.

.

خــرجــت ولـم تعــد  

Posted by: فاتيما in





كـل آدم له حـواءه 
التى من ضلعه .. خـرجت
و لو فى أول الدنيــا 
و آخرهـــا
 فـرق بينهـما البعـــاد
تظـل معجـزتـه دومـاً
بعد طول بحث أن يجدهـا
و يبقى حـلمهـا أبـداً
أن .. لمكانها الأصلى تعود



This entry was posted on الأحد, يناير 15, 2012 and is filed under . You can leave a response and follow any responses to this entry through the .

25 كــــلام بيطــبطـــب عـــلى قــــلبى و روحــــى

جميييييييييييييله اوى عجبتنى جدااا

معنى رائع بجد والاسلوب كمان تحفه

دمتى بخير

أنا عن نفسى بأكره التفاح جدا جدا جدا

لسببين جوهريين
الأول : سعره الغالى جدا وميانيتنا اللى على قدها جدا
التانى : إنه ذكر فى التاريخ مرتين
الأولى - لما خرجنا من الجنة بسببه هو وحواء ( ربنا يخلصنا منها على خير ) .

والتانية لما وقع على دماغ نيوتن وخرجنا لنا تل القوانين اللى بندرسها فى الكلية ( ربنا يخلصنا منها على خير برضه ) .

والله الموفق والمستعان
حفظ الله الوطن

كلمات قليلة.. لكن عمقها وتأثيرها عال للغاية

أخخخخخخخ
كنت هأنسى

فاكرة دى

http://2.bp.blogspot.com/-DejFse76NAk/TealIF6p7mI/AAAAAAAAIL4/QQEVZWOy2MU/s1600/photography-115_large.jpg

أبو قلب رقيق
أنا تمااااااااااام
متفصلة على

http://4.bp.blogspot.com/-kKahfnOj6iA/TdlSpAZ3S4I/AAAAAAAAIGI/Z09LK9bzg1M/s1600/tumblr_llb69e13sj1qc5laro1_1280_large.jpg

ما اروع كلماتك
فيها امل المستحيل

و ايمان بالقدر

لو بعث هذا الامل في القلوب للهثت السعادة و راءنا

تحياتي

عجبتنى جدا يا فاتيما
و مبسوطة انى قابلتك امبارح :)
اتمنى اننا نفضل على تواصل :)
هدير

الدنيا دروب تتفرق بنا أحلام تدهسها الأيام و أحلام تموت قبل أن تولد إلا حلم واحد أن تجد شيئا منك لا تدري في أي بقاع العالم هناك شيء منك لم يكن أبدا بين ضلوعك فهو هناك خلف الأفق في مدينة أخرى ربما او بينكما بحور إلا أنه لا يكف عن مناداتك أنت تعرف أن طريق السعادة لن يكتمل الا حين تلبي النداء فهو الحلم الوحيدالذي حين يتحقق فهو يصنع السعادة اما باقي الأحلام حين تتحقق تموت وينبت على جثثها أحلام أخرى وهكذا
--------------
معلش يا فاتيما باسيب قلمي يكتب في صفحتك براحته
يعني من روعة خواطرك القلم بيرفض يعديها كده
جميل اوي خاطرتك النهاردة واسلوبك فيها مبهر
تحياتي ليكي

روح قلب ماما مبسوطة انت اوى و مقضديها تفاح ماشى ربنا معاك

وانا دايما بقوله انى من ضلعه واننا جزء واحد
نص تايه ولاقى نصه التانى

بحبك
قووووووووووووووى يا قلب البحر

جميله أويييييييييييي
والصوره حلوا

اييه دا كلوووووووو:)

بجد بوست

رائع الكلمات والمعاني

كلام جميل بجد
ويارب ترجع

فاتيما
روح القلب الملائكية

قعدن نتكلم عليكى امس انا و وليد قد كده يارب متكنيش شرقتى و لا حاجة

حاجة تانية سلام كبير من ساليناز اللى خاصمتنى لما قلت لها انك بتسلمى عليها

تصدقى مقولتك دى سر من اسرار البشرية منذ نشأتها حتى الان لكن احيانا او فى الغالب المكس او الكوكتيل بيبقى طعمه حلو او مقبول بس صعب تحديده او تذوقه

