.

.

خــطــاريــف بســـكـوتـيــــة  

Posted by: فاتيما in ,







إذا كان في وسعك أن تحب 
ففي وسعك أن تفعل أي شىء
انطون تشيخوف – كاتب وأديب روسى

  
عندى صحيح حاجات كتير 

لكن ناقصنى حاجات أكتر 

ناقصنى إني أقدر أطير 

و أنا عارف أنى فى يوم هقدر


عمر طاهر




لكن كانت للأيام 
أراء أكثر حدة من إختيارها 
فقد مررت لها حزناً و وحدة و ألم 
يليقون بإنسان وحيد 
يجيد مسئولية الاحلام البعيدة 
سهى زكى - ألم الرغبة





The hole i have in my heart
is where you should be
And just to be in your orbit
is what always captivates me

..........B..........





حقيقة المحبة
 أن تهب كلك لمن أحببت 
فلا يبقى منك شئ تقيم عليه العتاب
احمد بهجت – مذكرات صائم



من يرى وهن البدايات
 لا يمكنه تصور عنف النهايات
جمال الغيطانى



I am here
I am there
I am everywhere
I am in the air
There is no place to spare
I am only here to take care
So please treat me fair

..........B..........



بتحبى بينكى ؟
وبتحبى توم .. و بتحبى بومبة 
هوه انتى ليه دايما يا ماما
 بتحبى الأبطال العُبطة ؟!!


أصلهم 
يا حبيبى
 بيفكرونى بنفسى 
:)



اكتشف «كولومبوس» أمريكا
ثم اخترعت أمريكا «المعونة»
 فإذا ذهبت إلى الحكومات كانت «مساعدة»
و إذا ذهبت إلى المنظمات كانت «تمويلاً»
جلال عامر


علمت بخبر ترحيل الامريكان
 من الصحف




ايه الهبل
 اللى إحنا عايشين فيه ده بقى ؟!





 والحقيقة أن هذا الهراء 
لو صح لكانت المصيبة أعظم 



يا أيها 
النواب المحترمون ..

إن العبد الذليل 
لا يمكنه ان يمثل أمة حرة
انطوان سعادة – سياسى قومى سورى





و بعد
ما خلصنا التشهد ...



كنا عاوزين نسأل 




س : ما مصير التبرعات 
التى يجمعها الشيخ حسان الذى يعرف 
اننا لن نلغى المعونة و مع ذلك بيلّم؟
ج : هيعمل بيها شنط رمضان 
محمد فتحى





هوه دا الضيف اللى موش ممكن
تقابليه يا أستاذة ..







يَا أَيَّتُهَا النَّفْسُ الْمُطْمَئِنَّةُ
ارْجِعِي إِلَى رَبِّكِ رَاضِيَةً مَرْضِيَّةً
فَادْخُلِي فِي عِبَادِي وَادْخُلِي جَنَّتِي

  
أنا لن أحيد 
لأني بكل إحتمال سعيد 

مماتي زفافٌ و محياي عيد 

سأرغمُ أنفكَ في كل حين 

فإما عزيزٌ و إما شهيد
احمد مطر



مبينتهيش التار 
لكن بيتأجل
 و كله متدون و كله متسجل
عبدالرحمن يوسف



العيال اللى كانت بتقعد 
ف أول ديسك
 و بيتصاحبوا ع المدرسين 
و يفتنوا على أصحابهم
 غالبا لما يكبروا بيبقوا إخوان
والعيال عديمةالموهبة 
اللى نفسهم يبقوا حاجة بالعافية
 بيكبروا و يبقوا ظباط
و العيال اللى كانت بتجيب معاها 
حلويات مستوردة و المقلمة أم دورين
 هم و أصحابهم بيبقوا فلول
والعيال اللى كانت بتقعد معاك ورا 
تقشر يوستفاندى و تقزقز لب سوبر 
وتقلب ريحة الفصل
 بيكبروا يبقوا ليبراليين 
و يطلع ميتين أبوهم علشان
علّموا على كل العيال دى 
وهما صغيرين
مصطفى إبراهيم



When you happy , when you sad 
When you cool , when you mad
When you do whatever you do
Wherever you go ill be with you

..........B..........


