والتفاصيل ف اللينك اللى ف الآخر
واشوفكم على الف خير يومها

5
--
كل اللى بعت ميل ورسايل
كل سنة وانتوا طيبين
ومعلش سامحونى
المود مش لطيف قوى
عشان أرد
معلشى


6
--

كل سنة وانتا طيب
يا يوسف
هقولهالك هنا يا حبيبى
عشان لما ف يوم ترجع
وتقرى المدونة دى
تعرف انى صحيح مش قولتهالك
بس انا كنت شايلاها ف قلبى


7
--
أسفة عشان الخطاريف طويلة

فاتيما
روح القلب الملائكية

كل سنة و انتى طيبة
كل سنة و جو طيب
و يارب تفرحى بيه و تشوفيه عريس و تبقى حما
بس بجد
يا بختها اللى حماتها فاتيما

ايه بنتى البتاع اللى انتى كتباه ده
ده بتاع جميل خالص
من كتر ما استخدمتى قصيدة البتاع
بتاعة البتاع اللى اسمه احمد بتاع نجم
نسيتينى اسم البتاعة اللى انتى بتكتبتيها
انتى بقى مش هتنسى البتاعة شوية
ده احنا فى ايام عيد
عايزين شوية بتاع
حاجة كده تروق البتاع
باذن الله يبقى يوم البؤجة و التبرع بالبتاع كويس

و يا رب المود يتصلح ده على رايك ياما دقت على الراس بتوع و ياما شفنا فى الدنيا من بتاعات

سلام يا ام جو
و كل سنة و انتى طيبة

كل سنة وإنتي طيبة ويوسف بخير يارب
أنا مبسوطة أوي بخطاريفك إللي مش ببقي عاوزاها تخلص من جمالها .
قلبي معاك يا فاتيما
مساء الفل علبكي؛؛

من ساعة ما قريت البوست

بتاع الحرية لعلاء و انا نفسى مسدودة عن كل حاجة

...................

عارفه بقى ان فيلم الحفيد هو الجزء التانى لأم العروسة ((:

............

طب لما مننزلش الأنتخبات طب ما هو ده اللى هما عايزينه علشان عفاريت الغابره تنجح براحتها

يبقى أزاى مننزلش

.......................

القارىء الشعبى

أنه شعبى بحق ((:

لا جامد الصراحة

....................

يا فاتيما

ان شاء الله
تقولى ليوسف
كل سنة و انت طيب
بنفسك

ربنا يريح قلبك و يقرب البعيد يا رب

..............
البوست جميل يا فاتيما

يوجع القلب صحيح

بس جميل

تسلم ايدك

(:

وشكراً على الأهداء بتاع المدونة (:

هابدأ من الآخر بالنسبة للناس اللي بتسرق الخطاريف ومتذكرش المصدر انا باعتبرها سرقة
و ده اللي قلته من فترة و علشان كده قلنا نعمل رابطة او نقابة تحفظ الحقوق و ده اللي خلاني اكتب لنفسي واحتفظ باي قصة اكتبها من غير ما انشرها مثلا الشهر اللي فات كتبت اكتر من تلات قصص ورفضت نشرهم وقررت عدم نشرهم مادام مفيش حماية ومادام كل شيء مباح

بالنسبة للبوست طبعا اتفق معك تماما في اننا لازم يرجع ايماننا ويقيننا اننا نقدر نتصدى للفترة الغريبة اللي بنحياها اليومين دول من محاولة المجلس العسكري الاستقلال بالمؤسسة العسكرية وجعلها فوق الدستور في محاولة لتخبئة فسادها واعتقد ان ده كان هدف المجلس من اول يوم ساندوا فيه الثورة هم مكنوش بيفكروا في كرسي الرئاسة لكن كانوا بيفكروا في الحكاية دي من الاول انهم يبقوا فوق القانون فوق الدستور فوق الدولة حاجة كده شبه تركيا وانا حاليا باستعجب ان الاخوان والسلفيين رافضين الكلام ده بالرغم ان عبد المنعم الشحات قال من فترة انه بيتمنى يطبق النظام التركي السعودي في مصر ولما المجلس بدأ يحققله طلبه زعلوا ده دليل ان الشحات مش فاهم اللي بيقولوا و زي ما حضرتك قلتي ازاي اخليه يحطلي الدستور وهم مش فاهمين حاجة و بيحاولوا يضيعوا حقوق المرأة واللي حصل في مؤتمر حزب النور في اسكندرية وتغطيتهم لتمثال الحوريات ويحطوا يافطة ان الست مالهاش غير بيتها والمفروض متخرجش منه ده بقى تهريج يعني مش عاجبك التمثال ليه جيت جنبه واتصدرت متعمل مؤتمرك بعيد شوية
بالنسبة لاسماء محفوظ انا اصلا مش باطيق افكارها ومتخلف معاها جدا مش بحب نظام التسخين اللي عمال على بطال بدون اقناع اللي قدامك بنتايج او اهداف بس اسخن على فلان وفلان ده وحش وولع تقولش بوتاجاز علشان كده مش متفاجىء من ترشيحها لنفسها لأن وضح فعلا اسباب واهداف تسخينها انه مش المقصود منه الحفاظ على الثورة اكتر من التأثير على النفوس علشان لما تنزل تكسب اصوات خصوصا انها نازلة قصاد عمرو حمزاوي اللي برضه يعتبر احد ابناء الثورة و لو فعلا باكية على الثورة كانت ساندته بدل ما تتنافس معاه لأنه ادرى منها بالشئون السياسية
كل سنة وحضرتك طيبة ويوسف بخير ومصر في وضع افضل من اليوم
تحياتي

