.

.

أصـــلاً يعــنـى  

Posted by: فاتيما in






لأ يعنى
معلش يعنى 
هوه حضرتك يعنى 
بعد إذنك يعنى
أنــا ... 
مخـدتوش منـك
لأن بصراحة يعنى
 هوه م الاول يعنى 
أصلاً
 أصــلاً
 أصـــــلاً
مكنش بتاعـك ... !!




This entry was posted on الاثنين, يناير 16, 2012 and is filed under . You can leave a response and follow any responses to this entry through the .

21 كــــلام بيطــبطـــب عـــلى قــــلبى و روحــــى

فاتيما
روح القلب الملائكية

بسم الله الرحمن الرحيم
عروستى

هههههههههه

سلام يا ام جو

الله


عروستى ؟؟؟


هوه رومضان جه ؟!!!

لأ يا عم دى مش فزورة
دى حاجة حصلت من زمان
ووقفت ف زورى فجأة
قولت أطلعها ...


لأ
انتوا تعملوا حسابكوا بقى
من هنا لحد 25 أن شاء الله
هبعبع بكل اللى كاتم على نفسى
اذ ربما الواحد متجيلوش الفرصة
بعد 25 ولا الروقان والمزاج
.. انه يكتبهم وكدا

فنخلص دلوقتى سريع سريع
انا مش ناوية اخلى ف نفسى حاجة

فمتركزش معايا
وتتخض
ماشى ؟

:)

مساء الورد

وانا بضم صوتى لصوت ابراهيم رزق
هههههههههه
هو ايه ده يابطه؟ اوعى تكون البطيخه :)

عاشقة الرومانسية
---------------

لأ
مش البطيخة
دى التفاحة بتاعة البوست
اللى فات

D:

للى عاوزة تعرف الإجابة
:)
------------------

لأ يا حبيبتى
الكلام دا
مش لمراته
هوه اصلا
أصــلاً
أصــــلاً
مش متجوز



ولو ناوى يتجوز
الموضوع مش هيكمل للآخر
عشان اللى ييجى عليا
مش هيكسب ...
ان شاء الله


ولو حصل النصيب خلاص
والموضوع كمل
واتجوز ....
هيرجع لوحده تانى
بعد شهر اتنين بالكتير
عشان انا هقعد
أدعي بانها تشوف الهنا كله
و ادعيلها
وأدعيلها
و ... أدعليهاااااا
لحد ما ربنا ياخدها عنده
وتشوف الجنة بحق وحقيق
هه


بس خلاص

:)

للدقة بس عشان محدش يتلخبط
ويربط التدوينة بالوقت الحالى ...

البوست دا قديم


احساس قديم
واتجدد بسبب ما ...
مش اكتر


لكن مفيش حاجة يا جماعة
ايه
عمركو ما شفتوا
اتنين وبينهم واحــد .. وبيتفاهموا؟!

بيحطوا خط وفاصل وقواعد
واحدة راحت
وواحدة جاية
و التانية بتقول للاولى
متتعاملش معاها
وكأنها " التانية " أخدته منها .. !!

لأنها فعلا ..
مكنش بتاعها
لأنه ...
لو كان حبيبها بجد
مكنتش سابته
ومشيت و بقت لغيره خلاص

هيا بتاعت واحد تانى
وبالتالى هوه مش ملكها
ومن حقها تدلو بدلوها ف اختياره
وف حبيبته ...
وف أى حاجة تخصه
او تخص التانية ...



هوه دا
اللى التانية تقصده

بس
:)

يا جميلة يلى مش عايزة تعليقك يتنشر
--------------------------------

وانتى بتكتبى تعليقك
كنت انا برد لوحدى ...
:)

و يا رب اكون
وضحت كويس قصدى

الحقيقة انا انتظرت لحد ما اعرف سر اللغز وبعدين اعلق ... بس بما انه طلع كده ... ياعني ... يبقي الناس كلها تتفتش احسن :)

عموما ياعني .... اجمل ما في الموضوع ياعني ... الخلفية الموسيقية للبوست ... خصوصا لو كان لعطر إمرأة ... ياعني برضه .

تحياتي

روح قلوبنا جميعا
لا يافاتيما والف لا
هوه بتاعى .. هوه قلبى وقلوب كل المدونين والمدونات اللى اخذتيها بخفة دمك وروحك الجذابة
مش هنقوللك هاتيهم خلليهم عندك وابقى اظبطى دقاتهم مع دقات ساعة المحبه ياروح القلوب والخصوب والعذوب والهذوب والشهوب والشبوب
مع اجمل وارق تحباتى

لا طبعا احنا عارفين من الاول انه مش فستانها وانها مآجراه
ايوة كده اديلها متسكتيش عايزك تفضحيها في جميع الاوساط ان الفستان بتاع انجلينا جولي اللي حضرت بيه حفلة الجولدن جلوب مش بتاعها اصلا :)
------------
سيبك من التهييس
انا كتبت قصة من وحي تدوينتك اللي فاتت
http://6eyr-elramad.blogspot.com/2012/01/blog-post_17.html

اتمنى انها تنال اعجابك

اصلا اصلا
بوست
ناقصله
وش واحدة مطلعة لسانها
وبتغيظ اللي بتوجهله الكلام

انا شوفت البوست كدة



http://www.canstockphoto.com/sticking-out-tongue-naughty-little-3208990.html


http://www.shutterstock.com/pic-27538792/stock-photo-teaser-girl-sticking-out-her-tongue.html


صباحك سكر

أصلا يعني ما ينفعش الكلام ده

أحنا عاوزين ماشت مصارعه حره

شد شعر بئا وبونيات وشلاليت

اه

ما فيهاش حاجه يعني أما نضفي على الموضوع شئ من الأثاره

وهنشجعك فعلى سبيل المثال هنقول

أديها القاضيه في الحته الفاضيه

اندروميدا
---------

صباح الخير يا إندرو ...

