.

.

الليــلـة الأولى ... بعــد الألـــف  

Posted by: فاتيما in







و لما كــان 
بالفــرحـة يــأتـى 
لينثـر عـلى أيـامهـا 
حبات الندى والسكر

فإذا بقلبها
بعـد رحيله
فى كل مـرة 
و قـد أصبح
قـطـعـة كـبيرة
من  .....  الحـلـوى  


This entry was posted on الجمعة, يناير 13, 2012 and is filed under . You can leave a response and follow any responses to this entry through the .

25 كــــلام بيطــبطـــب عـــلى قــــلبى و روحــــى

السلام عليكم
وجهة نظر بردوا
دومتى بخير

و يعود من جديد كي ينثر المزيد فيضيء القلب ويحلم بمستقبل سعيد
وحياتي يا سيدي لوعنها تحدثت
عن سعادة الحزن لو ادركت
عن اللذة والنار ربما فهمت
كيف بين الفراق والوصل تحيد
انا اسطورة العشق وأنت كاتبها
انا سيمفونية الالم و أنت عازفها
انا قطعة حلوى تذوب في يد صانعها
وبين شفتيه تختفي في ريقه حلاوتها
نعم سيدي اختفي فيك
اتلاشى فيك
ومع ذلك ما زلت أصرخ هل من مزيد

كلماتك دوما رائعة و دوما تستفز قلمي للبوح فاعذري قلمي سيدتي

عارفة المشهد اللي هي تبقى خلاص مسافرة وطالعة الطيارة بيأس وقلب موجوع
وفجأة تسمع اسمها وتبص وراها وتلاقيه هو

عارفة المشهد ده يا طمطومة ؟


عارفة الاحساس اللي بتغرق فيه ساعتها ؟

اللى هو بتبقى مش مصدقة وفرحانة ومش قادرة تاخد نفسها وبتجرى عليه وتدخل فى حضنه وتقعد تعيط


سيبك بقى من المشهد لانه ممكن يكون بعيد عن البوست

وخليكي فى الإحساس


اهو ده كان احساسى وانا بقرا البوست ده

انا كنت مخطوفة الأنفاس مدهوشة
وحاسة انى المفروض اقوم اجرى على حضن حد
و قعدت ابتسم وعنيا تبقى مرغرغة بالدموع
( معيطتش بصراحة بس كنت على وشك )



كويس اوى انها لقت انسان
بعد رحيله
يسيب قلبها
وهو عبارة عن حتة كبيرة من البونبوني

احسن من انسان يسيب قلبها متفتفت 600 حتة




الصورة تجننننننن
وفكرة الكلمات الملونة تجننننننننننن

والبوست خاطفني


حلو اوى يا طمطومة


سلام
اختك خيخة

رووووووووووووووووووووووووعة

لولا

تتساقط الأيام كى تسقط من دفاترنا

وتبقى ذكرياتنا

انا ليا في الحاجات الحلوة دي على فكرة
:)

حلوة :)
ومحزنة

السكر قريب منها
في قلبها جوّا
ومش عارفة تدوقه
وخايفة أصلا تاخد منه
وعارفة إنها حتى لو مقربتش منه
بردو هيخلص
ولما هيخلص
مش هتعرف تعوضه تاني
وأي حاجة حلوة بعده
هتبطل تحلوّ

وهي أصلا بتحب الحلو :|

لما كانت تحيل الامها وأحزانها عند كل رحيل حبات الندى والسكر..لتنثرها بين يديه عند اللقاء...هى فقط من ملئ قلبها صبرا ...وحلوى بعد الرحيل الأخير

دايما انت اجمل حلوى باحساسك الحلو

صباحك سكر :)

الله يحلي ايامكم

أسلوووب راقي ولبق

جميل البوست ومتفائل والوانه حلوه
بس اتمنى ان يكون اللى فى القلب هو اللى فى البوست
يعنى الوان حلوه وتفاؤل وفرحه


ربنا يقدر لك الخير ويراضيكى بيه يابطه
بحبك ياقلب البحر

على قد ما حبتها اوي و حبيت الصورة على قد ما وجعت قلبي
على الاقل لو كان ساب قلبها و هو تعبان كان ممكن ييجي وقت عليها و تعرف تكرهه انما سايب قلبها قطعة من الحلوى و لكن ليس باستطاعتها ان تتذوقها بجواره فما اكبر المها :(
تحياتي لقلبك الابيض

جميل يا فاتيما
ربنا يسعد قلبك ويلون أيامك بالفرحة إن شاء الله يا أرق قلب )))؛

مدونة رحلة حياة
--------------

وعليكم السلام يا ابا معاذ

و مش لاقية رد على كلامك
غير كــدا

:)

كن بخير دايما
انشالله

مصطفى سيف الدين
---------------

يا أستاذ مصطفى
كــدا مينفعششششششش

لو كل مرة هكتب بوست
ترد عليه بتعليق أحلى منه ألف مرة
اعمل ايه انا ؟؟؟!!

