.

.

أمـــاكـن .... يجب الا يسكـــنها أحــــد  

Posted by: فاتيما in



 

صُنعـــت المصــابيــح 
من قــديـم الأزل 
كــى تبـــدد ظــلمــات العتــمة
و ترشــد التــائهين فى الطــرق الوعــرة
يُـروى عنها الأعاجـيب فى القـصص و الحكـايـا
و تذهـلنا بأسـاطيرها 
و كيف تصنـــع المعجـــزات
تداعــب الخـــيال بالأمنــيـات
و تبهـــرنا أطــفــالاً و كـــبـار
تــؤدب بالنيــابـة عنــا المتمـــردين
و تعـاقـــب لنـــا الأشـــرار
 تكــافىء الصــابرين فــيـنا
و تنتــصـــر لكــل المظــلـومـين
ترشـد الساعين
فى الحــق إلى دروبهــم
و تفصـــل بينـنـا و بين الأذى 
بجــــدار و ســــد عـــال
تلقـــى بمخـــاوفــنا فى أعمــق بحــــر 
و تجـــعل مــن الشجـــاع الحــــر
بطـــلاً
 فى آخـــر الأمــــر
كــما يلـــيق بالأتقـــياء و الأطـــهـار 
لكــنهـا 
 تذكـــرنا  دومـــاً و فى كـــل مـــرة
بإن هـــولاء 
الـذيـن يتركــــون أماكـــنهم 
و يطـــلق ســراحهم 
و لــو ....
بعـــد ألــف ســـنة
فلابـــد فى النهــــايـة 
لهـــذه المصـــابيح من بعــــدهم
و أن يقـــبع فى قـاعهـــا 
أحــــــد
.....................


-------------------------------------


العنوان أتغير 
بناء على تعليق إيهاب 
الطائر الحزين ... إنظر التعليقات

----------------------------------------------


This entry was posted on الأربعاء, يناير 11, 2012 and is filed under . You can leave a response and follow any responses to this entry through the .

22 كــــلام بيطــبطـــب عـــلى قــــلبى و روحــــى

مصباح بيقعد ألف سنه !!!!!!!!!!


فين ده وبكام؟

دلوقتي زمن المصابيح الصيني اللي بتتحرق قبل ما تنور


ومالها الضلمه يعني أهو مشاركه للدكتور أحمد حراره


روقي كدا وصلي عالنبي

وكما قال الشاعر

لو المبه أتحرقت نور بحريقه

ودمتم

مصرى جدا
--------

آه ألف سنة
و يزيد كمان


انتا مسمعتش قصة علاء الدين
والمصباح السحرى قبل كدا ؟!!!!


مشوفتش الفيلم انتاج سنة خمسين دا
ف نادى السيلما قبل كدا ؟!!!!


الجنى الغلبان
المحبوس داخل القنديل
من ايام سيدنا سليمان
لما علاء عتر فيه
و طلعه
فلاقاه بدل ما يقوله شبيك لبيك
... عاوز ياخد عمره


فعلاء جر معاه ناعم
وسأله :

ماشى موتنى
بس الأول قولى
ليه يابا الحاج عايز تقتلنى ؟!!!


فالجنى قاله

انه اول الف سنة انحبس فيها
قال اللى هيطلعنى
هطلعله كنوز الأرض كلها
مكافأة


وعدت الف سنة
بلا جدوى


بعد ألفين سنة
قال اللى هيطلعنى
هطلعله كنوز البحر كلها
مكافأة

وعدت ألفين سنة
وملطعشى


بعد تلتلاف سنة
قال اللى هيطلعنى
هطلع روح امه ...!!!


الجنى فيوزاته ضربت
يا عينى
ما هو القعدة ف قعر المصباح
وحيدا ...
تعمل اكتر من كدا برضو


الملخص


انا زى الفل يا عم
و الف صلاة عليك يا نبى


هذه يا صديقى
محض تدوينات
وخطرفات وهذيان ...
مش اكتر


متدقش

ومتخدش ف بالك

:)

كم غادر المصابيح في حياتنا الكثيرون من قبل ... منهم من ادي دوره كما يليق بملابسات ظروفه وعصره ... ومنهم من ابهرته نسمات الحرية بعد طول عناء .. ففر الي حيث لاعودة ... وكل المراد والأمل ان يسكن مصابيحنا في المستقبل ... من هو قادر علي تحقيق الاحلام والامنيات .