أكلك منين يا بطة .. ؟





لم لا نسجل الاعترافات العذبة
في إبانها
لعلها تنفعنا وقت الجفاف
نجيب محفوظ


أنا لا أخشي علي الإنسان الذى يفكّر 
وإن ضلّ .. لأنه سيعود إلي الحق 
ولكني أخشي علي الإنسان 
الذى لا يفكّر  .. و إن اهتدى 
 لأنه سيكون
كالقشة في مهب الريح
 الإمام محمد الغزالى


وما من شدة إلا سيأتي 
لها بعد شدتها رخاء
ابو تمام







أيتها الصداقة 
لولاك لكان المرء وحيدا
و بفضلك يستطيع المرء أن يضاعف نفسه
 و أن يحيا في نفوس الآخرين
فولتير


 يابنى إلبس البتاع دا 
ليجيلك برد .. !!


can you please read my heart
will you please escort my soul
can you play that part
of holding me before i fall
..........B..........




التعاسة أن تفتح عينيك في الصباح
تستيقظ من نومك
 و لا يكون هناك أمل
 ما يرتبط بميلاد اليوم الجديد
يوسف القعيد




انا هامشه 
و ... هو كل متنى


كيـف سمـحت لنفـسي
  أن أكـون سـعيدة إلى ذلك الحـد
 و أنا أدري أننـي لم أمتلك منك 
شيئاً في  النهــاية
سـوى بضـع دقـائق للفـرح المسروق
و أنَّ أمامي متسعاً من العمر ..... للعذاب ؟
احلام مستغانمى





 ايه داااا ؟!!!




برووووببببرررق







how do i know he loves me     
how do i know 
he' s mine
does he leave alittle note
 to tell you
you are in his mind  



كم تشتكي و تقول أنك معدم 
 والأرض ملكك والسما والأنجم 
ايليا ابو ماضى



Girls think Pink
in love they are sink
..........B..........


 أشكرك يا حبيبى 
عندك ألف حق 
دا الهوى والعشق 
ملناش فيه إرادة 


إبقوا فكرونى يا عيال 
 لما أفتح محل البسكوت بتاعى 
 أخلى لونه كدا


ب ح ب ك

يا أيها الغالى الذى 
أرضيت عنى الله ... إذ أحببته 
نزار قبانى 

طب 
هل تعلم سيادتك 
... أن

البسكوتة البمبى
بتاعتى 


بسكى بسكت بساكيتو 

احلى من



... الشيكولاتة



و .... الكيك




و ... الآيس كريم 


و غزل البناااات 
و الفراروررررة



 والورد البلدى


و .... القرنفل 


 و من البالونة الروز 





كل دول
كلهم كلهم 
مجتمعين سوا
هى منهم كلهم ...  أحلى


يا بسكى ى ى ى 
أناااااااا ... بحبك  


دا ...  عشانك



و دى معاه تونسه 

و دا عشان بنوتك
  ان شاء الله لما تيجى 

بس الاول
 ييجى سى كوكيز
اللى انا ف انتظاره أكتر منك
 :) 



عشان 
نلبس له الطرحة 



ودى من ...  يوسف 




وكل سنة
وانتى طيبة و أطيب



ويتحقق لك 
كل ما تتمنى و أحسن


 يلا إتمنى الامنية
 بتاعت 
 السنة دى 
وع العيد الجاى تتحقق 



يا أرق البنات 


يا من جوا زى برا
قلباً و قالباً .... 


