.

.

خــــــطـــــــاريــــف ...... 17  

Posted by: فاتيما in






ف لعبــة الحيـاة
لمـا حـاجــة تزعـلك
أرجــوك ... متكــتئبش
هيــا
 اللعبـــة كــدا 
مافــيهاش حــلول وسـط
 ياتتلعـب ... يامتتلعـبش 
 خالد كساب


  بتنجااااال 
معجم المصطلحات اليوسفية

 
حــد قالك خــاف 
خــفت ليـــه ؟
حـــد قــالك تــوه تهت ليـــه ؟؟



 التمثيل و كأنه بجد 



العباسية 
و عبده باشا
 و شارع الجيش 
و العتبة
  الخط ناقص يقول
 احنا اسفين يا ريس


اللى يمــد إيــده 
على سيده
نقطــعله إيــده




الشعب
 المصـــرى 
ساكـــت ليــه ؟



يا مثبت
 العقــل و الديــن  


تصريحــات المسئولين فى مصــر 
تحــتاج إلى مواطــن
له مواصـفــات خـاصـــة
أن يكـــون 
طـويــل وأهــبل و لابــس طـرطــور
جلال عامر




إنهم يقتــلوننــا يا عـزيــزى 
بــدم بــارد 
محمد فتحى



كــانــوا مـوتــوه أرحـــم 
... هنا ...


  معـــلش 



خليـــك هـنا
 وحـاسب
 جــبال المغـمـاطيس
خليـــك شــديــد
مهما يكـــون الليـــل غطـــيس
  سيد حجاب



كــان القــناص سعـيــداً 
لأنــه لم يكـن يصـوب 
نحـــو صــدر الولـد 
بل كـان يصــوب 
نحــو حـــلم 
فـى رأس الصغــير فقــط 
علاء عبدالهادى - معجم العين 


صوت
 الحــق
 طــالع طــالع 



السمكة 
التي تأكلها اليوم
 كانت تسبح بالأمس
 غادة السمان - بيروت 75 



واللى قـعــدوا ع الكــراســى


يتهــنــوا 
بيــها 


مــؤقتــااااا


و بكــرة
 ......


وقت
 دفــع
 الفاتــورة 


و هتكون بفـوايـد 
عن كـل اللى فــات


و بدل
 ما تتهببوا 
تشحتوا علينا


هاتوا معانا حق البلد 
اللى إتنهبت و انتوا قاعدين
 
مصطفى سعيد - شهيد الألتراس 
لا تســمح 
لنفسك بفقــدان الحــريــات
التى عانــى من جــاؤوا قبـلك للفــوز بهـا
ديفيد هربرت لورانس – روائى وشاعر ومسرحى انجليزى


رب جــنازة فــى النــاس 
كــانت عــرساً عنـد المـلائكـــة 
جبران خليل جبران - مناجاة ارواح




 الحــق أقــول لكـــم
لا حــق لحــي 
 إن ضاعـــت فى الأرض 
حــقــوق الأمــوات
نجيب سرور - بروتوكلات حكماء ريش



 و لنروق 
الطاسة قليلااااا 



تفتكروا 
يا جماعة  
الرئيس الجاى



 هيكــون 
شكــله ايييييييييه ؟



هوه أخضــر 
و بأســتك من فــوق 


يا إعـــلام
 علـــى بطنـهــا تنّـــور




 و علــى
وســطها تنّـــور 





و فضــائيــات 
أفــلام 
عبد الحــميد التــرزى




كاريكاتير زماااان 



لن يذهـب
 الـرق من الوجـود 
 لكــل عصـــر رقــه و عبيــده 
  توفيق الحكيم - عصفور من الشرق




مفيش
 فــــايـــدة
سعد زغلول


زرعـــت شجـــرة
 " لو كــان"
 وسقــيتها بميـــة
 "يا ريـت"
طرحــت
 "ميجــيش منــه"
عمر طاهر 


تُجــهـل 
النعــم ما أقــامـــت
 فإذا ولَّــت عُرِفــت
الحسن بن علي بن أبي طالب



محمد نجيب على غلاف 
TIME
سبتمبر - 1952




أكـــثـر
 النـاس إيجـابيـــة
 أشـــدهــم ســذاجــة

الكسندر بوب – شاعر انجليزى




طب 
و مـالــه ؟


فلتكــن شجـــاعـا 
  و تخــاطـــر 
فلا يمكن استبـــدال الخبــرة
 بأى شــىء آخـــر
باولو كويلو – شاعر ومؤلف برازيلى 