فاتيما ..اسعدتينا بكلماتك وخطاريفك ويارب ديمها علينا نعمة واحفظها من الزوال ..سلمت وسلمت يداك..وكل سنة وانت طيبة انت والأسرة الكريمة ..

حينما سئل عن احقر البشر .. قال ... اولئك الذين يسهلون لي احتلال اوطانهم ... مقوله لهتلر ... انا اكل إذن انا موجود ... كارل ماركس ... العبد يقرع بالعصا والحر تكفيه الملامه ... المتنبي ... المجتمع فكره عقليه اما في الواقع لا يوجد سوي الافراد ... مقوله لاوسكار وايلد .... كل سنه وانت طيبه وعيد سعيد ... مقوله ليا انا شخصيا : )

على يدى ى ى ى ى
كل ما حد فيهم يلمح نمرة البيت
ع الموبايل يجرى بعيد عشان لما يفتحه
مامته متسمعش صوت الهتاف
و تعرف انه ف التحرير أو ف مسيرة
و تتخض و تقوله أرجع ....




:D :D :d

انا اصلا ف الاول كنت بقولهم انى رايح الشغل :D

الموسيقى تحفة حلوة اوى اوى اوى

كل سنة وانتى بخير و طيبة و قلب كبير

فتحت المدونة تانى :)


خليكى زى ما انتى مش تتغيرى


يــوم ولــدت بدأ مـوتى مســيرته
و هـو يخــطو نحــوى متمهــلا
.. ليس أكـــثر
جان كوكتو - أديب فرنسى

عجبتنى دى جدا جدا جدا

نسيت اقولك انى نشلت الحتة اللى عجبتنى و حطتها عندى ع الفيس بس كتبت انها من عندك وربنا

كل سنه وأنتي طيبه

فهمت ما بين السطور

فاتيما نورتينى وأسعدتينى وفرحتى قلبىبحضورك حفل التوقيع وبرايك فى الكتاب
بجد انا مش قادر اوصف سعادتى
إن شاء الله لو مكنتش استلمت الشغل هاجى لقاء المدونين الجاى
ودعواتك بقى :)

فاتيماااااااااااااااااااااااا
أنا بحبك قووووووووووووووى :))

3>

عارفة .. امبارح كنت راجعة من خطوبة واحدة صاحبتى مرهقة جدا وفرحانة جدا

فتحت لقيتك منزلة خطاريف جديدة
قلت لأ خليها لبكرة ..
علشان أكون ارتحت واقراها براحتى
وعلشان النهاردة اتملى فرحة دلدلق فخليها لبكرة املاه بفرحة واستمتاع جديد ;)

كالعادة قريتها مرتين ، والصور بتخلينى هاتجنن منك أنتى

مدونة قارىء شعبى دى صورها مالهاش حل :))))

والحاجة اللى جننتنى وشقلبتنى ولخبطتنى وفرحتنى وامتعتنى ..
صورة فيروز وهى بتشرب القهوة ..
لو قدرتى تعرفى أنا بعشششششششششششق فيروز قد إيه ..
ولو قدرتى تعرفى القهوة بالنسبة لى إيه ..
هاتعرفى أناحسيت بإيه ..
بس أنتى لايمكن هاتعرفى حجم الحاجتين دول فى حياتى إيه ..

على فكرة الشولاتة البيضا حلوة برضه ..
بس كانوا المفروض يسموها حاجة تانى غير شكولاتة .. علشان ماتبقاش فى مقارنة معاها ...
أنا بحس انى باكل وبتلذذ بقلب أبيض طاهر بيدوب فى بقى :))

أنا مش معاكى فى مقاطعة الانتخابات
حتى لو عارفين من الاول أنها مهزلة
نعمل اللى علينا
والمقاطعة مش هاتعمل حاجة
لكن كل الناس اللى مش عايزنهم نازلين مرشحين وناخبين
فننزل إحنا كمان بدل مانخبط راسنا فى الحيط