بسكوتة بجد


كل سنة 
و انتى طيبة يا حبيبتى


كل سنة 
و انتى ملاكى الحارس



و بنوتى الحلوة 




وتميمة حظى 


و ... بسكوتة قلبى


   
-----------------------------------------
-----------------------------------------------
الحاجات اللى قصادها 
..........B..........
من مدونة بسكوتة 
الصور من النت وموقع Weheartit
ومن الجرايد الإلكترونية و النت عموما 

----------------------------------------------



أيها
 المدونون الكرام
بهذا اليوم العظيمى 
فى تاريخ الامة 
نعلن عليكم النبأ التالى 



ابراهيم رزق الغاااالى 
رزق اليوم والحمدلله والشكر
 ببنوتة
و سماها سولينا 
.........؟!!!!؟؟؟! .....
حد يسألنى يعنى إيه سولينا 
أقوله يعنى
المناضلة الثائرة حسبما 
أفاد المصدر اللى هيوه باباها 

ويحضرنى بهذه الموناسبة أقوله 
بعد ألف مبرووووك طبعشن
............
حراااااااااام عليك يا ابو سالى 
دحنا ما صدقنا حفظنا إسم ساليناز  
تقوم تقولنا سولينا برضك 
وانتا عارف
 ان نصنا مخدش الإعدادية ؟!!!




عمومااااااااااااا
شرفتى الدنيا يا ست سولينا 
و هتدلعى من دلوقتى ويتقالك سولى ...
و انشالله وشك يا سولى يا حبيبتى
يبقى حلو ع الثورة 
زى ما هوه حلو من غير حاجة ..
وزى ما خلى يومنا احلى و أحلى 
وخلاص كدا يا ابو سالى 
فاضلك بنوتة كمان 
وتبقى أبو البنات رسمى 
والواد زياد يبقى أقلية منضطهدة 
:)


حمدلله على سلامة المدام 
والف مبرووووووووووك يا غالى 
انا فرحانة النهاردة ... بالضعف
عشان عيد ميلاد بسكى حبيبتى 
وعشان بقى عيد ميلاد سولينا كماااان 
ف نفس واحـــــد
ألف مبروك يا فندم 
والبنات البنات ..ألطف الكائنات 
هيييييييييييييه

------------------------
-------------------------------






مش قولت أنا ...
أن البوست دا قرفته حلوة ؟ 
مش على حس البسكوت البمبى 
لازم يكون كدا 


طب 
عاااااااااااااااااجل 
و يا شعب البلوجر العظيم 
 و على حد وصف المجنى عليها 
و على رأى عمرو مصطفى .. بإعترافتهم 




كيارا 
البنوتات العسولات 
تبلغكم و بنفسها 
إنها 
إتخطفتتتتتتتت
هنـــا 
وبدورى لازم بقى أقولها 
خطوفة سعيدة 
وألف مبروووووووووووك يا كوكى 
وعقبال الخطوفة الكبيرة 
إم طرحة بيضا دى 



مفيش تفاصيل  
بس مسموحلى أقول 
ان كيارا كانت زى القمرررررررر
فستانها لونه المفضل عندى 
ضحكتها كانت أحلى من كل مرة 
و انا فخورة أنى كنت جزء
من الليلة الحلوة دى 




ربنا يسعد ايامك كلها يا كيارا
و يفرح قلبك بعريسك إيهاب 
وتجيبلنا بنوتات عسولات صغننات 
وأيوه بنات ... أنا عاوزة بنات 
كل حاجة تخصهم بتبقى حلوة 
الفساتين  و الفيونكات 
و الدلع و الطعامات
الحاجات الحلوة و المثاثات 
و حتى كمان الأغانى و التدوينات




و عقبال عندكم
و عقبال كل اللى بحبهم 
و عقبال كل البنااااااااااااااااااااااااااااااااات 

----------------------------------
----------------------------------------

This entry was posted on الاثنين, مارس 05, 2012 and is filed under , . You can leave a response and follow any responses to this entry through the .