حبيتــها 
ولاّ محــبتهــاش 
هيا الدنيــا و لازم تتعــاش 
خالد سليم 



الحــب إلتقـــاء بين روحيـــن 
 و الارواح يا ولـــدى ... لا عــمــر لــهـا  
بهاء طاهر - نقطة النور



 كنت أريد أن أعرف
 إلى متى يمكن لنفسى 
ان تتحمل مرارة الشاى .. و بجوارها السكر
وشرد بنظره 
تجاه المنضدة القريبة منه 
حيث تجلس هى مع أحد الأشخاص
مصطفى سيف الدين - شاى مر 
" من المجموعة القصصية "ضوء أسود



وأنـــدم 
لو حـــبيت و قاسـيت 
وانـــدم لو عمــرى ما حـبيـت
عبدالحليم حافظ




المجـــد للشيطـــان
 معبــود الريــاح 
 من قـــال لا في وجـــه
 من قالـــوا نعـــم 
من علّــم الإنســـان تمـزيــق العــدم 
من قـــال "لا".. فلــم يمـت
 و ظــلّ روحــا أبديّــة الألــم
 أمل دنقل



 يا تــرى
هييجى وقــت و أشوف 
و لو حلـم من احــلامى بيتحــقق ؟!!


لا ليـــل 
يكفـينا لنحــلم مــرتيــن
محمود درويش – شاعر وكاتب فلسطينى



يا ملاكــى الصـغـيــر 
هــل عــرفــت الألـــم ؟
و البكـاء المـريـر والهـوى والنـدم 
و الطـريق الأخـيـر و خـبيـث الســأم 
يا مـلاكــى الصـغيـر هــل عــرفـت الألــم ؟
عبدالوهاب البياتى  




وأقـــول
هنفــــرح ف يـــوم هنفـــرح
و يــوم مـــا نفـــرح 
عــالله 
يفضـــل ف القلــب حتــة 
على سلامة



و قـــد نهجــوا الزمــان
 بغيــر جـــرم ...
 ولو نطــق الزمــان بنــا هجــانـا
 الأمام الشافعى 




قلبـى 
يحــدثنــى
 بإنــك مُتـلفــى


 و آخــرتـهــا  


 تناســيت 
حـتى بــدا أنــي نســيـت
رضوى عاشور - الطنطورية 


هتيجــى
 إمتــى 
يا كـــوكـيـــز ؟ 


علشــانـك النهــــاردة
 الـدنيـــا 
كـــارت مــعــايـــدة
صلاح جاهين



بلغـــوهـا
إذا أتيتــم حــماهـــا
 أنني مــت
فــى الغــرام فــداهــا 
  واذكــروني لهــا بكـل جميــل 
  فـعســاها 
تبكــي علّي عساهــا
بشارة الخورى الأخطل الصغير


الألــم طـــريــق الله 
و نافــذته 
علــى رحــمتــه  
 أحمد بهجت - حوار بين طفل ساذج وقط مثقف




لو فشلت فى عمايل حاجة 
متدورش على شماعة
تعلق عليها الخيبة 
أحسنلك تقفل الدولاب خالص 
و تحاول تعملها تانى من جديد




خطــأ الــروح 
أن تصـــوب سهــما 
نحـــو ما لا تـرى و ما لا يفــيد 
كــل شىء يقــل بالعــمر
لكــن وهـــم روحى إذا يقـــل يـزيــد 
وليد منير - طعم قديم للحلم



بحــب فـــيروز
 الصـــوت .... واللـون
:)


سلمية .... سلمية 





من اِشْتَغَلَ بنفسه شُغِلَ عن الناس
ابو سليمان الدارانى – فقيه مسلم




أحــدب يجــــوز 
يمكن مشــوه ولاّ مســخ 
يمكـــن 
و يمكـــن عــايــش 
علــى ألـف ممكــن لـن يجــوز
بس الاكـــيد مـن صغــر سنه 
و فــى شبـابـه
 عــاش عــجــوز 
محمود فاوى - ذكريات فارس مهزوم


يـا أيُـهـا
 العَبــد الملــول
ربَــك طِلـــع مش زيِنـــا
و طلــع بيـرضى مِننـا
حتَّــى بأنصــاف الحِــلــول
مصطفى ابراهيم


متخــفش من امبــارح 
و لا بكـــرة  
 و لا تخـــاف .. من المـــوت 



المـــوت ملـوش وجـــود 
احــنا بنغـــير العنــوان 
 كـل اللى بيحصــل 
 إن احــنا بنغــير العنــوان
   مصطفى محمود - الإنسان والظل 




لا تقـيد علىّ لفظــى فإنـى 
مثــل غيــرى تكلـمى بالمجـــاز 
أبو العلاء المعرى 




............ طيب ...........



