.

.

مــن ورا المشـــربـيــة  

Posted by: فاتيما in





عذبته 
بــوصــل
  فـعـــذبـهـا 
 بـــ ... الفـــراق





This entry was posted on الأربعاء, يناير 11, 2012 and is filed under . You can leave a response and follow any responses to this entry through the .

37 كــــلام بيطــبطـــب عـــلى قــــلبى و روحــــى

جميل اوى المعنى رغم قساوته


سلمت يمينك

ممممممممممممم
شبه جملة ... يجمعنا فراق .. او يجمعهما فراق

انتى تقريبا اللى كنت كاتبة الجملة دي برضه

تقريبا كانت عنوان لبوست من بوستاتك

مش فاكرة اوى


عارفة يا طمطومة

انا شايفة قدامي مشهد
هي بتحاول وبتلح وهو مصر وبيبعد

هي بتتصل وهو بيكنسل عليها

هي بتبعت التحيات وهو مش بيردها باللي احسن منها... ولا حتى بيردها باللي زيها

هي بتروحله وهو مش بيجيلها

هي بتقدم خطوة وهو بيرجع لورا عشرة

بس عارفة انا شايفة ايه كمان فى المشهد ده


شايفة انه بيحبها اوي زي ماهي بتحبه واكتر

بس هو _بطبيعة الرجل_ عقلاني
وعارف ان مفيش فايدة
فمش عايز يخليها تفضل عايشة على امل مش هيتحقق
خصوصا ان العمر بيجري
و هما بيكبروا
وهو مش عايزها تضيع سنين عمرها ورا امل

فعلشان كدة هو مضطر انه يعذبها بالفراق
يعني بيضحي بيها علشانها


انا معرفش ايه المشهد بتاعك

لكن انا حابة ان المشهد يكون بيحبها

مش عايزة الفراق يكون بسبب انه خاين او وحش او مش فاهم او مش مقدر او او او

انا عايزاه يكون بطل المرادي
عايزاه يكون بنى ادم عنده اخلاق الفرسان ويعرف امتى ينسحب وازاي ينسحب
عايزاه يفضل مصر على موقفه من الفراق حفاظا عليها


بس خلاص

على فكرة
انا بحب البوستات الصغنونة دي
اللي هي نظام ما قل ودل



سلام

اختك خوخة

رائع
كالعادة
على فكرة
مدونتي تشتاق لتعليقاتك القيمة
تحياتي

فاتيما
الحب من طرف واحد يعود بالعذاب دوما على الطرفين
ربما هو عذاب لكنه سرعان ما ينتهي حين ينطلق كل منهما في حياته الخاصة
أما الألم فلا يبقى الا حين يرتضي طرف منهما بالأسر في العذاب
تحياتي

لالالامش حانقدر احنا على المعاني العميقة المستخبية ورا الكلمات دي داحنا يادوبك بنعرف نستقرى الكلام عايزانا نفهم كمان يابطبوطة..ده حايبقى كتير علينا قوي ..بس سيبك هي حتة حلوة بجد سلم ايديكي ..

عارفة الـ"البايتس"
بتكون صغيرة كده ومنمنمة
بس مش أي بايت طعمها حلو كده

والخلفية السودا عاجباني كمان.. والمشربية

السؤال بقى:
احنا بنعذب بعض ليه؟
أو
ليه لازم نتعذب؟

قلت قبل كده إن الميت بيخون الحي بلباقة ولطف
وقالوا إن أكبر الخيانات الهجر

ولذلك.. علشان نسامح
لازم حد مننا يعمل نفسه ميت
وحكمتي بتقول:
إكرام الآبِق، إماتته والترحم عليه

خاصة لو كان يستاهل الترحم عليه يعني

فاتيما
روح القلب الملائكية

بل عذبته وعذبت نفسها بالحب المستحيل
و لكنه الحب قدر و هل نملك للاقدار ردا

تحياتى و سلامى يا ام جو

ملحوظة ظغنونة او قد الفسوة على راى ساليناز
نرجو المزيد

قسوة

المعنى قاسي
والفعل قاسي
ورد الفعل قاسي

ممكن الوصل يبقى قاسي
لما يكون في طرف منهم مش متجاوب مع الوصل فيتحول الوصل لعبء

ورد الفعل قاسي لان الفراق طول عمره قاسي وبيوجع

بيوجع الطرفين
بيوجع اللي بيفارق لان محدش بيستمتع بوجع حد الا لو كان حد شرير بطبعه

وبيوجع اللي بيتفارق لانه بياخد معاه حته منه

وبعيدا عن القسوة
صباحك دافي

السلام عليكم
احيانا تدفعنا الحياة الى ما لا نرتضيه ولكن ما باليد حيلة
دومتى رائعة ام يوسف

الأول
----

صباح الخير والرضا وراحة البال
ع الكل ...