أنا نزلت الانتخابات اللى فاتت (اللى اتزورت دى) رغم كم الاحباط اللى الناس كانت فيه .. ورغم اللى انتخبتوهم طبعا ماكسبوش ونواب الوطنى هما اللى كبسوا ..
بس هما نازلين تانى ، فماذا نحن فاعلون ؟؟؟

هانخب تانى وتالت ولحد ما أموت ..
مافيش فى إيدى غير كدة :(

كل سنة وأنتى طيبة يا فتيما :*
دمتى بكل خير وفرح وسعادة وصحة وأبداع واستمتاع بالحياة :* :* :*

ابراهيم رزق
-----------

:))


والله يا ابو سالى
البتاع أصله مالى الجو
وعاملى نوع من البتاع
فقولت أعمل البتاعة دى
عشان أغلوش ع البتاع
لا البتاع راح
ولا الغلوشة نفعت
بس مسير ييجى بتاع
يغير ان شاء الله البتاع
فتتحسن الاحوال
ويروق البتاع

:)

اشوفك الجمعة القادمة على الف خير
وكل سنة وانتا بألف خير يا ابراهيم

ديدى
----


وانتى طيبة يا ديدى
وبألف خير

انا اللى مبسوطة ان الخطاريف
بتعمل حالة كويسة كدا عند الناس الحلوة
اللى بحبها ...

مساء الفل وصباحه عليكى يا حبيبتى

على جنب

انا معرفتش أرد على تعليقط الجميل ازاى ؟
بس انا ف توقيت آخر كنت هبقى رايقة بما يكفى انى ادخل عندك و اقرى واعلق ... بما يليق بيكى
بس للأسف انا مشغولة ومقريفة و حاجات كتير كدا ...
فمعلش
مسيرها تروق وتحلى

انا يشرفنى وجودك ف قايمة مدوناتى
دا أقل واجب يعنى

كل سنة وانتى طيبة

Ramy
----


مش لوحدك اللى نفسك مسدودة يا رامى والله ...
اظننا كلنا تقريبا

ربنا يزيح الغمة

انا عندى شغل ضرورى

طيب

لما اروح اكمل بقى

:))


سلام مؤقتااااا

Ramy
----

عدنا

:)



انا بحب فيلم الحفيد اكتر
طول عمرى
بحسه شبهنا قوى
بحب عبدالمنعم مدبولى جدا
وبضحك عليه من قلبى هوه وفؤاد المهندس وشويكار ...
بحب سوسن ف الفيلم
وتمردها و غضبها من مامتها لأنى كنت زيها وانا صغيرة ...
ولحد وقت قريب برضو احيانا ببقى سوسن ...
:))

القارىء الشعبى دا تحفة
وكنز استراتيجى لا يفنى
و معرفش ليه مقل كدا
بس الموجود خير وبركة ..


كل حاجة توجع القلب يا رامى
يعنى مجبتش حاجة من برا
ولا يهمك
بكرة كله يعدى
ونبقى كويسين

انتا جاى الجمعة ولا مش جاى وهعكنن ع اللى جايين عشان انتا مجتش ؟؟؟!!!

مصطفى سيف الدين
---------------

ازى حضرتك وكل سنة وانتا بألف خير

بخصوص حكاية السرقة دى
لو تفتكر وانا برد على حضرتك فيها
وقتها كنت عارفة انى بتسرق وقولتلك ...
الكتابة روح ومحدش يعرف ياخدها منك
وعلى فكرة انا عندى لينك التدوينات
ومتصورة ...
يعنى ممكن ببساطة اعمل اللى احسن م القضية ..
اعمل بوست واسيح بقى للبونية
وافضحها قصاد الجميع ...
بس انا مش عاوزة كدا
ولا بحب كدا
انا اصلا زعلانة انى اضطريت اكتب تعليق و انبهها ....
مش لأنى مسامحة ف حقى او بخاف ..
او قليلة الحيلة
لأ
انا والله كنت اتمنى اتعرف عليها ف ظروف كويسة واحسن من كدا
يعنى لو صادفنا بعض ف يوم تشوفنى تيجى تسلم عليا وتعرفنى بيها وهيا مش مكسوفة من حاجة ...
او متضايقة
ولا حتى مضطرة تعتذر عن شىء
هيا صعبت عليا اكتر ما بلومها
لأنها فيما يبدو لسه صغيرة
وفاكرة ان ببساطة الكدب له رجلين
وانها لما تتقمص روح كتابة حد تانى هتعرف تبقى متفردة ومتميزة ...

دا اللى مزعلنى والله
زائد ان حد خد باله وبعتلى
يعنى المسألة بقت مكشوفة او اوشكت تنكشف
وانا برضو منظرى هيبدو وكأنى نايمة على ودانى
وانا مش نايم على ودانى الحمدلله
بس فيه حاجات كدا ف الدنيا اتعلمت انى اطنشها اختيارى بدل ما اطنشها اجبارى ...
لحد ما تروح لحالها

اما بخصوص السياسة بقى
فزى ما قولت ف الخطاريف
الإنتخابات تمثيلية هابطة
و الحسنة الوحيدة اللى فيها
انها غالبا هتكشف المزيفين اكتر واكتر

اعتقد ذلك

بس الناس تفنجل عينيها
ومتعملش مثالية مع عالم مينفعش معاها المثالية خالص ...