--------------------------
--------------------------------------
الصور من تويتر 
مواقع الجرايد الإلكترونية 
المدونات الصديقة و غير الصديقة
 .... و ربنا يخليلنا الحاج جوجل  
---------------------------------

This entry was posted on السبت, فبراير 25, 2012 and is filed under . You can leave a response and follow any responses to this entry through the .

17 كــــلام بيطــبطـــب عـــلى قــــلبى و روحــــى

ازيكم
يا عيااااااال


الخطاريف دى
رايحة لصاحبة نصيبها
لحتة الحلويات .. Candy
وحاولت أقلل فيها كم السياسة
عشان بتعمل وجع للقلب بزيادة


أسفة لأنى مروحتش بورسعيد
كنت ف مشوار عائلى ضرورى

وأسفة لأنى مبردش
ع التعليقات .. كما ينبغى
ولا بسأل.. كما ينبغى
ومقصرة ..
كما ينبغى

:)

الله يرحمك يا عم جلال عشنا زمن طويل و كنا فيه هبل و بطراطير خلاص يا عم جلال مبقيناش نضحك زي الاول على هبلنا مبقيش في حد يطلع من جوة الدمعة ابتسامة
مش عارف الصراحة اعلق على ايه و لا ايه بس عجبتني بتاعت علاء عبد الهادي فعلا القناص مش بيصوب على القلب لا بيصوب على الحلم و بيقتل احلام ورا احلام
و باولو كويلهو كالعادة جابها من الآخر و قال مفيش حاجة تعادل الخبرة بس المشكلة اننا كل شوية بنقع و نقول بناخد خبرة امتى بقى هنستفيد من خبراتنا في الوقوع
اشكرك يا فاتيما انك حطيتي اسمي وسط العمالقة اللي اقتبستي منهم و اشكرك تاني انك لقيتي حاجة في الكتاب ممكن تقتبسي منها
كالعادة لخطاريفك شذا المسك تصل للقلوب دائما قبل أن يقرئها العقل فدوما انتِ تنتقين جيدا
دمتِ متألقة رائعة
و يا ستي ميهمكيش انا برضه مقصر جدا كما ينبغي جدا

وحشانى جدا ... و اتمنى اشوفك جدا جدا

لألــم طـــريــق الله
و نافــذته
علــى رحــمتــه
أحمد بهجت - حوار بين طفل ساذج وقط مثقف

انا بقرأ القصة دى حاليا بقالى فترة بادئة فيها و مش عارفة اخلصها لظروف الشغل ... ونفس الجملة دى استوقفتنى جدا جدا لابعد ما تتصورى لما لقيتك تباها حسيت انك بتسجليلى ذكرى ... شكرا انك عملتى كدا :)

كــان القــناص سعـيــداً
لأنــه لم يكـن يصـوب
نحـــو صــدر الولـد
بل كـان يصــوب
نحــو حـــلم
فـى رأس الصغــير فقــط

إن هان الحلم يهون العمر

****************************

لا تســمح
لنفسك بفقــدان الحــريــات
التى عانــى من جــاؤوا قبـلك للفــوز بهـا

الأجدى
لا تسمح لنفسك أن تفقد حلمك
وتعلم ممن قبلك كيف عانوا من أجل أحلامهم

****************************

لن يذهـب
الـرق من الوجـود
لكــل عصـــر رقــه و عبيــده

وعبيد هذا الزمان ملوك
****************************

يا تــرى
هييجى وقــت و أشوف
و لو حلـم من احــلامى بيتحــقق ؟!!

بكره جاى

****************************

و آخــرتـهــا

كالعادة يا إما نحقق الحلم
يا إما نحلم من جديد
****************************

و فــى شبـابـه
عــاش عــجــوز

****************************

طعمها مختلف المرة دى

برغم الوجع الغالب على أغلب الخطاريف
بس كنت مفتقدة توليفة خطاريفك يا فاتيما .. فابتسمت لما لقيتها وكإنك لبيتى طلبى من غير ما أطلب :)

وأقـــول
هنفــــرح


ف يـــوم هنفـــرح
ويــوم
مـــا نفـــرح
عــالله
يفضـــل ف القلــب حتــة
...
يارب يارب

يارب تكونى بخير انتى ويوسف .. :)