تحياتى و سلامى لكى يا ام جو

ما هوا دا الأنتقام الرهيب

كل ادم له حواء تطلع تربتين عين اللي جابوه


مالو الجميز يعني ؟

شغال ورخيص وكويس وابن حلال

ملحوظه :

عمري ما دقت الجميز ده خالص

امة الرحمن
---------

طيب الحمدلله يا فندم
:)

يا رب كل ما تيجى هنا
تكونى مبسوطة
انتى منورانى والله

الازهرى
------


بتكره التفاح ؟!!!

فقرى من يومك

يا بخيل يا جلدة
طب متقولشى الحكاية دى
لحد ما نلاقى واحدة نضحك عليها
و تتدبس و ترضى بيك طيب


:)

خلاص يا عمن اتجوز ونجيبلك احنا التفاح على حسابنا
هه


آه
بخصوص التفاحة اللى خرجت سيدنا آدم م الجنة
اختك فاتيما قعدت ييجى 18 سنة من عمرها تتعذب بسماع هذا الغتهام من كل الشوباب والرجالة وهيا ساكتة وكاتمة ف قلبها وزعلانة جدااااا
لحد ما صدفة قريت كتاب "أنبياء الله "للرائع أحمد بهجت ربنا يعلى مقامه ف جنات النعيم يا رب ...

ساعتها قريت لأول مرة التفسير المنطقى
اللى فيه التكريم الحقيقى من ربنا للبنى آدم عموما
وتبرئة لستنا حوا خصوصاً
ملخصه وان كنت عارفة انك اكيد عارف مسبقاً ...بس اقولك واغتت برضو
:)

ان حادثة الأغواء مجرد ذروة حدث
ماستر سين زى ما بيتقال
والمقصود ان ربنا خلق سيدنا آدم كى يخلفه على الأرض عشان يعمرها ...
نزول سيدنا آدم م الجنة كان حتمى
كان تكرمة ليه مش عقاب
كان امانة بيتسلمها
عشان يتفضل بيها عن الملايكة والجن ...

نقوم نجيبها ف التفاحة وستنا حوا
والغواية ...
صعب قوى
ويبقى تفكير قاصر
او مش شايف الصورة كاملة


بصراحة
التفسير دا عجبنى جدا
دخل دماغى
لأن حتى لو افترضنا حدوث غواية
كانت من طرفين
ولو فيه ضعف
كان برضو من طرفين

متظلموش التفاح بقى
:)

وفاكرة الصورة طبعا
هوه ازهرى بإجرامه وشقاوته
ومطوته اللى بيرفعها ف وش عضوات الجمعية ....

موشكرين يا سيدى
و منتحرمشى
:)

شهووووده
-------

شكرا ليكى

نورتى المدونة

:)

أحـــوال الهوى
-------------

الله يخليك يا دكتور
منحرمشى منك ابدااا

ودى قناعتى بجد

كل آدم و خرجت من ضلعه حواءه
المميزة ولو عرف وحب واتجوز عشر ستات
يفضل واحدة غيرهم كلهم ...

وكل حوا وليها آدمها
اللى متنعدلش
غير لما ترجع لمكانها الحقيقى الأصلى
ف ضلوعه ... هوه وبس
ولاتستقيم كل حياتها الا بيه
و متحلاش مع غيره
ولو كان كويس معاها
وهى كويسة معاه


عارف الأسطورة بتاعت زمان
ان الراجل والست كانوا كائن واحد
وإنقسم ...
وكل واحد بيدور على نصه التانى

حاجة كدا

عارفة انه يمكن يكون جنان
بس دى قناعتى الشخصية والله
:)

هدير
-----

انا كمان يا هدير
مبسوطة بمعرفتك
ومعلش لو مكنتش لحقت اتكلم معاكى
انا اصلى رغاية قوى
وما بصدق الاقيكم اقعد ابعبع
:)