بقى يعنى
طلع اللى عجبك يعنى
من البوست يعنى
الموسيقى المصاحبة ... !!!

ماشى ماشى
موافقين يا عم

الموسيقى دى والمشهد كله اصلا اصلا يعنى
روعة وتحفة ...

نورت يا فندم
وتحياتى انا اكتر
:)

faroukfahmy58
-------------


يا غالى على قلوبنا كلنا
ربنا ما يحرمنى منك
ولا من كلامك الحلو دا


مش عارفة ارد اقول ايه
بجد
حضرتك كل مرة
بتسكتنى بكلامك الحلو
ومبلاقيش حاجة ارد بيها

ربنا يحلى ايامك كلها
ويخليك لهبة وكارولينا
ولينا كلنا

صباح الورد على حضرتك
:)

مصطفى سيف الدين
---------------

مش كدا برضو
اللى ساب حاجة ميرجعش ياخدها
وملوش دعوة بيها تانى
ولا إيه .. ؟؟!!

هروح اقرى التدوينة بتاعتك
واكيد من قبل ما اقراها
هتعجبنى
عشان انتا بتكتب بقلبك
زى ما بتقرى بقلبك

صباحك خير ورضا
ان شاء الله
:)

Baskouta
--------

بسكى يا بسكوتى يا شقاووووة

هوه انا دورت على صورة
وكنت هحكها لبنوتة
حاطة ايديها ف وسطها
ومتحفزة وكدا

بس معرفش
عجبتنى الصورة دة اكتر
حسيتها قريبة منى انا اكتر
فيها نظرة ... امتلاك
وفيها كمان محبة بكل الوان السما
فيها بهجة و غيرة
وفيها اصرار
وثقة

معرفش

حلوة الصور بتاعتك قوى
ومعبرة اكتر على فكرة


صباح البسكوت بالفروالة
والكريمة
وبيطلع لسانه ...
متخيلاها جدا دى

:)))

مصرى جدا
--------

لأ لأ لأ يا هانى
خليك محضر خييييير
انتا عاوز تعمل علينا شغل
و لا إييييه ؟!!!

مصارعة ايه يا عم
أنا آخرى العب كوتشينة
تقولى مصارعة ...
وحرة كمان !!!!


عموما
لو جد ف الامور امور
ابقى تعالى طلعنى م النويابة


لسه بالمناسبة
امبارح بس
قايلة لماما عليك كلام كتير
وقايلالها كمان ..
انك خلاص
بقيت المحامى بتاعى ...
رسمى فهمى نظمى
كدا وتدبيسة
و من غير ما أخد رأيك ولا حاجة

قولتلها هانى المحامى بتاعى
ولو مثلا
وانا بجرى مثلا
عشان القط كوبون واقع م طيارات المجلس السمكرى ...
قاموا اشتبهوا فيها
و عكشونى
و لا قبضوا عليا ...
هانى نط ف الكوز هوه
المسئول عنى قانونياً
وانسانيا برضو
اكمنه اخويا الكبير
والوتد بتاعى ...
وطمنتها انك جدع وقدها
و مش هتعمل زى طابور المحامين اللى عذبونا عشر سنين وما زالوا ...
وانها مش هتتعب
لأنك كمان جارنا ف اخر الشارع
يعنى مش هتشيل هم المشورة بقى
كل يوم و تقعد تدعى عليا و كدا ...


عشان يبقى عندك فكرة بس


صباح الخرشمة

:)

هوا كده اصلا يعني

Mohamed Amer
------------

آه
مش كــدا والنبى !!

:)
صباح الخير والهنا

بصي انا كنت هعلق ع البوست و الصورة و جمالها و الكلام ده بس قريت التعليقات ووقعت من الضحك على تعليقك اللي موجهاه لحد مش قلتي اسمها انه مش متجوز و لو ناوي يتجوز هتدعيلها و تدعيلها و تدعيلها لحد ما ربنا ياخدها عنده و تدخل الجنة ههههههههههههههههههههه
لحد هنا و مقدرتش امسك نفسي
ببساطة ده احساس واحدة بتحب و متمسكة بحبيبها و محدش ليه دعوة و كمان بتطلع لسانها ههههههههههههههههه
و الله انت سكر :)
تحياتي لقلبك الابيض و قولي كل اللي ف نفسك ميهمكيش
اصلا اصلا يعني ده البلوج بتاعك و انتي حرة فيه :)))))))))))

افكار مبعثرة
------------

ازيك يا فوكيرة

والنبى انتى اللى عسل
وقلبك ورقة زهر الياسمين
عارفة لونه وشكله ؟

أيووووون
أبيض
ورقيق
ومعطر

:)

وايون برضو
الستات مهما اختلفن
ف كل الدنيا
ف أى وقت
بأى شكل
بأى سن
بأى ظروف

بيحبوا نفس الحب
و ميقبلوش حد ييجى جنب ممتلكاتهم
او ما يظنوها ممتلكاتهم يعنى

نورتينى يا حبيبتى
ومنحرمشى من دعواتك
ولا زياراتك
ولا تعليقاتك الحلوة
المعطرة ياسمين
:)

إرسال تعليق