تحياتى انا اكتر ليك
وعيد سعيد عليك دايما
والعمر كله يا رب

zizi
----

وانتى طيبة وأطيب يا ست الكل

ربنا ما يحرمنى من دخلتك عليا روح قلب ماما والكلمتين الحلوين دول

:)))

كل سنة وانتى قلبك مرتاح
ومتهنى بكل حبايبك حواليكى

اندروميدا
---------

وبعدييييين ؟

بتنافسونا ف الخطاريف
وترودا عليها بخطاريف مماثلة

طيييييييييييب
مقبولة منك يا اندرو
و عيد سعيد عليك يا فندم

:)

عمرو فكرى
---------
آه والله يا عمرو

على يدى يا بنى
يبقى الجدع من دول واقف جنبى طول بعرض وبيهتف ويفوت ف الحديد وبينضرب
و فجأة نمرة البيت تظهر يجرى جررررررى
الاول كنت بسال مالكوا خير فيه حاجة
اصل بيتحركوا فجأة وبشكل مربك
اتخض انا واقول فيه حاجة يا عيال ؟!!!

و اتاريهم بيمشوا بعيد عشان الحاجة متسمعش صوت الهتاف والضرب والخناقات والحاجات دى ....


طبعا بعد كدا بقيت بفهم علطول
اول ما حد فيهم ينتفض فجأة
ويقوم من جنبى و يجرى
اهرش الحكاية علطوووول


الجميل ف كلام علاء
انه من قلب الواقع فعلا

فيه شاب عرفته من الميدان
جدع قوى وراجل
اسمه محمد
واللى بيشوفونى ف التحرير يعرفوه
واد مجدع كدا واخلاق وصعيدى ..
يعنى كل الصفات الأصيلة ف الرجل المصرى و ف كل المرات تلاقيه نازل ..
عشان يأمن لأنه من اللجان الشعبية و حاجات كتير كدا ...

محمد دا بيفوت ف بلاوى
وف العباسية اتصاب ف رجله
وف كل مسيرة وجمعة ينزل يأمن ...

اتفرج عليه بقى وقت ما ييجى تليفون م الحاجة او الحاج ...
يا لهووووووووووووووى

عارف ؟

بشوفه ولا ولد عنده 7 سنين وماما جاى تاخده م المدرسة فجأة فلقته بيلعب ف الحوش مثلا ومش حاضر الحصة بتاعته ...

بيخاف على زعلهم جداااااااا
وبيخاف يضبطوه متلبس بالتحرير

ف العباسية كنا جنب المدرعات
و الطوب بيتحدف والدنيا بتولع
وهوه بيدور على حتة هادية
عشان يرد على الحاجة ويقولها
انا مع صحابى مش عارف فين
وانا ببصله وانا مزبهلة
ومعجبة


مزبهلة لأنى عملت نفس الموقف
لما ماما اتصلت بيا وتقولى انتوا محبوسين صحح زى الجزيرة ما بتقول ؟؟

عملت عاااادى خالص وقولتلها احنا زى الفل وانا جاية ف السكة ...

الأعجاب بقى يا عمرو
سببه انى فرحانة بالأم المصرية
اللى لسه بخيرها رغم كل القرف اللى شافته وبتشوفه ...

الام المصرية مطلعة رجالة جدعان
بيخافوا على قلبها الحنين
ومبيخافوش من الضرب والرصاص
العيال طالعين رجالة
والثورة اثبتت ذلك
واثبتت ان الدلع احيان كتير بيخلق راجل مسئول ..ومش دايما يطلع الولد المدلع راجل خرع لما يكبر ...
لأ ممكن قوى يطلع راجل وجدع
بس بيخاف من رنة موبايله ... !!!

كل سنة وانتا طيب
والعيد الجاى اقولك انتا وريرى سوا
ف تعليق واحد لما تبقوا ف بيت واحد
ان شاء الله

جارة القمر
----------


المزيكا بتاعت الرحبانية
والموسيقى التصويرية لفيلم دمى ودموعى وابتساماتى ...
بحبه جدا الفيلم دا ...

حمدلله ع السلامة
و لما تعجبك خطروفة يا حبات اللولى تبقى حزاينى كدا ؟!!!


عموما الخطاريف كلها
تحت امرك
ومن غير ما تقولى اسمى خالص يا قمررررررررر
يلى القمر هوه اللى جارك ....

مصرى جدا
--------

وانتا طيب يا هانى

انا عارفة انك قارينى
حتى من غير سطور خالص ....


