.

.

حــبـوب النســـيـان  

Posted by: فاتيما in

 
 
لا أريـد 
حبـوباً للنسـيان
فمـا من مـرة أبتلعتهـا 
إلا .... و عـادت
تـرفـع رايـة شــر الهزيمــة 
بعــد أن دحــر قــواهــا 
ذكـريـاتـك 
 الـواقـفــة ليــل نهــار  
بكـل أبــواب 
مجــــرى دمـى
 
   

This entry was posted on الأربعاء, يناير 18, 2012 and is filed under . You can leave a response and follow any responses to this entry through the .

13 كــــلام بيطــبطـــب عـــلى قــــلبى و روحــــى

طيب لو مش عاوزاها ممكن تديهالي انا
انا عاوزاها جدا
:(
في حاجات شريرة كتير تستحق النسيان

روح قلب ماما وبابا وكل من يعرفك ورآك رؤية العين يا فاتيما
""""فضلت اهرب من النسيان لما بقى النسيان همى """"الله يرحمها ست الكل ولكت كيف نتراحم على الذكرى التى نريد نسيانها
وهل الحبوب قادرة ان تنسينا ذكرياتنااهيهات !!!!
لاتنسى يا فاتيما ان مجرى دمك اصيلا حافظا دائما للذكريات مهما كانت اليمة وليس لديه منفذا لدخول معاول النسيان
واخيرا انا اطلب منك بشدة زيارة بوستى الاخير الذى ارى انه يتفق مع عجزك على النسيان ربما!!!!!
والدك الفاروق

خدعوك فقالوا هناك حبوب للنسيان
لا شيء يقوى على دحر الذكريات سوى الإيمان الداخلي بأن كل أحداث الحياة المرة ما هي الا خبرات تكتسبها لتتسلح بها في المستقبل
الايمان الداخلي ان هناك شيء ما سيعوضك كل هذا
الايمان الداخلي انك تستطيع المرور من كل ذلك
نعم نحزن نعم نندم نعم نغضب لكن يجب ألا ندع تلك الذكريات تأسرنا داخل سجن قاسي بطائنه نارية وظاهره صمت يرونه على محيانا فنصبح كأننا موتى أحياء
فلنهرب من ذلك السجن لنحاول اقتناص ما تبقى بداخلنا من أنفاس ولن يكون ذلك سوى بالايمان بأننا نستطيع
تحياتي لكي

فاتيما
روح القلب الملائكية

هذه فاطمة
تقتحم التاريخ من كل الجهات
انها تدخل كالابرة
فى كل تفاصيل حياتى
اه كم تعجبنى فاطمة
عندما تجلس كالقطة بين المفردات
تأكل الفتحة و الضمة فى شعرى
و تبتل بامطار ادواتى
نزار القبانى

واهم يا فاتيما من قال انه قادر على النسيان و دحص الذكريات و لكن يمكن بدوينى من التى هى الداء
احيانا ذكريات جديدة تطرد او تغطى على ذكريات قديمة

سلام يا ام جو

لا تعطنى السمكة ولكن علمنى أن اصطادها
لا تنسنى الهزيمة ولكن علمنى لأنتصر

لا أريد الحبوب
ولكن لتكن السعادة التى تعطنى أملا فى الغد يبعدنى أن اجلس وحيدا أجتر أحزان وأفراح الأمس

Baskouta
--------

لأ يا بسكى
لا هاخدها ولا انتى كمان

عارفة ان فيه سخافات كتيييير
احيانا لا تحتمل معاها الحياة

بس ربنا خلقنا
وخلقلنا الوجع على قدر ما نتحمل
متهيألى كدا يعنى

النسيان لازم ييجى طبيعى
مش بتعمد

انا شخصياً مبعرفش أتعمد
اى احساس
معرفش اقول لنفسى بطلى تحبى
او بطلى تتضايقى
او بطلى تنتظرى
او .. أو
الإحساس لما مكنش طبيعى
ييجى لوحده
يبقى خلاص
يبقى لسه الفاتورة مندفعتش بالكامل
لسه باقى كام خطوة ...