أمة الرحمن
---------

أهلا بيكى

شكرا على تعليقك الطيب
وتسلمى انتى كمان


:)

بت خيخة وأى كلام
---------------

1)

يجمعنا فراق
كان عنوان بوست من ورا المشربية
غريبة انك لسه فكراه ؟!!


2)

انا مكنتش هنشر التعليق دا
وكنت هأعمل زيك لما ساعات
تحتفظى بتعليقات لنفسك
بس تراجعت
عشان أشرحلك
وأقول لأى حد هيفهم غلط
او معندوش الصورة كاملة
او جايز انا معرفتش أعبر صح


3)

انا انوجعت لما قريته
قوى


4)

انتى تقريبا فصصتى
الأربع كلمات بتوعى
بالحاصل ف الواقع ...
ومش هقولك انى مزبهلة
لأنى احيان بحس
لو وقفنا قصاد بعض
هتبقى كل واحدة وكأنها قصاد مراية
:)


5)

هوه فعلا انسان عقلانى
ولدرجة مزعجة
أيوه
لأن الدنيا دى
مقاييسها بتختلف من حد لحد
ومن حالة لحالة
على رأى الجميل
أسامة أنور عكاشة
احيانا محتاجة شوية جنان
عشان تتوازن ونعرف نعيشها ....

وبزود عليها
عشان نعرف نعيشها ..
وكمان نحبها


6)
للتصحيح
هوه يا خوخة
المرة دى وكل مرة
بنى آدم قوى
و حساس قوى
و فارس قوى
ومبيطلعش كل الحاجات دى
ف الغالب
الا معايا
عشان خايف عليا
و لما كتير بيتراجع
بيبقى عشان خايف لتكسر ميت الف حتة وهوه بيبقى عارف كدا
احنا بقينا مكشوفين لبعض بدرجة مذهلة تخلينا نبقى كدا


بنعدى مواقف وحاجات
المفروض تنعمل بشكل ما
ومنعملهاش
عشان فيه الاهم والابقى من كدا

بصى يا نونو

كل حد فينا
له مقاييس
و قدرات
و عقلية
و مشاعر


لما تكتشفى
انك لقيتى هذا الشخص
اللى بيجسد كل ما كنتى منتظراه
وبعدين تلاقيه بيبعد ...

معرفش انتى
كنوران تعملى ايه ؟


بس اختك فاتيما
مش هتسلم ببساطة
او حتى بعد فراق ...


انا من أنصار بذل الجهد ف القرب
بدل ما نبذله ف البعاد

نضيع المجهود ف حاولة توفيق الوضع
بدل ما نضيعه ف المشيان

اللى شوفته
ف كل عمرى اللى فات خلانى قدرت أميز
لما قابلته ...
انه حد غير
مختلف
و مينفعش يعبر ف حياتى
وبس


مع أى حد
وأى حالة
مكنش فارقة معايا فوى
لأنى عمرى ما قابلت حد كدا

حاولت زمان على قدر الشخص
اللى كان قصادى
و قدر مكانته عندى
من باب الالتزام الانسانى
والأخلاقيات والتربية والمبدأ
اكتر من الانسان نفسه


الوضع دلوقتى بيختلف
لأن الشخص دا مبقلوش مكانة او مشاعر زيادة او وضع مختلف او لازم التزم معاه بمبدأ

دا بقى هوه المكانة
والمشاعر
والوضع الثابت
والمبدأ
وكل الاشياء بتدور حوالينه
مش العكس


وبقى المطلوب منى
أنى أشوفه
واحسه
واعمل ما ف وسعى
لإبقائه ف مكانه الصح
من وجهة نطرى
واللى هوه .. حضنى


انا عارفة ان الظروف احيانا
بتبقى اقوى
والواحد لازم يرضخ

بس مش لازم يبقى سعيد
مش لازم يبقى موافق
ومش لازم يبطل يفقد الأمل
ومش لازم يبطل يحب
و يتمنى
وطبعاااااا
مش عاجبنى انك تطلبى منه
يكون بطل ...
ويصر ع الفراق
بس انتى بتتكلمى بلسانه
وبعقله
و عشان كدا
لما قريت التعليق
..... انوجعت