منحرمشى منك

mohamed ghalia
--------------

ازيك يا محمد ؟

انا اللى اسعد والله يا بنى
انتا خلتنى أقضى امسية جميلة ورايقة
ومميزة و مفيدة وكل حاجة حلوة ..

وكتابك دا تأريخ لفترة من حياة الجيل بتاعك فيما قبل الثورة و المرحلة الانتقالية الانتقامية المدحوسة اللى احنا فيها دى ...

ان شاء الله ف انتظار كتابك عن الجيل لما استجمع البقايا وزود عليها وعمل الثورة و بيكملها ...

والف مبروك ليك
ولينا

ان شاء الله تستلم الشغل
و ترتاح فيه ويكون زى ما تتمنى واحسن ...

اقولك الدعا بتاع امى بقى
روح يا بنى اللهى يفتح ف وشك كل البيبان المقفلة

انا هزود عليه من عندى

والقلوب المقفلة كمان

:)

اشوفك دايما بألف خير
يا غالية يا غالى

candy
-----


وانا كمان يا كاندى
:)

مبروك لصاحبتك
وعقبااااااااااااااااالك


مش عارفة مش قادرة اتخيل الشكولاتة البيضا دى شكولاتة من اصله
بس معلشى طالما بقى ليها معجبين
وقلب ابيض وبيدوب وكدا
خلااااص
اصل اخويا الصغير بيحبها
وكل مرة اجيبهاله اقعد اذله
واقوله دى شكولااااااتة ؟!!!!

ماشى

بخصوص فيروز والقهوة
زودى عليهم الضلع التالت
الشكولاتة الداكنة ...
وبس خلاص
مفيش ف الدنيا اجمل واوجع واحزن واشجن من كدا .....


موضوع الانتخابات دا بقى
والله يا كاندى
انا قلبى وجعنى ف تعليقك جملة ...
مافيش فى ايدى غير كده ...
دى


لأن المفروض يا حبيبتى احنا عملنا ثورة عشان الجملة دى واشباهها متتقلشى بالمرة ....

لما نقولها بعد 9 شهور ثورة ..
اومال بعد خمس سنين هيحصل اييييه ؟!!!

وبعدين مع احترامى الشديد جدا
لكل اللى نازل ينتخب
هما المرشحين دول جملتهم فلول وغير فلول ... يعنى حاجة تشرح القلب ؟!!

يعنى لما ننزل عشان نختار احسن الوحشين ...يبقى دا صح ؟

هتقوليلى دا الواقع

هقولك لأ

دا الواقع اللى انفرض عليا
مخترتوش

وما دمت لمخترتش طريقى
يبقى مكملش السكة للآخر
وانا عارفة النهاية ايه !!
اعمل كدا ف قصة حب ماشى
لأنى مجبرة بحكم العاطفة
ومحدش هيتأذى غيرى غالبا

لكن اعمل كدا ف السياسة ؟


مينفعش


باختصار
انا منبحش حسى واعذب نفسى
وانزل أعرض روحى لمخاطر
واتبهدل عشان ف النهاي
ة ياخدوا صوتى يحطوه مطرح
ما يحطوه ...
وف يوم اعلان النتيجة يتحفونا
بقى بجمل الشعب اختاااار
وارادة الشعب
و حكم الشعب والأفلام دى ....


مجلس الشعب القادم كما هو مرسوم له
مجرد تكريس آخر
لوجود المجلس العسكرى
بصمة جديدة .. بعد بصمة الاستفتاء
وبكرة تسمعى الجملة دى
بتتكرر تانى من العسكر ...
لما المجلس الجديد يقولهم
والنبى تقعدوا متمشوش

ومحدش ساعتها يستجرى يعترض ع الشرعية ...
وهسمع الجملة اللى بسمعها دلوقتى دى من ناس حواليا كتير ...

انتا مش بتوع ديموقراطية ؟
سيبوا الشعب يختار بقى
وارضوا بلى يجيبه

لأ معلشى بقى
متستعبطنيش

الديموقراطية دى بتيجى م النص
ولا من التلتربع ؟!!!

تعالالى م الاول خاااااالص
واعمل وعى للشعب الغلبان دا
المضحوك عليه بأعلام داعر
و عرفه بمين الحرامى ومين الشريف ..
وامنع الحرامى يرشح نفسه
بحكم الثورة .زمش القانون العادى بس
ونضفلى المكان قدر الممكن
وبعدين قولى تعالى اختارى بين المتنافسين
مش بين قلة من الشرفاء وكثرة من الفاسدين المسنودين !!!

مجلس شعب ايه دا
اللى بمرتضى منصور ؟!!!!
على سبيل المثال لا الذكر


وبعدين كمان مع احترامى لكل اللى هنقطع قلبه ف مساندة الانتخابات
دى
يا جماعة الخير
سؤال بسيط بس
وعاوز اجابة

هوه الانتخابات دى هتتم بعيد عن شنب المجلس ولا برعايته وتأييده ؟!!!