أاااااااااااااااااااه

صورة البامبينونيين اللى نايمين جنب بعض و واحد واخد اخوه فى حضنه

الصورة دى حركت جوايا حاجات

انا مش بهرج والله

انا حسيت ان فيه حاجات جوة جسمى اتكركبت

حسيت ان السوائل اللى فى جسمى حصلها فوران وخلايا جسمى اتغيرت


الصورة فظيعة يا طمطومة

انا شميت ريحتهم
وحسيت بملمس جلدهم الناعم
وبوستهم كتير جدا
وخدتهم فى حضني و رضعتهم

مش معقولة الصورة دى
انا حسيت انى عايزة ابلع البامبينونيين دول علشان اخبيهم جوايا
علشان محدش يأذيهم ابدا

الصورة حلوة جدااااااا

انا قريت البوست كله
بس مفيش حاجة علقت فى دماغى غير الصورة دى

و الكوبليه اللى بتقولى فيه

قلبي يحدثنى بانك متلفي


تسلم ايدك واختياراتك يا طمطومة

سلام
اختك خيخة

انا كتير بتابعك فى صمت
بس البوست ده بالذات دايماً بيخطفنى :)

فاتيمااااااااااااااا <3 <3 <3

ميرسى ميرسى ميرسى ^_^

على فكرة أنا صيحت لنفسى على الفيس وخربت الدنيا بالاهداء دا ;p

بجد شكرا لذوقك ورقتك :)

طب يه ؟؟ ممكن اعلق عليها بقى باستفاضة وكدة ؟؟
(شوفتينى وأنا بقول استفاضه ^_^)

طبعا صورة الافتاحية لاتعليق عليها .. واعتقد الأغنية اللى معلقة مع البشر كل يوم بكليب فى خيالها جديد هى "بانو بانو بانو .. على أصلكوا بانوا"


أنا بقولها برنجاااااال ^_^
مع أنى عندى مشكلة فى حرف الــ(ر) بس هو البتاع دا شكلة كدة.


فظيعة بتاعت المترو دى :))) عملتله فلو

برضه السياسة المرة دى كمان بتوجع رغم أنها جرعة أقل .. بس مرة وسامة أكتر .. علشان هى مش بالكم :((
إذا كان الكاريكاتير اللى فكرنى بفديو الجثث اللى بيترموا فى الزبالة ، ولا الكبيرة بقى الخبر بتاع الولد دا .. دا اللى ماتوا حالهم ارحم فعلا :"""((

"وأكد والد الطالب أن نجله أحمد – 17 سنة – طالب بالثانوية العامة ومتفوق في دراسته وحصل على العديد من شهادات التقدير والمكافآت، وكان يمارس نشاطا تطوعيا للتوعية في مركز سرطان الثدي، وهو عضوا بساقية الصاوي، وحريص علي كتابة الشعر"

ليه رب اسمه الكريم

الشعر بتاع علاء عبد الهادى دا كمان خرافة .. بس تحسيه مكسور ، لأن مافيش حد من اللى بيقتل أو بيصيب عنده البعد التأملى دا !

مش عارفة مصطفى حسين بيعمل كدة ليه ؟؟

بيت القصيد بقى : أكثر الناس إيجابية أشدهم سذاجة ؟؟؟

كشرت وبعدين ضحكت :))
هو أنا علشان متفائلة على طول أبقى هبلة ؟؟؟ مافيش مشكلة موافقة ^_^
وعلى رأيك طب وماله ؟؟ خلينا نعيش أطفال (أطفال اخف من سذج) فرحانةونشيطة ونموت كدة برضه .. احسن مانعيش كهول مكتئبة.

بعشششششششششق باولو كايلو .. هو موده كله خطاريفى أصلا :))

تحياتى لأستاذ مصطفى سيف وكلماته الرائعة :)

أغنية عبد الحليم .. بحبها ، وبتفكرنى بواحدة صاحبتى دا شعارها فى الحياة وبحبها قوووووووووى :))

مش موافقة ومش بحب الجزء دا من قصيدة أمل دنقل .. لكذا سبب
أولا -اعتبرينى سلفية- لكن "المجد للشيطان" دى وحشة قوى
وبعدين هو هنا بيكرس فكرة الرفض والعند حتى فى وجه كلى الحق والخير والجمال !!!
هو إحنا لازم تقول لأ لــ"لأ" ، ولا نقول لأ وآه تبعا للقيم والمبادىء اللى بنعيش ونموت علشانها ؟؟

ربنا يحققلك كل احلامك O:)

لسة بدرى على عيد الأم ;)

الشماعة والدولاب دى تحفة برضه :))
تبعك دى بقى صح ؟؟

وأنا الكمان بحب "فيروز" حتى لو بقى كمان ريحة وطعم :))

بحب مصطفى ابراهيم جدا على طول الخط برضه. :)

