.

.

بـعـــيـن قـــلــبـى  

Posted by: فاتيما in




---------------------------------------------
 كـف بصرهــا 
منـذ اليـوم الأول لولادتها 
و لــذا كــان من المحــال 
أن تـرى شيئاً
  لكـنـه ...  
مــا أن دخـل
عليها الغــرفـة 
حتـى بــدأت ....
تقّـطـع فـى يـدهـــا 

----------------------------------------








--------------------------------------------




This entry was posted on الثلاثاء, يناير 10, 2012 and is filed under . You can leave a response and follow any responses to this entry through the .

22 كــــلام بيطــبطـــب عـــلى قــــلبى و روحــــى

فاتيما
روح القلب الملائكية

ليت الذى خلق العيون السود
خلق القلوب الخافقات حديدا

و الحب صوت فهو انه نائح
طورا و اوانه يكون نشيدا

يهب البواغم السنا صداحة
فاذا تكلم اسكت التغريدا

ما لى اكلف مهجتى كتم الاسى
ان طال عهد الجرح صار صديدا

ان كنت تدرى ما الغرام فداونى
او لا فخل العذل و التفنيدا
ايليا ابو ماضى

نعم يا فاتيما للقلوب عيون ترى و تتنقل ما راته داخل شريانه فينقل الاحساس الى كل انحاء الجسم فينتفض
و للحب صوت كما قال ايليا ابو ماضى
يسمعه المحبين فيستجيبوا لصوته

الله يا فانيما رجعتينا شوية للاحلام

تحياتى يا ام جو

القلب دايماً

بيشوف اكتر من العين

لأنه بيشوف و يحس

):

الصورة دي مبهرة
حقيقي عجبتني

والمعنى طبعا قوي جدا
وناعم جدا

:)

حلوه اوى
مركزه ومليانه احاسيس
احسنتى
خالص تقديرى واحترامى

يلا عالبركه

كتعه وعاميه


مافيش حاجه تاني؟

هكذا القلوب عيون باكية عضلة العذاب القاطنة خلف سجن من قفص صدري تنبض الألم يعاني منها الجسد
و سحره يخطف قلبا عاش مبصرا فعمى حين رآه

رائعة فاتيما

فاتيما ..

ماأجمله من خيال وما أروعه من قلب ..تُرى لمن يكون هذا القلب إلا لمحب أصبحت عيناه تفتح داخل سويداء قلبه ..رائعة انت يافاتيما ورائعة أكثر عندما تحبين ..

ابراهيم رزق
-----------

ازيك يا إبراهيم ؟

مش الحاج ابو ماضى دا برضو
بتاع كن جميلاً ترى الوجود جميلاً ؟

طيب
هوه عموما
الجمال بيتحس
مش بيتشاف بس

والمحبة كمان
بتتحس
مش بتبقى ف التصرفات بس

والبنى آدم نفسه
بيتحس
مش بيتحكم عليه من برا بس

وهذا هو المغزى
من البوست كله


فيه ناس تحسها
من غير ما تشوف منها حاجة
او تبينلك أى شىء


انا قولت اجازة شوية م السياسة
وقرفها


سلامى لسالينازة القمر

Ramy
----

تماااااام
يا ر ر

انتا علطول فاهمنى
ومعايا ع الخط


بلاش التكشيرة دى
والنبى

:)

Baskouta
--------

الصورة عجبتنى انا كمان
:))

والمعنى قوى ماشى

بس ناعم دى
متتقلش غير ع البسكوت بس
ويفضل
يكون ... بمبى

:))

givara
------

شكراً يا فندم
كلك ذوق

انا قولت كدا برضو
صد رد نقول الكلمتين
وبس

مصرى جدا
--------

وهبلة .....


كفيفة وايدها مقطوعة ... وهبلة

:]

مصطفى سيف الدين
---------------

ايه يا استاذنا الجمال دا ؟

رائعة مين
وبتاع مين

دنتا بترد ع الكلام
بلى أحلى منه عشرين مرة !!


شكرا ع التعليق
وشكرا ع التشجيع

منحرمشى منك
:)

zizi
----


صباح الورد يا ماما

ربنا يخليكى ليا
و دايما قلبك حاسس بيا كدا
ورافع ف معنوياتى
التى هى غالباااااااااا
ف الدور الأرضى
:)

واذا كنا معرفناش نحب ...
يبقى نتكلم عنه حتى
ولا إيه ؟!!!