طييييب
هوه الراعى الرسمى

لامؤاخذة
من امتى الحداية بتحدف كتاكيت ؟!!!
ومن امتى النتايج هتطلع نزيهة ونضيفة مهما اتراقبت ... ؟!!!


لا قضاء اتطهر
ولا داخلية اتنضفت
ولا لجنة انتخابات عدلة
ولا مجلس يؤتمن


انا لا أضمن صوتى
دا لو حصل تكتل اصلا فى صالح حد نضيف وانا مش شايفة حد نضيف ...

انا معرفش مين ف دايرتى
بس اول نفر اسمع عنها فعليا من تويتر بنت عهدى فضلى الراجل الكومل اللى قال خدوا 400 مليون وسيبونى اروح لأمى ....
ولما الكسب المشروع تربس ووده للمحكمة ..الراجل طلع براءة
بنته دى حسبما يسمونها ..
موزة الوفد و كانت حزب وطنى قبل الثورة
مشوفتش اى دعاية واضحة
عندنا ف وسط البلد ...
ولا ناوية اشوف الصراحة لأنى شايفة المشاركة فى المهزلة دى موافقة ضمنية منى على ان الدنيا ماشية فى اطار صحيح وبإتجاه الهدف وان المجلس عامل اللى عليه و المدنية قادمة وكل الكلام دا ....

ودا مش حقيقى بالمرة

لا المدنية جاية (بالطريقة دى )
ولا المجلس القادم هيبقى فعال ونضيف
ولا العسكر بيحدفوا ف كراسى برلمان
و عدل و حرية
و كتاكيت
ولو قولنا هنقتنص كتاكيتنا
من بين مخالبهم ...
مش هيسيبوهالنا
الا ميتة
و فطسانة

طب كتاكيتى
والمفروض انها اصلا ف حجرى
يستعبطونى
ويخلونى ادور عليها ليه ؟!!!


يبقى م الاول مخضش معركتى
على نقر طبولهم
ولما الثورة تكمل الاول
ابقى ادور على مجلس الشعب
وباقى الحاجات التانية

الثورة بيفطسوها
و الثوار بتتسجن
ومش هيفضل غير اشباه الثوار
واشباه الاحزاب
واشباه المجالس
واشباه السياسين
و هتبقى شبه ثورة ...
مش ثورة




بس كدا

دوشتك
بس انتى ورامى نكشتونى
وانا مبقوقة م الموضوع خلقة
وكنت بفكر اكتب بوست عن الانتخابات
وبعدين تراجعت
وقولت بلاش احسن ...

يلا جت فيكى بقى

:)

عيد سعيد عليكى يا حبيبتى
والعمر كله يا رب

مش عارف صدقينى يا فاتيما

بس غالباً مش هأعرف أجى

اللى معايا بباه تعبان و نزل اجازة و مش منتظر يجى بكره

صديقنى كان نفسيى اجى

بجد كنت محتاج المرة دى جداً انى انزل

كان نفسى اقولك هحاول

أنا اسف

كان نفسى مقطعش عادة التبرع بالدم

بس أكيد هتصل بيكم ف اللقاء بأذن الله

اوعى تزعلى يا فاتيما علشان خاطر ربنا

ربنا معاكم و يكون يوم جميل


.............................

Ramy
----


اولا سلامة والد صاحبك
ان شاء الله يبقى كويس
بلغه تمنياتى بالصحة والسلامة
لله طبعا
وكمان عشان المرة الجاية تعرف تيجى
انتهازية انا ...
:)))

ثانيا
من ناحية زعلانة ..فزعلانة طبعا
لأنك جزء من التجمعات الحلوة دى
وكان نفسى تكون موجود
بس عموما انتا عارف
اى وقت تنزل القاهرة قولى بس وانا اعملك تجمع مخصوص عشان خاطرك وانا متأكدة ان اللى عاوزين ييجوا يشوفوك هيقفوا طوابير طوابير ...
بس انتا حدد المعاد


ثالثا
البؤجة والتبرع
خـــير وفرحــــة
وما دام فيه فرحة وخير
يبقى انتا معانا برضو يا رامى
بجـــد

ميرسى ع الأمنية الحلوة
والدعوة الاحلى
متبقاش ر ر غير .. لما تقولهم

:)

الأخت الغير معرفة
---------------

:)))))))))))))))))))))))
والله لحد الصبح

صباح الفل

متفهمة وجه نظرك فى المقاطعه و مش محتاجة اشرح موقفى من العسكر و الذقون بس مازالت ارى ان المقاطعه ح تساعدهم و ح نلاقى نفسنا قندهار لاننا سكتنا و سبنا البلاوى هى بس اللى تنزل لازم انزل اعوقهم بصوتى و اتكتل ضدهم لان كده كده المصيبة ح تحصل يبقى اخففها و اقف فى وشها مش استنى وقوع البلاء عليه و الاقى دستور و مجلس شعب وهابي