47 كــــلام بيطــبطـــب عـــلى قــــلبى و روحــــى

هييييه

أنا أول واحدة

:)


طيب
ألحق بقى أقول

كل سنة وانتى طيبة يا بسكى ى ى ى
وعقبال كل سنة يا حبيبتى


و بيان فاتيمى رقم (1)

كل نفر هيدخل
يسيب تعليق أحسنله
.... ليتحدف بقنابل غاز م النوع الجديد مش القديم
دا غير انى .. هزعل منه
وانا زعلى ويحشش
وانتوا عارفيييين
هه


غنوة منير بتفكرنى ببسكى
وبكل البناتيت الحلوة
اللى عرفتهم هنا ف التدوين
الغهداء ليها اول واحدة
ولباقى البنات ...
والحريمات كمان ولا احنا ملناش نيفس
زعلتونى وانا زعلى ويحششش
:(


أجمل حاجة بقى
انى مش هعتذر المرة دى
عشان مبردش ع التعليقات


عشان بسكوتة هانم
ملزمة بهذاااااا
تدبيسة بقى و اياك متردش
زعلونى بقى
وانا زعلى ويحشششش

سلااااام

كــل سنـة وبسكوتة طيبــة وبألف خيــر وصحة وسعادة وفرحة إن شــاء الله
وبإذن الله السنة تكون سنة خير عليها تحقق فيها أحلامها كلها
:)

اول عيد ميلاد بينكي في حياتي
بجد بجد مش عارفة اقول ايه
خطاريفك اصلا حلوة وبتجنني
مابالك بقى لما تبقى بينكي وليا وفي عيد ميلادي
مش عارفة اقول حاجة غير شكرا كبيرة جدا بحجم الكرة الارضية
شكرا لونها بينك ومتعلق فيها بالونات بينك علشان تطير في كل حتى في المدونة وتقولك شكرا شكرا

عجبني جدا
ربنا مايحرمنيش من القلب الحلو ده
ولا من اهتمامك ده

انتي حبيبتي

صحيح حاجات كتير اتغيرت
ومابقيناش نتقابل
صحيح العيد ميلاد ده غير كل اللي قبله
وصحيج كتير في حياتي اختلف عن قبل كدة
بس صحيح كمان
ان انتي قلبك زي ماهو حلو
ان انتي حبك زي ما هو واجمل
ان انتي حلوة وبتعرفي تبقي احلى واحلى
وان انتي بتعرفي تزرعي الفرحة في عيون وقلوب كل اللي يعرفوكي
وانت رغم حاجات كتير الفرحة من بين ايديكي بتطلع احلى من احلى بسكوت فرحة ريحتها حب ولونها حنية

شكرا على ايه بقى ولا ايه

انا هقول لربنا شكرا
ان الدنيا فيها قلب حلو كدة

البوست أكتر من تحفة .. حقيقى

يعنى منير وعيد ميلاد بسكوتة والبوست الرقيق دا بألوانه بصوره بكاريكاتيراته بلمسة فاتيما المميزة

كفاية أوى يخلونى أقوم أنام وأنا مبتسمة :)

بسكوتة .. كل سنة وانتى زى ما إنتى وأحلى ;) :)

فاتيما
روح القلب الملائكية

على راى عمنا جاهين

الحياة بقى لونها بمبى
بمبى بمبى بمبى

ليه بقى تعملى بروازاسود
مالنا احنا بالمعونة و محمد حسان و فايزة ابو النجا

تقريبا البوست ده جىء فى وقته بالنسبة لى
و تقريبا بكرة هتعرفى
الحقى اسامة بيفكر يعمل خطاريف
الحقى سجلى الفكرة فى الشهر العقارى
رامى و انا و ازهرى و هلم جرا

سلام يا ام يوسف

كل سنه وبسكوتك فى قلبك
كل سنه وهى اكت رقه وحنان
كل سنه وهى وانتى طيبين

كل سنة و بسكوتة طيبة و بخير و عقبال 100 سنة تحقق فيها امنياتها و طموحاتها ان شاء الله و ربنا يحفظهاله اسرتها و يباركلها فيهم و يرزقها السعادة و الرضا
اما عن البوست فالنهاردة يغلب عليه اللون البينك بوست كله تفاؤل و أمل و حياة حتى السياسة اللي فيه بتلمسنا من جوة برضه فيها امل ان الواحد يطير فيها امل ان التار بيتأجل بس بيخلص و صورة الشيخ عفت بتنور قلوبنا
حتى كلمة يوسف القعيد عن التعاسة كان فيها امل
دمتِ حالمة آملة متفائلة يا فاتيما
تحياتي