منظرى بقى ويحيش خالث
:)


عموما

انا سعيدة جداااا
وحياة يوسف بتعليقك دا
لأنه هوه وتعليق خيخة
ويمكن الغالبية
شايفين الكلام وحاسين بيه
بشكل مرعب ...مخوفنى جدا

حاجة م الاتنين
يا أنتوا شفافين لدرجة رهيبة
وكأنكم قاعدين جنبى وانا بكتب
يا انا اللى فوضحية ومفقوسة

وغالبا الأتنين
:)))


لو كانت لسه بسكوتة بتعمل استفتاء المدونات ...زى زمان
كنت هصوت لحضرتك
كصاحب أحسن تعليق ...
بجــد

نورتنى
وزودتنى
ومنحرمشى منك
ولا من تعليقاتك

أبـــدا

بت خيخة وأى كلام
---------------

بت يا خوخة

يخربيييييتك

مجازاً مش بجـــد


المشهد بعيداً ولا قريباً
انتى صح ف الإتنين

مش بقولك احنا قربنا نبقى تؤام ؟!!


طيب
يا ست مخطوفة الانفاس مدهوشة
ربنا ما يحرمنى منك
ولا من القراية بالقلب دى
اللى بتختصر عليا كتييييير
عاوزة اقوله ومش عارفة


بخصوص فحوى التدوينة بقى
هناك بالفعل اشخاص نادرين
قادرين يعملوا كدا
ولهــذا
التخلى عنهم مش بالساهل
ولهـــذا
انا ف مأزق مش سهل يبقاله مخرج
واقرى البوست الجديد
تفهمى قصدى اكتر

واقرى ردى على الأستاذ مصطفى سيف
فيه كلام كنت عاوزة اقوله برضو
عن احساس الناس الحلوة بالمكتوب بشكل غريب ...!!!


بوسات
وحضونات
و قلوب مسكرة ...
:))

لولا وزهـــراء
-------------

انتى أروع يا لولا

:)

الازهرى
------



ولا
بلاش نكـــد
مش طالبة معايا خالص


D:

Baskouta
--------


أكـــيد

انتى تميمة حظــى
يا بسكــى

:)

لبنى أحمد نـور
------------


ودايما كلماتك
بطعم السكر يا لبنى
وبعد ما شوفتك
أنتى الاحلى
من كل السكر

:)

story pain
----------


وصباحك ومساكى بطعم الشكولاتة الداكنة يا ستورى

عشان بحبها كــدا


التعليق بتاعك وكأنه تكملة للبوست
وشرح وافى ليه

يا عيال انا بتخرع لما الاقى تعليقات كدا ...
ابطل كتابة واقولكم حاسة بإيه
وتكتبولى انتوا ؟

:)))

نورتى روح قلب ماما يا ستورى

وكل ايامك شكولاتة
وسكر
يا حبيبتى

anas mohasien
-------------


كلك ذوق
والف شكر ليك

نورت المدونة

عاشقة الرومانسية
----------------

ميرسى ع الدعوة
يا عروسة البحور

وانا مش شايفة
ضابط واقف قدامى
فبعمل نفسى بلم التعابين ...

:)


مش عايزة أجاوب ع اللى ف بالك
عشان بحاول اتكيف بشكل تانى
واكون إيجابية


هوه مش بحاول ...

لأ والله
انا فعلا حاسة بكــدا

لأنى مبفتكرش غير الحاجات الحلوة
واللى هيا كتير الحمدلله
واللى مبتخلصش
ولا بتروحش من بالى مهما حاولت ...


ال :-* دى على جبينك
عشان عارفة انى مزعلاكى قوى
وعندك ألف حق


سلامى لبحارك الطيب
و بوسات لرودينا
وحضونات ليكى

أفكار مبعثرة
------------


والله يا فوكيرة منا عارفة
أنهى الافضـــل ؟!!!

بصى
ف الاحوال العادية
مع حد عادى و كدا
طبعا كويس ان الواحد ينساه
بألف حاجة وحشة ..
عشان ميرجعش يفكر فيه
ولا يدور عليه


لكن
لو حد مميز
او بمعنى ادق لو هوه الشخص
اللى مقسوملك ولو مفضلتوش سوا
هيفضل برضو جوا قلبك
ساعتها هتلاقى روحك
مش قادرة تفتكرى حاجة وحشة
ولا قادرة تزعلى منه
ولا قادرة تشوفيه زى باقى الناس


مرة قريت التشبيه دا
بس مش فاكرة فين ...
كانت البطلة بتحكى لأبنها وتفسرله
ليه كانت بتحب واحد
ومتجوزتش أى حد غيره وخلاص ...
قالتله
الحب انك تحب الشخص دا
ف اى ظرف
ف أى مكان
ف أى شكل

مينفعش تقبل بغيره
ولو ف الظرف المناسب والمكان المناسب والشكل المناسب ...
دا ميبقاش حب
دا يبقى اتفاق او أى حاجة تانية


اختك من انصار هذا العبط ..
معرفش لحسن الحظ
ولاّ للأسف ...

الملخص عشان دوشة دماغك
طعم السكر
لو طبيعى و حقيقى وبجد
بيحلى مرار الدنيا
و مبيروحش من القلب


نورتينى
:)

ديدى
----


انتى الأجمل يا ديدى
والله

منحرمشى من دعواتك ابدا

فاتيما الحبوبه
هذا ليس غريبا على القلب الحى الشايل حلاوته لغيره
مثله كمثل سكر النبات كلما مر عليه الوقت كلما زاد حجمه وثقل وزنه
ولكن للآسف سكره يستطعمه غيره

إرسال تعليق