ارجو تكونى فاهمنى
متهيألى هتحسى بيا
حتى لو متكلمتش

صح ؟


بوسات وحضونات ليكى
بس حضونات حزينة
خديها وانتى ساكتتتتة

:))


صباح الخير يا خوختى

AHMED SAMIR
-----------


صباح الورد با أحمد

منحرمشى منك
ولا من طلتك الحلوة عليا

انا عارفة انى مقصرة معاك قوى
معلش
حاضر من عنيا
دا الاغلبية الصامتة دى
عشرة عمر واحلى جيرة

صباحك ومساك خير و سعادة
ان شاء الله

مصطفى سيف الدين
---------------

صباح الخير يا استاذ مصطفى

طب ماذا لو كان من طرفين
بس واحد فيهم بيحب بشكل غريب ومغاير
لأنه شخص مغاير ف كل شىء ... ؟!!!


كلام حضرتك صح
فيما يتعلق بالألم
بس زمان صديقة هنا ف المدونات
مش متذكرة مين تحديدا بس كانت كاتبة بوست
عن حاجة وجعتها وتعبتها ف حياتها
وانها مش ندمانة بالمرة ...

ساعتها انا علقت عندها
بإن كل واحد بيختار وجعه
وينقى ألمه عشان يعرف يكمل بيه

يعنى الإنسان بيمر بلحظات
لازم يختار هيعمل ايه
هيعيش مع مين
هيروح فين
...
عارف حضرتك فيلم هارى بوتر
الجزء التانى
كان فيه الساحر مدير المدرسة
بيكلم هارى الساحر الصغير
وبيطمنه على نفسه
وانه اذا كان عنده قدرات سحرية منقولة من ساحر كان شرير وقاسى ...
فالمفروض ميخفش

قاله جملة عبقرية
قاله
مش قدراتنا اللى بتحدد شخصياتنا
ونما الإختيارات

وهذه حقيقة فعلا

فيه حد قدراته تخليه ممكن يأذى
بس لما يختار ميأذيش
يبقى هوه كدا عنده ارادة
وبيملك قراره

انا قررت لما أمر بأى شىء
وأعرف أى حد
اختاره
اختار سكتى معاه
مرضخش لظروف و معوقات
طالما شايفة نفسى اقدر أتجاوزها
بشوية مقاومة و ألم ...

انا عاوزة أتالم عشان انجح
مش أتألم عشان محاولتش
او معرفتش
او محاربتش كفاية


المفروض الطرف الىخر
يكون بيفكر كدا ؟!!!

يا رييييييييت

بس هوه عنده حسابات اخرى
و عقله بيتحكم فيها
ومقدرش أقول معندوش حق
ولا أفتح بوقى

اقدر بس اجى هنا
واكتب اللى ف قلبى


ينفع ؟


طيب

معلش
هعتذر عن الغطالة انا المرة دى
:))))

صباح الورد

zizi
----


طب بلاش حضرتك يا ماما
اللى تقولى الكلام دا ؟!!!

دنتى حسانى وعارفنى
وفاهمنى
و معايا ف كل حرف
وعارفة أقصد ايه
و متاكدة انك عذرانى كمان


مش عاوزة حد يفهم
ويوجع ف دماغه
كفاية يحسها
وبس
دا كفاية جدا
وكتير كمان

صباح الرضا والنور
على عيونك

لبنى أحمد نور
-----------


ازيك يا قمر ؟


سؤال ليه لازم نتعذب دا
عاوز مجلدات عشان يتجاوب عليه


السؤال اللى لازم يسبقه بقى

هوه فيه حاجة ف الدنيا
مفيهاش كــَبَـد ؟!!!

احنا مخلوقين بيه وفيه يا لبنى
واللى ماشى ف الحياة
بيتطنط وينبسط ومروق دماغه
عمال على بطال ...
يبقى يا اما نزيل ف العباسية
يا اما فيه حاجة مش طبيعية ...
وحتى دول ...
ليهم اوقات حزن


والدنيا من كتر الفرجة
علمتنى
ان مفيش حاجة حلوة بتحصل
الا بمقابل
المهم بقى
المقابل دا ندفعه بالرضا
ولا ندفعه ونقعد نتبرم ونشكى
ولاّ منقدرش ندفعه اصلا
و ننسجن بسببه ...