<3 <3 <3

مساء الرقة والجمال والبينك البناتى خالص خالص :))

كل سنة وبسكوتة حلوة ولذيذة ويخليكم لبعض :)

سنة حلوة يا بسكوت سنة بمبي يا كتكوت

التعليق ده لبسكوتة

لم يسبق لى التعرف عليكى

لكنك مثل الزهور
تسبقه رائحته و يمتعنا بجماله
بالاضافة انك بسكوتة
تمتاز بالطعامة و الرقة و تسبقه رائحته الجميلة

كل سنة و انتى طيبة

كنت ها اروح لمدونة البسكوتة البمبي اعيد عليها هناك
لكن عند ماما التهنئة احلى وكمان نسلم على فافي واحلى عيد ميلاد
فيه تلات بنات انا عرفتهم في المدونات ولم اجد لهم شبيه
متفردات في الحسن والعقل ويثيروا غيرتي
فأنا لم اكن يوما بكم مشاعرهم ورقتهم وعقلهم وقلبهم ومعرفتهم
بسكوتة
مروة
دودو

وعلشان ده عيد ميلاد احلى البنات
استمتعت بالبوست فوق العادة
ويارب يا بسكي حياتك تبقى بمبي بمبي بمبي والعريس لابس بدلة بمبي
إحم
مش للدرجة دي
لأ كفاية يكون قلبه بمبي ومقدر القلب اللي ها ياخده
يارب يا بسكوتة ربنا يكتب لك في السنة الجديدة فرحة بكل اسم الله الكريم
ويارب يجعلك من سعداء الدارين

بحبك وبحب فاتيما وبحب اللي يحبك
وماتخيلش ان فيه حد ميحبكيش

Pasha
وانت طيب وبخير وفي أحسن حال
ميرسي كتير على الامنيات الحلوة
ربنا يكتبلك الخير والفرحة دايما

Sarah
اه يا سارة البوست رقيق اوي وجنني بجد
وهو لازم يكون كدة لانه طالع من ارق قلب
قلب فاتيما

وميرسي يا سارة على التهنئة
وانتي بخير واحلى دايما

عاشقة الرومانسية

دودو الجميلة
ميرسي ليكي كتير يا جميلة
وانتي طيبة واجمل وارق
وفي احسن حال
:)

مصطفى سيف الدين

وحضرتك طيب وبخير وفي احسن حال ... ميرسي جدا على التهنئة
وعلى الامنيات الحلوة والدعوات الطيبة :)

Candy
صباحك ومساكي احلى يا كاندي
ميرسي ليكي كتير
وانتي طيبة وبخير وفي احسن حال

Tarkieb

My dearest dearest friend.
وانت طيب وبخير وفي احسن حال
واطيب صديق
ويارب دايما صديق البسكوت

ابراهيم رزق

انا اتشرفت جدا بتهنئة حضرتك
وبالكلام الطيب ده
حقيقي مش عارفة اقول ايه
ميرسي كتير

وكل وقت وحضرتك بخير وفي احسن حال.

دكتورتي حبيبتي
د\ستيتة
حبيبتي اوي
القلب اللي حاضني دايما بحبه ليا
وكلامها الجميل اللي دايما بفتكره
وبيديني ثقة في حاجات كتير حلوة جاية

وبجد حقيقي انا اللي ماشوفتش في رقة حضرتك
رقة الكلام والمشاعر والقلب

ميرسي لحضرتك على الامنيات البمبي
والدعوات الحنينة الطيبة
ربنا يسعد ايام حضرتك
ويراضي قلبك بحاجات حلوة ومفرحة وحنينة كتييييييير