او لسه فيه امل
ومش مقسوم يحصل اصلاً
ان الواحد ينسى ..!!

صباح ومسا
خالى من العكننات
يا حبيبتى

faroukfahmy58
-------------

منا بقول لو حتى موجودة
مش عاوزاها

ذكريات الواحد جزء منه
زى ما الفرح والوجع جزء
وكل حاجة بيمر بيها
بتخلق فيه شىء
وتهدم شىء

هروح اكيد اقرى البوست
وربنا يخليك لينا
ومنحرمشى من كلماتك الحلوة دى ابدا

مصطفى سيف الدين
---------------


الأيمان الداخلى دا اللى بتحكى عنه يا مصطفى ... موفقاك عليه


بس للأسف
او لحسن الحظ معرفش

مينفعش ف حالتى

تعرف ليه ؟

عشان الواحد مينفعش يؤمن بنسيان
الأشياء الحلوة ... ابدا

ينسى الوحش
وبالعكس
المؤلم من الحوادث بيساعده ينسى
او بمعنى ادق بيديله مبرر قوى
ودافع عشان ينسى


لكن لو شىء أجمل
من انه يتنسى ...
الواحد ف هذا الموقف يعمل ايه ؟!!

يعنى من أين يأتى بإيمان جديد
ينسيه دينه الذى يؤمن به
و على خطاه بيمشى ... ؟!!

الذكريات عندى
جزء منى
حتى الوحش منها
لو عندى اوبشن احذفها خالص
من كتاب حياتى
مش هوافق
لأنها مع الحلو والعادى ...كله كله
اللى خلانى على ما أنا عليه اليوم


الواحد يستجدع
ويتحمل الالم
ويسترجل أحسن ..
:)))


تحياتى ليك اكتر

ابراهيم رزق
-----------


عينى يا عينى

بقى بيترد علينا بنزار قبانى كمان

راحت عليك يا ابو صلاح

:)

حلوة قوى يا ابراهيم

وهختلف معاك
مفيش ذكريات تاخد مكان غيرها
كله شغال وفعال و بينط ف الذهن
لما بييجى وقته ...

احنا اللى المفروض ميهمناش
تعرف ايه المرعب بجد ؟

الناس اللى بيجيلها فقدان ذاكرة
شىء مرعب لما الواحد يبقى معندوش حاجات يفتكرها خالص

او عنده حاجات قليلة قوى

الذكريات نعمة
بس رؤيتنا ليها
هيا المشكلة الحقيقة

سلامى لسالينازة حبيبتى
وكل من عندك
:)

ميرسى جدا ع الشعر
اننحرمشى

الازهرى
------

عملت ايه ف الأمتحان ياواد ؟
خير
ان شاء الله خير


الله يفتح عليك
انتا جبت الخلاصة

انا مش زعلانة م الذكريات
ولا عاوزة حبوب تنسيهالى
وتنسينى أصحابها

انا عاوزة مبقاش لوحدى
والذكريات ... وبس

مش عاوزة يفضل ذكريات
و تفضلى الحسرة على أصحابها
لأنهم مش معايا


عاوزة ابقى زى باقى الناس
عندى ذكريات حلوة
وذكريات وحشة
بس عايشة الاتنين
مش اخد حتة واحدة وبس
هوه انا مرسوم على وشى كلمة
مينفعش .. طول الوقت كدا !!!

على فكرة انتي فهمتي كلامي غلط
انا ماقلتش الايمان هينسيكي الذكريات
بس هيدحر مرارتها هيحولها لمجرد خبرة تستفيدي منها مش انك تفضلي محبوسة فيها
هيخليكي تعيشي بكرة بكرة مش تعيشي بكرة امبارح
ده اللي قصدته

مصطفى سيف الدين
---------------

لأ يا مصطفى
مفهمتش قصدك غلط ولا حاجة

انا كملت عليه بوجهة نظرى ورأيى

معلش
اختك فاتيما هكذا تكتب احيانا
بتزود حاجات ومش معناها
انى معترضة او مش فاهمة الكلام
انا بزود عليه بس ... مش اكتر
:)

الظاهر ان ماحدش بينسى

إرسال تعليق