كدا


بخصوص اعمل نفسك ميت دى
انا موافقة عليها
بس ازاى

انا بدور على طريقة فعالة
وغالبا هتكون موضوع البوست الجاى


ما زلت مصرة
انى بتقمصك جدا الايام دى
بالغختصارات والخلفية الغامقة
والحزن العميق
بس معنديش شطارتك
ورهافة حسك ..اكيد

صباح الورد يا مفردة بين الكائنات

ابراهيم رزق
-----------

صباح الورد يا ابو العيال

اولا قبل ما انسى

نوران ردت عليك ف البوست اللى فات
...
روح استلم الرد



ثانيا
تعليقاً ع الملحوظة
المزيد ازاى ؟

البوستات ام الفين سطر دى
مزهقتوش منها ؟

ولا قصدك المزيد من النكــــد ؟!!!


ثالثاً
بخصوص الحب المستحيل
انا ميتقليش الجملة دى أبدااااااا
لأنى على رأى الست ام كلثوم
انا الشعب
أنــا الشعــب
لا أعـــرف المستحييييييلا

:)

صباح الورد

Baskouta
--------


صباح البسكوت بالفروالة يا بسكى


معلش
عارفة انه قاسى
بس اعمل ايه ؟


المفارق موجوع
والمتفارق موجوع

طب ليه الوجع
وهما بعاد ؟

ميبقوا سوا ضد الوجع
اللى هييجى من غيرهم ؟

وجع بوجع
يبقوا سوا ضده
ميبقاش من واحد فيهم
ضد التانى ... ؟!!!!


ليه نبقى كل واحد فينا
يتحول لنيران صديقة
وهوه بيحب التانى ... بجد


معرفش

انا بخطرف معاكو وخلاص
واعذرونى لو الخطرفة قاسية


صباحك بسكوتى مسكر
يحلى مرار الدنيا يا بسكى

مدونة رحلة حياة
---------------


صباح الخير عليك يا ابا معاذ

ازيك ؟

متفقة معاك فيما تدفعنا اليه الحياة
و حكاية ما باليد حيلة دى

ومنحرمشى من تعليقاتك
وسؤالك

صباح الخير عليك

بوست

بألف بوست

لكن هل الوصال عذاب

مأعتقدشى

Ramy
-----

يخليك ليا
يا ر ر

وأيوه يا صديقى الطيب
اوقات الوصال
بيكون كدا
للأسف

جمله وراها كلام كثير
وصلنى بالتاكيد ..كلمتين وبس
بس فيهم الافاده
يسلم فكرك يا قمر

عارفة كلمة عذبته نيجاتيف اووووي توحي بالخنقة.....في كلمات احلى هريته وغرقته عميته .....ممكن تكون اقوي.....ومتكونش نيجاتيف ..ومن الوصل ما خنق...اما بقى لو قاصدة فعلا العذاب بالوصل فاده شئ يكتم النفس ....وعلى رأي الست العيب فينا يا فحبايبنا اما الوصل يا روحي عليه

الوجع بجد انى ادخل مدونه فاتيما مع كل بوست بينزل اقراه وامشى وانا ساكته

بس عايزه اقولك حاجه واحده وليكى الحق تصدقيها او لأ

وجعك بيوجعنى ... قوى

ربنا يريح قلبك ياقلب البحر

هبه فاروق
---------

ميرسى يا هبة

نورتينى يا حبيبتى
:)

Tarkieb
-------

طب ينفع
أوجعته
أو ... آلمته
أو
أرهقته ...؟




تعليقك دا بطعم الإنتقاد
وعين الفنان غلبت
اللى لما يشوف حاجة ...
بيبقى عاوزاه منسقة بذوقه هوه اكتر
بس مبيخدش باله يمكن
انها لازم تكون شبه صاحبها
لأنها حتة منه
ومن روحه
ومش لازم تكون تمام قوى
او دقيقة تماماً

بس عشان ارد عليك
وبكل صراحة ...

أختك فاتيما وصالها كدا ...
وصالى أنا
م النوع اللى يخنق ويزعج ...
انا ساعات مببقاش طايقنى
:)

وتخيل بقى هذا الوصال
لما يكون مع حد
طبيعته انه
مبيحبش الخنقة أصلا
وبيهرب منها ف العادة بالمشوار ...

العادى هنا
ف هذه الحالة ايه
غيرانه تحصل قفلة ؟!!