___

هى المرة دى أقصر من كل مرة ولا أنا بيهأيلى ؟؟ لأ لأ أنا ماحبش يضحك على آه .. دا أحنا صعايدة وجادعين قوى :D

___

دمتى رائعة ;*

ازيك يابطتى :)
عجبتنى قوى صوره الحريه والعداله :)
وصوره البنت اللى نايمه على الارض وانتى كاتبه تحتها ماتخفش من بكره ولا امبارح ولا من الموت


ف لعبــة الحيـاةلمـا حــاجــة تزعـــلك أرجــوك ... متكــتئبش هيــااللعبـــة كــدا مافــيهاش حــلول وسـط ياتتلعـب ... يامتتلعـبش
************
أحاول :\




بتنجااااال معجم المصطلحات اليوسفية
************
باعشق مصطلحاته :)



اللى يمــد إيــده
على سيده نقطــعله إيــده
****************
قطع رقبتك يابعيد




الشعب
المصـــرى
ساكـــت ليــه ؟
***********
اذا نطق السفيه فلا تجبه
فخير من اجابته السكوت




حبيتــها
ولاّ محــبتهــاش
هيا الدنيــا و لازم تتعــاش
**************
اه غصب عن عين اللى خلفونا




وأنـــدم
لو حـــبيت و قاسـيت
وانـــدم لو عمــرى ما حـبيـت
******************
أاااااااااااااااه




حلوه الخطاريف يااحساس الشجن الصافى
كان نفسى لما ادخلها مش الاقى سياسه كتير وقد كان ولله الحمد :)

وحشتينى :)

الله يارب يرحم كل شهدائكم
ك شهداء ثوره أو ك شهداء ملاعب

بتجنن موسيقى أبو علي,, والبوست كله رايق ومتعوب عليه

يسلمو إيديكي يا بطه
صباحك خير

فاتيما... أنا يومي لونتيه بخطاريفك البديعة ...أنا بتكلم بجد ، أجد متعة في خلاصة ما يكتب السلف الصالح أو كُتابنا العظام وأكثر ما أعجبني :
" تُجهل النعم ما أقامت - فإذا ما ولت عُرفت ".
" الألم طريق الله ونافذته علي رحمته ".
" وأقول هنفرح - في يوم هنفرح ويوم ما نفرح عالله يفضل في القلب حتة" تحفة؛
وفي بقي مقولتين علي لسانك يا فاتيما عجبوني جداً:
* بحب فيروز اللون والصوت ... وأنا كمان .
* لو فشلت في عمايل حاجةمتدورش علي شماعة تعلق عليها الخيبة ، أحسنلك تقفل الولاب خالص وتحاول تعملها من جديد . فظيعة ):):
ربنا ما يحرمنا من خطاريفك المبدعة ، كل حبي وتحياتي ويسعد صباحك ومساك .

أه
عارفة فيلم النوم في العسل؟
مش ممكن نعمل واقفة مش صامتة
نقف فيها بس نقول أه أه أه
بيقولوا لك فتحوا في شرق الصين قهوة للبكاء
يدخل الشحط من دول يدفع 6 دولار في الساعة وهم يوفروا له جو يعيط فيه لحد ما يبان له صحاب:)

وحشتنيني يا طمطم
وأه بحب الفيروز لونا
وأه بخاف من الموت
وأه أه أه

البوست جميل كالعادة بس برضه كلمة المجد للشيطان ضايقتني قوي
ياريت بلاش الكلمة دي حتى لو سياقها كويس

انا بحب الخطاريف أاكتر من الشوكولا
:)

فاتيما
روح القلب الملائكية

بجد بجد انا وحش قوى
ازاى معرفش ان فى خطاريف جديدة
و زى ما قلتلك انا مش بعرف اعلق ع الخطاريف بتوه و اغرق فيها
و بحسدك عليها
بغض النظر عن النفسنة اللى منك ع الخطاريف بتاعتى عشان كده معلتقيش عليها
بجد جميلة جدا و اسعدنى استعانتك بجزء لمصطفى سيف و اهدائك لكاندى
اتمنى فى المرة القادمة استعانتك بجزء من كاندى
و اهدائها لمصطفى سيف
لا لا مصطفى سيف هينهب و لا ايه
اهدائها ليا انا
صحيح انا اصبحت لا اشعر بالسياسة فى خطاريفك
هل لاننا فقدت احساسى
ام لان السياسة اصبحت معجونة بداخل احساسى و لم يعد مفر من هذا

سلام يا ام جو
سلام كبير قوى يا ام جو

مش مصدق انى ظهرت فى مقال عندك :)

بقى وكده يعنى ^_^


غالية

إرسال تعليق