ويبقي في النهاية المصباح الاكثر روعة في حياة البشر ..... هو مساحة الخيال .. وفسحة الامل ... ونقطة اليقين .


تحياتي

هههههههههههههههههههههه

قريت تعليقك على هانى

وعندى عليه تعقيب خيخي


انا اتجوزت اول مرة
وقلت اللى هتجوزه هاخلى حياته جنة
واتطلقت

واتجوزت تانى مرة
وقلت اللى هتجوزه هاخلى حياته جنة
واتطلقت


فدلوقتى لو اتجوزت تالت
اللى هتجوزه هاطلع تربنتين اللي خلفوه

بس بقى ها



سلام
اختك خوخة

"أمـــاكن .... لابد ألا يسكنها أحـد"

تقول فيروز في اغنيتها الرائعة (بيروت)

أطفأت مدينتي قنديلها
و أغلقت بابها .. أصبحت في المساء وحدها
وحدها و ليل
----------
فعاد قنديل بيروت للاضاءة من جديد القناديل حتى وان عانت من ريح شديدة اصتطاعت ان تطفئها فالربيع قادم لا محالة
دوما بعد كل شتاء ربيع هذه طقوس الشمس التي لا تخالفها تنير الطريق ونقتبس من نورها نارا نخيف بها الوحوش المستترة في ظلام انفسنا
ستضيء المصابيح من جديد و نارها ستحرق جميع الشرور فحتى ابليس يخاف النار
والامل نافذة صغيرة تنفذ خيط ضوء قد تراه صغيرا لكنه حلم للقابع في كهف مظلم ان سار نحوه نجا
اسف للاطالة
كلماتك رائعة

فاتيما
روح القلب الملائكية

بصى يا ام جو
انا قريت البوست الصبح و مش عارف ليه معلقتش حاجة كدة قالت ليا استنى شوية
يمكن عشان اقرأ تعليق خيخة و اضحك وابتسم
معلش يا خيخة انما الاعمال بالنيات
معتقدش يا خيخة انك قصرتى
زى ما بيقولوا بالخليجى و الله ما قصرتى
طبعا انتى حاولتى و حاولتى جامد
لكن نقدر نقول النصيب نقدر نقول ملهمش فى الطيب نصيب الكيمياء و التفاعل اخرج ناتج مختلف
لكن الله يكون فى عون القادم اللى هيطلع تربنتينه
هههههههههههههههههههه
ساعات فى نوعية بتيجى كدة

انا معاكى يا فاتيما اى نعم فى مصابيح صينى بتقعد ساعة و فى مصابيح بتعيش اكثر من الف عام
يعنى تقدرى تقولى الشيخ عماد و علاء عبد الهادى و منصور و محمد مصطفى و حرارة هيعيشوا قد ايه
دول مصابيح مش هيقدر حد يطفيهم حتى لو كان لابس كاكى

تحياتى يا ام جو

أحلى حاجة في حكاية المصابيح
ان النور اللي في مصابيح القلب ابدا ما بينطفيش
مهما هبت رياح حزينة
مهما قامت عواصف هجر او غياب
مصابيح القلب
دايما مصابيح مابتنطفيش
:)

المصباح حتي لو عى قرون برضه ح ينور...المشكلة في المصباح المشكلة اللي عنده حظ علاء الدين ودول للاسف مش موجدين

فاتيما العزيزة..روح قلبي ...