ان شاء الله اشوفك دايما على خير
ومبسوطة ان التدوينة عجباكى

شكرا ع الزيارة و ع اللينك بتاعك

مصطفى سيف الدين
---------------

يا أستاذ مصطفى متقولش معلش دى خالص

انا اللى بقولك معلش
وارجوك متسبش بوست ومتعلقش عليه
التعليقات اوقات بتبقى مكلمة للتدوينة
واحيانا بتكون احسن منها

عارف حضرتك وليد كنج توت
صديقنا الغالى وصاحب مدونة
king toot
اوقات كتير ييجى يعلق على بوست كتبته
يكون عشرتلاف سطر
وييجى وليد يكتب شعر من اربع عشر سطور بس ...
بالبوست بتاعى كله
وأحسن ميت مرة ...

بحس اننا بنرد على بعض
ونكمل بعض
وحاسين ببعض
وبنفرق مع بعض


ارجوك دايما تكتب
وتنور صفحة تعليقاتى بكلماتك

كل الود ليك
:)

Mahmoud Bahgat
--------------

ازييييييك يا محمود
يا محمود
يا محموود
يا محموووود
انا شاطرة اهو
:)

ماله التفاح مش عاجبكو ؟!!!

قروا علينا بقى
وبصولنا ف البوستات خلونا نقلبها نكد
وانتوا مش قد نكد فاتيما ..
انا بقولكوا اهو
وبحذركووووووو

:)

نورت يا باشمهندس
واشوفك على الف خير ف التحرير

سلامى للمدام والأولاد

عاشقة الرومانسية
----------------

ربنا يهدى سركم
ويسعدكم يا دودو


وما دام لقيته ...
تبتى يا بت ف نصك التانى
بعزم ما فيكى


ربنا يفرحنا بيكى عن قريب
وقل اعوذ برب الفلق بقى
عشان البلوجر ساعات بيبقى فيه عنين منورة ... ومدورة

:)

انا كمان يا عروسة البحور
:-*

sony2000
--------


انتى أجمل
واحلى
و عقبال يا قمرررررر
لما تلاقى آدم بتاعك ان شاء الله

:))

Mohamed Amer
-------------

شكرا ليك
على ذوقك ورأيك
وامنيتك الطيبة

:)

نورت المطرح كله

ابراهيم رزق
----------

اولا
انتا عارفنى مبقولش الا كلام كبير قوى
اعجز احيانا انا عن فهمه
:)))

ثانيا
قول لسينازة متزعلشى
والمرة الجاية اللى هشوفها فيها
هصالحها ...


ثالثا بقى
ورق فلوسكاب وقلم وتكتب فورا كل اللى إنقال وتمضوا عليه انتا ووليد ولا مش هيحصلكم كويس ابدااااااااا

هه
:)

مصرى جدا
--------

آه منتا عارفنا يا هانى
لقد خلقنا ف هذه الدنيا
عشان نعذبكم اصلا

مش لازم تتعاقبوا ولا عادى كدا ؟!!!

يعنى ابقى انا قاعدة ف آمان الله
متكومة جوا ضلع آدم بتاعى
وفجأة أطلع م الدفا والحماية
واخرج للدنيا واقعد استنى استنى
و يا ييجى يا مييجيش انا وحظى !!!

يرضيك كدا يعنى ؟!!!

ملحوظة على ملحوظتك
هوه الجميز دا بيتاكل اصلاً ؟!!

طول عمرى اشوفه ف المنيل ايام المدرسة
وهوه مرمى ع الأرض واقع م الشجر العجوز
ومحدش بيفكر يحطه ف بوقه
لأ استنى ...
مرة واحد صاحبنا ف المدرسة ف ابتدائى
فكر ياكله
ولما حطه ف بقه لاقاه مر
وطعمه وحش قوى
وكان هيرجع ...
دا غير اننا كنا ناطين من ع السور والبواب شافنا وكنا هنتضرب ...

يااااه

رجعتنى 30 سنة لورا ...
أيااااااااام

اتمسى بالخير
بجميز ولا تفاح
وعايز أروح ....متروحشى
:)
متهيألى مر وطعمه مش حلو

إرسال تعليق