:)

نورتنى

عاشقة الرومانسية
----------------

سلامتك م الوجع يا دودو

ومتقوليش حاجة يا عروسة بحورى

قلب البحر عارف اللى ف قلبك
ومش مستنية تصيغيها
ف كلمات وحروف

معلش
متزعليش

والمهم تكونى بخير دايما
انتى و بحارك الطيب


:)

معنى قاسي جداً ...لكنه واقعي

لولا

تعليقك أنت وخيخة ...حاجة فوق الخيال
ممكن تتخيلى انى كنت عايزة اقولك زى خيخة وانى توقعت بالظبط بالظبط تعليقك
واحشانى ياطمطم
ربنا يصلح الحال ويجمعك باللى بتحبيه وبيحبك فى الخير يارب
ولا يبقى فيه عذاب فى وصل ولا فراق
ربنا يفرح قلبك ياحبيبتى ..فرحة تستحقوها انتم الاتنين
:)
مش أول مرة اشوف البوست دلوقت وكنت هاكتب تعليق تانى عليه
وبعدين التزمت الصمت ومشيت
ومقدرتش اسكت بعد الشرح الوافى اللى عملتيه انت وخيخة
يارب
يارب ..تجربى وتتهنى بالفرحة ياطمطم

لولا وزهـــراء
-------------

ما الواقع قاسى يا لولا
للأســـف


وحشتينى
انتى وزهـــراء
ووحشتنى تعليقاتكما المنفصلة
قوى

:)

حفيدة عرابى
-----------

انتى كمان يا حبيبة قلب طمطم
وحشانى جدااااااا

وانتى عارفة
انك ف موقع متميز
وليكى نصيب ف الحكاية دى
ولو من بعـــيد

بستنى كلامك ورأيك
لما بكتب عنه وعنى .. وعننا
وبستنى اكتر طبطباتك
وبستنى اكتر وأكتر .. دعواتك

ربنا يسمع منك
و هفضل أقولك ومبطلش اطلب
انك تدعيله ...
عشان هوه يستاهل الدعوات
الطالعة من قلب صافي
بيحبه ف الله
وبيتمناله الخير ...
زى قلبك

بوسات وحضونات
يا فدافيدو
يا حبيبة قلب طمطم

مش للنشر

تويتر عندك بيكتب

دا طبيعى ولا انضرب هو كمان ؟؟؟؟؟

الأزهرى
------

مش للنشر ليه .. يا فتى
عادى



روحت شفت
ولقيت التويتر كاتبهم لوحده
مش عارفة ازاى ؟!!!


عموما كتر خيره
مهياش حاجات خارجة المرة دى
وعموما انا مسحتهم كلهم
ولو فضل كدا
همسح الحساب كله
واريخ دماغى

موشكرين يا فندم
ع التنبيه


صباح الخير عليك

كلمات قليله و معان كثير و عميقة

واذا كان ما احسست به صحيح فلا داعي لجلد الذات

الحب مقامرة ربحها و خسارتها ليس له علاقة بالمهارة او المثابرة فهو اما ربح و سعاده

او خسارة


و نحن نعيش لنحبو نقبل المقامرة

تحياتي

أحـــوال الهــوى
---------------

معاك ف كل حرف يا دكتور
هيا مغامرة
نعيشها
ونقبل بكل ما فيها
فرح
وحـــزن

منحرمشى منك
:)

ظروفه اقوى منه
لكن مش اقوى منها

وخوفه عليها بيبعده
وخوفها عليه بيقربها

عقله بيقوله حاسب عندك
وعقلها بيقولها حاسبي عليه

الفراق حتمى للاسف .. والمؤلم انه خد قراره على حساب كرامتها ..
ولكن
يبقى الفراق .. فراق ..
وتبقى طبيعته واحدة .. وهى الوجع

فاطيمتى
عذبته بوصل
فعذبها ب فراق
اى وصل واى فراق
هل قصدت بوصلها وصل عذابه
ام قصد بفراقها فراق الجامه وقد اجتمعا على ان يفترقا
وافترقا على ان يجتمعا
حتى تشابه اجتماعهما مع افتراقهما
الى لا شئ
وكم يكوت اللاشئ شيئامهم المهم ان نعيشه و تلقاه افضل من لاشئ
جرتينى يا فاتيما الى الالغاز وانت السبب والحق عليكى ههههههههههههههه

إرسال تعليق