تحليلك لمصباح علاء الدين يجنن ..تصوري بقى لو كان قعد اكتر من تلات ألاف سنةكان عمل إيه ..بوست مبهج زي كل بوستاتك ..تسلم ايدك

انا نفسى ألاقى المصباح
وهأطلب من الجنى طلبين
يخلوا الأرض جنة عدن

الأول يهجر كل جنس اكس اكس للمريخ

التانى يضاعف إنتاج الشيكولاته عشر أضعاف

وبكده يبقى حققت ك اللى نفسى فيه

وأعيش باقى ايامى ملك فى روقاااااااان

اندروميدا
--------

اهلا يا إندروا

كل سنة وانتا بألف خير

تعليقك مميز كالعادة
وجاى ف قلب المعنى


انا مش عاوزة أفضل محبوسة
ف قاع مصباح
وأستنى اللى يطلعنى


بس هيا ادوار
وأماكن لازم حد يتبادلها
و زى ما انا كدا
محبوسة
فيه حد غالبا
مستنينى أطلعه من قاعمصباحه
وانا مبروحش

او جايز روحت
وطلعته
فقعدنى مكانه
:)))

الفكرة أروع م الحقيقة
هيا اللى بتخلينا نتحمل
دايما كنت أقول ليوسف ابنى الكلمة دى مسبوقة بكلمة نعمة ...

كنت دايما اقوله
نعمة الخيال

لأنه فعلا نعمة من ربنا
بتخفف عننا الصعب
وتدينا امل
وتريح العقل مهما تعب
وتفتحله سكة براح وسط ضيقة الدنيا


نورتنى

وتحياتى أنا أكتر

بت خيخة وأى كلام
---------------

فاصل م الضوحك الاول
هههههههههههههههههههههههههه
هههههههههههههههههههه
ههههههههههههههههههههههههه
ههههههههههههههههههههههههههه

وبعدين أخد نفسى

وأقولك
إنك مجرمة ...
كالعـــــادة


:)

يا خوخة أستهدى بالله
التالتة تابتة يا بنتى
وهوه دا اللى هييجى
وياخد الهنا كله
وبكرة تقولى فاتيما قالت

التالتة تابتة
ان شاء الله
وهيتصلح فيها كل اللى فات
ولا تعرفى


ثم ان القصة بتاعت الفيلم
بتؤكد هذه الحكيكة

الجنى طلع وإتحرر
وعمل الواجب مع علاء
وبعدين علاء عمل معاه حركة جدعنة
وحرره للأبـــد
وقاله قلمك معاك
مصروفك وسندوتشاتك ف شنطتك
مطوتك ف جيبك ..
واللى يكلمك جيب كرشه ..


يعنى خير

ان شاء الله خير



و تعليقااااان ف يوم واحد
احنا زارنا النبى النهاردة

:))

منحرمش من طلتك عليا يا خوختى

الطائر الحزين
------------

الله عليك يا إيهاب

طب والله
عنوانك أحلى ألف مليون مرة

طب وحياتك مهتنيلك كلمة

هغير العنوان
وأخليها زى انتا ..ما قولت


فعلا
فيه أمكان
المفروض أن لا يقبع بها احتد

ع الأقل ف الخيال

انا نزلت بس للواقع
فطلعت منى كدا

:)

مصطفى سيف الدين
---------------

لا تتأسف خالص يا أستاذ مصطفى
كلامك دايما مميز
وفيه نكهتك الخاصة
ويسعدنى تكون ف صفحة تعليقاتى
دى بتزودنى و تشرفنى


القناديل
ليها سحر وعبق
وليها جمال و كلها فن
أغلى انسان عليا
لما فكرت أجيبله أول هدية
عشان أهاديه بيها ...
كانت مصباح زى اللى ف الصورة
وكنت قاصدة ...
كنت حساه محبوس جوا قنديل
ومش عاوز يخرج بإختياره
لما جيت اشترى المصباح م المحل
البياع كان زكى ..
ولماح
فهم انى جيباه لمين
وقالى بهزار ..
كدا مش ناقصك غير الجنى
تجيبيه و تحبسيه جواه
ضحكت وقولته
والله أبدا
دنا عاوزة اعمل العكس
:)

نورت المطرح .. كالعـــادة

ابراهيم رزق
-----------

كلامك لخوخة أبصم عليه
والبونية ما قصرت والله
هوه النصيب بيحكم

وبخصوص دروس الكيمياء دى
والله ولا بتنفع
حتى اللى الكيكياء بتاعتك تتوافق مع كيميائه برضو ..
بتيجى دروس الجيولوجيا
وتروح فاصلة بينكم بشق عميق ف باطن الارض او زلزال او أى منظر ...