فاتيما
بعد مارجعت من صحبتنا كتبت بوست واعتقد انه لن يظهر عندك لعدم وجودك مع متابعينى وقد اسرعت بانضمامى الى متابعينك حتى تظهر اعمالنا فى لوحة التحكموارجو ان تفعلى المثل
الفاروق

أنا هفرقع من الغييظ افاتيما، ولاد الحلال توهوني . والله العظيم نزلت الساعة 9 من البيت ، ومعايا العنوان وتليفونات خالدونوران ، أنا ساكنة في المقطم ، ركبت كوبري السيدة عيشة وسألت قالوللي لفي شمال يبقي نادي الأبطال علي يميني تمام وأطلعي كوبري ، وعند كده إتصلت بالأخ خالد لاقيت واحد بيقوللي أيوا يا جميل بيعاكس أنا عاوزه أعرف مين ده اصلا ، أنا متأكدة إني طلبت الرقم صح ، نوران تلفونها مغلق أو غير متاح ،
وفي الآخر طلعت كوبري لاقيت نفسي في القطامية !أنا مضايقة جدا

شقيقة الروح
كل سنة وانت اجمل واطيب واقرب الي الله ولكل حبايبك واولهم يوسف ان شاء الله

ما فيش كلام ممكن اعلق بيه يوفيكي حقك
انتي جميلة اوي
وانا بحب اختياراتك وصورك الرائعة

شكراً ان انتي انتي :)
:*

Tears
------


صباح ومساء الورد عليكى يا تيرز
والله يا حبيبتى كان بودى أتفق معاكى
بس مش هقدر
لأن البرلمان القادم
أى كانت تشكيلته
المجلس مستعد لكل احتمالاتها
هوه بالفعل من دلوقتى ... مصنفها
استبعدثوار كتير بتقسيمة الدواير وتوسيعها ...
سمح بدخول الفلول بأكبر عدد ممكن متجاهل قانون الغدر و تفعيله ...
حاضن الاحزاب اللى بتسبح بحمده ..
و اللى منهم ناس بتهلل قصاد الشعب انها ضد بعض سياسيته بينما هيا معاه وتحت رجليه زى السلفيين
والاخوان كالعادة بيريلوا ع الكراسى و مصرين يعملوا ناصحين
القوى السياسية العدلة ضعيفة وغير ممولة وتايهة وسط الغثاء ...

الداخلية متأمرة
واللجنة العليا للإنتخابات بتوع اللى بيحكم
والقضاء يعر .. فيما ندر منه

يعنى م الآخر

لو تيار الاسلام السياسى بقى الغالب
هما ف جيب المجلس
لو الفلول غالب ..هما ف جيب المجلس
لو حصل توازنات ودا ظنى المتواضع لأنهم هيضربوا الكل ف بعضه ويخلوهم على رأى المخلوع يتسلوا ببعض .. ويضربوا ف بعض
فبرضووو ف جيب المجلس

ولو الانتخابات مكملتش
ف جيب المجلس ...

ف كل الاحوال يا تيرز
الأخوة ف المجلس مش قاعدين يقولوا بختك يا ابو بخيت
هما حاطين كل الاحتمالات وبيحتوا فيها من دلوقتى بشتى الطرق والوسائل
مستخدمين اما القوانين ..
او عدم اصدار قوانين
تاجيج الخلاف بين القضاة والمحامين
طرمخة الداخلية ع البلطجية
الجهل والفقر والأعلام الداعر
التطرف الدينى
و الخونة والعملاء ف كل حزب وكيان سياسى ...
الإنهاك اللى كل الشعب فيه
والثوار اللى بقوا قلة مندسة على رأى احد الأصدقاء ...


فى ظل كل الظروف دى
تقوليلى نحاول نعدلها ؟!!!
مظنش
دى حفرة و كل يوم بيشلوا منها شوية تراب كمان عشان تبقى اعمق
ومينفعش امشى ناحيتها وانا متصورة انى ممكن أعديها ...
..مينفعش


معنى كدا ان مفيش حل
والبلد ضاعت ؟
أبدااااا

الحفرة دى
احنا ممكن نردمها على فكرة
و نمهد الارض تانى
و نعدى بسلام
بس بشرط

اللى بيحفروا دول طول الوقت
يتلموا و يتاخد منهم الجاروف و البلدوزرات و كل الادوات المتاحة
ويغوروا ف داهية ...
ساعتها
الخطر يزول ونعرف نكمل السكة

انمما دلوقتى
الوقوف أكثر امان
لحد ما نشوف الخطوة الجاية


عموما خير

ربنا يعدى الوقت الجاى على خير
ولو بالدم
بس يبقاله تمن وفايدة


دمتى بكل الخير يا حبيبتى

faroukfahmy58
--------------

تم عمل اللازم يا استاذى
و روحت وعلقت عند حضرتك
والف شكر ليك
على حضورك
وعلى نورك

:)