والقلب له عيون
زى نجاة ما بتغنى
هذه حقيقة والله
فيه قلوب كفيفة وقلوب مبصرة
وعيون تشوف
ومع ذلك متشوفشى
وعيون متشوفش
وتبصر اكتر م اللى نظره ستة على ستة

و سبحان الله

القصد
صباح الهنا على عيون حضرتك

السلام عليكم ورحمة الله وبركاته
جزاكم الله خيرا على هذا الموضوع الجميل
والله موضوع جميل ومشوق بارك الله فيكم ياشباب

انا قريت البوست ده امبارح اول منشرتيه تقريبا

ولقيت نفسي بقول كلمة واحدة بس

اوفففففففففففففففف


وطبعا انا مقصدش الاوفففف بتاعة الزهق

ولكن انا اقصد الاوففففففففففف بتاعة الروعة
بتاعة الواحد لما يشوف قدامه حاجة حلوة اوى ويتنح قدامها
وميلاقيش قدامه غير اوففففففففففففف اللي يقولها



سلام
اختك خوخة

ووقف في مكانه؟ وسابها تقطّع في إيديها؟
لو كان ليه عذر، هيكون العمى

Zawag alnaddy زواج النادى
-------------------------

وعليكم السلام
وشكرا ليكم يا فندم

:)

بت خيخة وأى كلام
---------------


بتهرجى يا خوخة ؟!!!

طب دنا لما لقيت عدد التعليقات 7 بس
واللى زارنى امبارح ييجى 300 وشوية
قولت بسسسسسسسس
البوست زفت
ومش عاجب البشرية
ومحدش عاوز يكبسنى
اكمشن نفسوياتى مونقفلة لوحدها
فمفيش داعى يحطوا عليها قفل تانى ..
فقالوا نسكت
ونعدى التدوينة ....

تقوليلى اوفففففففففففف
؟!!!!

لأ والنبى
ابقى قوليلها دايما
ومتشيليش ف نفسك

انتى من الناس القلائل اللى مبيجاملوش
ولو عجبهم حاجة
يبقى عاجبهم ..
ومش بيرفعوا من معنوياتى

طب كويس

عقبال ما تقوليها تانى وتالت

..
منحرمشى منك يا خوختى

لبنى أحمد نور
-----------

ازيك يا نور مفرد بين الكائنات

بصى
البوست دا
انا متقمصاكى فيه ...

بس طبعا بالنسخة الصينى
لأن الاصلى ..لا يعلى عليه

قولت أجرب الخلفية السودة شكلها ايه ...
والكلام المختصر بيبقى ازاى

:)

هوه موقفش ف مكانه
ولا ركز قوى معاها ...
هوه دخل المكان
وخرج
و مشى ف سكته
اللى ناويها لنفسه ...

لأنها مكنتش ف حساباته غالبا
و لو كان مفتح وشايف
فهوه واخد قرار
انه ميبصش ناحيتها
عشان ميرجعش ف كلامه ...

تعرفى يا نور ؟

ساعات الواحد بيتمنى زوال النعمة
يعنى لو شايف
يتمنى ميشوفش
لو حاسس
يتمنى يبقى جبلة
لو مراعى
يتمنى يبقى انانى

يتمنى يبقى حاسم
وبعدين يعمل زيى
ويطلع عيل
ويرجع ف كلامه تانى
عشان هوه كدا بعيوبه أحسن
وأرحم ...


نورتينى يا لبنى
وتعليقك يعنى الكثييييير عندى

سلامى لبنوتك الجميلة
اللى اكيد مفردة
زى مامتها

متقمصاني؟!
ياه ده أنا على كده من حقي أتغر
يمكن متعرفيش إني متابعة لدودة لفاتيما
بحب أقرا هنا بس كتير مش بعرف أعلق
لكن كلامك الجميل دايما بيعلق معايا

هوه موقفش ف مكانه
ولا ركز قوى معاها ...
هوه دخل المكان
وخرج
و مشى ف سكته
اللى ناويها لنفسه ....

السطرين دول واللي بعدهم أقسى من البوست نفسه، على قد ما هما حقيقيين


ملحوظة صغنونة: أنا قدامي كتير لحد ما أبقى ماما :)

نص جميل جداً جداً جداً ..
قرائة اولى ولي عوده قريباً

إرسال تعليق