لا كدا نافع
ولا كدا نافع

هوه النصيب

الأسماء العظيمة اللى قولت عليها يا أبو العيال ...
دول مش بشر عاديين زينا كدا
عشان ينحبسوا او يخرجوا ...

دول ملهماش مصابيح
دول أنوار ربانية ...
دول عاملين كدا
زى ما كنا زمان بنرسم الشمس
دايرة وحواليها خطوط كأنها أشعتها

دول أشعة ...
خطوط خارجة م الشمس
بتتمد تتمد لحد ما توصل للأرض
تنورها وتدفيها ...
وتطفى سواد اللى ساكنينها
وتدى أمل للى عايشين ف الضلمة
ان النور جاى


تحياتى ليك وخالص ودى
وقبلاتى لسالينازة حبيبتى

Baskouta
--------

:)

انتى
حبيبة
قلـــبى

Tarkieb
-------


ازيك يا فنان ؟

المشكلة مش ف حظ علاء بس
الراجل برضو اتبهدل
وشاف الويل
على ما حظه انعدل

المشكلة الحقيقية
ف الدنيا اللى مليانة ظلم
وشر
و ناس بتدوس على ناس
و عاوزة معجزات ..
عشان تخلص الدنيا من شرها

دول اللى بجد
رغم يقينى من اهمية وجودهم
عشان الخير لازمله شر يوزنه
بس ما زلت بتفاجىء
واتخض
واحزن من كم الجهد اللى ممكن شخص يضيعه ف أذى غيره بينما كان ممكن يضيعه ف حاجة أفضل لنفسه حتى وبلاش غيره ...

يعنى
عموما

سيلافى

هكذا هى الدنيا يا عزيزى

ونورتنا جداااا

zizi
----


لو كان قعد اكتر من تلاتف سنة ؟!!!

غالبا كان هيطلع روحنا احنا
كل اللى بيسمعوا القصة ..
:)

والله يا ماما
الالواحد كتير عشان يهرب م الدنيا
يروح للحواديت
فيلاقى الحواديت نفسها ..
إنعكاس حقيقى للدنيا ...

بس الفرق ف الخواتيم

نهايات القصص أحلى
اعدل
أذا دق الوصف يعنى


ربنا يخليكى ليا
ومنحرمش من تعليقات حضرتك
وطبطباتك
ولا محبيتك الصافية دى
أبداااااااااا

الازهرى
------

كدا ؟


طب أنا بقى اول ما الاقيه

هقوله يلغى كل اللى إنتا طلبته

هه

وش مطلع لسانه

:)


لأأستنى
بلاش يلغى حكاية الشكولاتة دى
فيها إعادة نظر


احنا نشحنكوا انتوا ع المريخ
ونقعد ناكل ف الشكلاتة براحتنا بقى

ايه رأيك ؟

معلش يا طمطومة عايزة بس ارد على ابراهيم رزق؟


يا ابراهيم
ايش عرفك انى مقصرتش؟
!!!!!!!!!!!!!!!!!!!!!!!

اى علاقة لما بتفشل او بتنتهى
مش بيكون التقصير من طرف واحد

لأ.. ده بيكون من الطرفين

إلا في حالات استثنائية جدااااااااا
انك تلاقى طرف فعلا كان وحش
وطرف كان كويس


وانا بصراحة معتبرش من ضمن الحالات الاستثنائية

وانا لا اعيب على اى من الشخصين اللي اتجوزتهم

ولا ادعي انى كنت زوجة رائعة
وهما اللى كانوا وحشين

اكيد انا كنت مقصرة بشكل ما

ومحدش يقدر يحكم على حكاية التقصير من عدمه
الا اللى كان متجوزني




ثانيا

انا مش بحب جملة مالهمش فى الطيب نصيب دى

مش يمكن انا اللى ماليش فى الطيب نصيب؟؟؟

او يمكن كلنا طيبين
بس كل واحد طيب بطريقة مختلفة مش راكبة مع طيبة الطرف التانى


المهم يعنى بلاش تحكم عليا انى مقصرتش

انت متعرفنيش يا ابراهيم


وهنا تحضرني جملة لأمى
بارك الله فى عمرها
عقب خلاف بينى وبينها

"انا مش عارفة هانى ازاى قدر يستحملك سبع سنين ... ليه حق يطلقك"


فاكيد يعنى اللى امها تقولها كدة

اكيد اكيد اكيد
كانت مقصرة ولو بقدر ضئيل مع زوجها
بغض النظر عن مين الزوج


بس خلاص
و شكرا يا طمطومة على المساحة دى من صفحة تعليقاتك

بت خيخة وأى كلام
---------------


المفروض ابراهيم يرد
او يقرى ...