ديدى
-----

اولا انا اسفة جدااااااا
معرفش فيه ايه
شكوى الرقم الغلط دى سمعتها من ناس كتير جت ...
انا اسفة جدا
يبدو انى نقلته غلط
انا اسفة جدااااااااا


خالد عنده حالة وفاة يا جماعة
حماه توفى وكانوا بيدفنوه
فمجاش

وخيخة جت التبرع بالدم
ومجتش البؤجة


انا كنت من تسعة ونص الصبح قصاد الجمعية وجنب الكافيتريا ...
ف انتظار اى حد بييجى بدرى
يا ريتك كنتى وصلتى هناك
وكنت شوفتك

انا بكرر اسفى ليكى تانى يا ديدى
ولكل حد زيك معرفش يوصلنا
انا أسفة جداااااا
وحقك عليا

المرة الجاية
داليا قوس قزح قالت هتجيب خط مخصوص وينفتح ف اى يوم تدوينى عشان كدا ..
بس حقيقى اول مرة خالد يتخلف عن الحضور
والنمرة الغلط دى مسئوليتى
انا اسفة للمرة الألف

معلش

خيرها ف غيرها
وقريب ان شاء الله
هيكون فيه اما لقاء حريمى
او سفرية
لسه متحددش ...
بس اول ما يحصل هقولك علطول هنا
وان شاء الله تيجى ونشوفك


انا اسفة تانى وعاشر
ارجو متكونيش زعلانة ..

واشوفك دايما على الف خير

rainbow
--------

وشكرا ليكى يا هدى
لأنك انتى زى ما انتى
جميلة
ورقيقة
وشفافة
وحاسة بأختك فاتيما
وبوجعها قبل فرحها ...

وانك سيدة الألوان بكل ما فيها
من تنوع وبهجة وشجن و اختلاف


بوسات وحضونات يا حبيبتى

صباحك معطر بالورود ...جميله جدا الكلمات والمشاعر اللى بحسها وأنا بقراء كلماتك ..لحن جميل مميز يافاتيما بحسه فى قراءة الخطاريف ...كانك بتعبرى عن كل مافى أعماقك ..جميله المقولات وتعليقك واحساسك بها واختيارك للصور وترتيب افكارك ..بتعجبنى جدا خطاريفك وبستاذنك انى بأخد بعض من المقولات اللى بتكتبيها وبتعجبنى بأسم مؤلفها بحطها كجمل بتعجبنى على الفيس بوك ..

نبضات
------

ازيك يا نبوضتى
وحشتينىىىىىىى
ووحشنى صباحاتك المعطرة بالورود

يا رب تكونى بخير وسعيدة ومبسوطة
حاسة بكدا ف سطورك
ويا رب دايمااااااااا


الحمدلله ان الخطاريف عجباكى
اهو نبقى بنعمل حاجة مفيدة
وبتسعد الناس الحلوة اللى بحبهم


لتعرفى ؟
لما بلاقى تعليقات من ناس عزاز على قلبى كانوا موجودن اول ما دخلت العالم الجميل بتاع المدونات دا ...
بفرح قوى
وبحس انى محظوظة
لأنى لسه على بالكم كدا
:)

ساعات ارجع للبوستات القديمة الاولانية واقراها بالتعليقات واقعد اقول الناس الجميلة دى راحت فين ...
وببقى عارفة ان الانشغالات ليها اسبابها القوية وبقول المهم يكونوا بخير ...

تخيلى لما الاقى تعليق زى بتاعك كدا
بيحسسنى بإيه ؟


ليكى كل الحب يا نبوضتى
والبوسات والحضونات يا حبيبتى

اللهم أنى أستودعتك مصر..♥ رجالها و شبابها .♥.

نساءها و فتياتها .♥. أطفالها و شيوخها .♥.

اللهم أنى أستودعتك ممتلكاتها و مبانيها و منشآتها .♥.

اللهم أنى أستودعتك نيلها و اراضيها و خيراتها .♥.

اللهم أنى أستودعتك أمنها و أمانها و أرزاق اهلها .♥.

اللهم أنى أستودعتك حدودها و بحورها و جنودها .♥.

فأحفظهم بحفظك يا من لا تضيع عنده الودائع و أنت خير الحافظين .

كان ليا تعليق هنا راح فين؟
وبعدين إيه ده؟
معقول أنا ما جيتش المدونة دي من شهرين ونُص؟ معقول؟
وفيه 20 بوست ما قريتهومش لسه؟
20 بوست؟
أول مرة أعيش الغيبوبة التدوينية دي
هو صحيح أنا كنت مشغول كتير ومسافر كتير بس مش للدرجة دي
عموماً .. أنا هقراهم كلهم اليومين دول ونرجع نتابع من تاني :-)

إرسال تعليق