انا عاوزة أعلق


اولا
بحبك يا خوخة
وانتى راسية وعااااقلة
و بتحسسى على كل كلمة ممكن تجرح
حد كان موجود ف حياتك
عشان خاطر شريف او عشان منظرك انتى قصاد نفسك

انا بعمل زيك كدا كتير
وفاهمة ازاى توصلى لحاجة زى دى
وممكن تعمل جواكى ايه
وتلاقى نفسك فعلااااا بعد شوية وقت
مش زعلانة من حد
وبالعكس
بتلتمسى ليهم العذر ...


حبيت بس أشيد
عشان كل مرة ببقى عاوزة احييكى
ومبفتكرش



ثانيا
انا واثقة ومتأكدة
انك كل مرة بتحاولى تتلافى اخطاء
بس بتكتشفى اخطاء تانية غيرها
وعقباااال ما تحاولى تصلحى وتتكيفى
بيكون الوقت فات
عشان كدا بقولك التالتة تابتة
لأنك حتى لو معرفتيش تختارى
وحبيتى اكتر ما حسبتيها
هيكون تصرفك مختلف ...
اكثر نضجاً اكيد
نضج يوازى الالم اللى دفعتيه
ف المقابل


اما لو ابن الحلال مقابلش دا
بما يستحقه من تقدير
فدا لأن كل واحد ..حالة متفردة
ومفيش حد بيدفع ديون حد
ولا بياخد نصيب حد


ثالثا بخصوص طنط بقى
يسعدنى أقولك
انك
لست وحدك
الحاجة ام فاتيما
مبيعجبهاش أى حاجة أعملها
ودايما بتقول اراء من هذا القبيل
بما يفيد انى مقصرة عموما
...
وتحليلى الشخصى لهذه الحكاية
وبجد والله مش بهزر
وشوفيها كدا بنفسك
جيل الامهات بتوعنا كن نوعية كدا
مجتهدة بشكل غريب
ستات بيوت شطار جدا
وحتى لما بيشتغلوا كانوا بيرجعوا بيوتهم
لا يقصرن ف اداء واجباتهم تجاه الازاوج او الأبناء ...
امى انا شخصياً كدا
وخالاتى وصديقاتهم ومدرساتى ..ألخ


ومن اول شهر جواز وحياتك
وحياتهم مشيت واستمرت
رغم كل المعوقات او المشاكل

يمكن كمان لأن الطرف التانى
وهما الرجالة
كانوا رجالة مختلفة
كانوا اكثر نضجا وتحمل للمسئولية
وكان عندهم مبادىء
مختلفة عن دلوقتى

فرق الجيل يا خوخة
وامهاتنا شايفين اننا خايبانين
وعندهم حق
لما بيقارنوا نفسهم بينا
بيبقوا معذروين

بس احنا برضو
مختلفين عنهم
وعندنا اللى مكنش عندهم
احنا اخترنا نغير حياتنا
ومنرضاش بحياة مفروضة علينا
لما اكتشفنا اننا غلطنا ..اعترفنا
وقولنا مش لاعبين
ودفعنا وبندفع تمن الخطأ دا
بنفس راضية
وبنحاول نتعلم نصبر
الصبر الجميل ...

و مساحة ايه اللى بتشكرينى عليها
يا بت ؟!!!

دحنا يا دوب فتحنا بيبان الشقق
ووقفنا ف الفسحة نرغى شوية ...
و ناخد بحس بعض
آه
مهو الجيران
والستات لبعضيشها برضو


صباح الورد

إرسال تعليق