انا كمان بحب حضرتك اوي اوي

ايه البسكوت ده كله؟

طب سطل شاي بئا علشان نبلع ولامؤاخذه


كل سنه وانتي طيبه يا بسكوته

والسنه الجايه يكون معاكي الشاي تبعك

مصري جدا
وحضرتك طيب وبخير

ومش شاي بس لا شاي وجاتو وكل حاجة حلوة لحضرتك

ميرسي جدا على التهنئة والامنية الحلوة
:)

اول حاجة كل سنة و بسكوتة طيبة و بلاف خير و سعادة يا رب
تاني حاجة انا مكنتش هعلق بس علقت علشان ياختي متزعليش مني و انتي زعلك ويحييييييش :)
تالت حاجة ايه الجمال اللي انتي كاتباه ده بجد تحفة كا حرف و كل صورة و كل كلمة رسمت ابتسامه على وشي ااااااااااااد كدهوووووووووووو :))))))
و خليتي الحياة في عنيا بمبي بمبي بمبيييييييييييييي :)
ربنا يسعدك و يملا قلبك طيبة و بياض اكتر ما هو ابيض :)))
تحياتي ليكي يا ام قلب ابيض :)

البوست جميييييييييل كلامه تحفه بجد زى لونه
وطبعا نحن البنوتات نشترك فى حب هذا اللون

كل سنة وبسكوته بألف خير
متعرفناش لكن دى البداية اكيد

شكرا فاتيما

طيب

أحب الأول أتشكر لكل اللى علقوا
ولو ان المحبة معليهاش شكر..
بس انا ذووووق برضك
:)


ثانيا بقى
بموناسبة هذه الموناسبة العظيمة
وعيد ميلاد بسكى حبيبتى
عاوزة أبعبع شوية
وأعترف بإعتراف قصادكو ...
هى تستحقه وانا مدينة ليها بيه
زى الخطاريف البسكوتى ما بتقول

------------------

لم لا نسجل الاعترافات العذبة
في إبانهالعلها تنفعنا وقت الجفاف
نجيب محفوظ

-----------------
البت الرقيقة حتة البسكوتاية دى
شافت معايا ايام صعبة كتير قوى
اتحملتنى فيها
وتقريباً محدش شاف دموعى غيرها
و سمع العجب العجاب


استحملتنى كتير
وانا بمرجحها باحوالى واخبارى
من فوق لتحت للشمال لليمين ...

---------------------

إذا كان في وسعك أن تحب
ففي وسعك أن تفعل أي شىء
انطون تشيخوف – كاتب وأديب روسى
--------------

كانت بتحس بيا ع البعد
وتبعتلى بدون سابق مناسبة
تقولى ... مالك انتى كويسة ؟!!
وابقى نيلة ومزاجى أنيل
ومعرفش بتعرف ازاى ...
بس ممكن اخمن
ان الارواح جند مجندة
وربنا حاطط فيها سره ...

-------------------
حقيقة المحبة
أن تهب كلك لمن أحببت
فلا يبقى منك شئ تقيم عليه العتاب
احمد بهجت – مذكرات صائم
-------------------

عاوزة أعترف كمان انى ف توقيت مرة
كنت قاسية عليها جداااا
وزعلتها منى
وهيا اتحملتنى كعادتها
بشياكة وصمت المحبين
اللى لما بيزعلوا ...
بيقيسوا المحبة بالغضب
فيلاقوا المحبة اكتر ... فيسكتوا
ويروح العتاب وأسبابه
وتفضل المحبة الخالصة


---------------------------
I am here
I am there
I am everywhere
I am in the air
There is no place to spare
I am only here to take care
So please treat me fair
--------------------------

لما حصل النصيب
و عمو نصر باباها
ربنا اصطفاه عنده
وانا ف طريقى للعزا بينى وبين نفسى وعدته ...
وعدته انى هخلى بالى منها
ومش هسيبها لوحدها
ولما زعلنا شوية ..
زعلت من نفسى بدرجة مضاعفة
لأنى قسيت عليها زعلتها
وهى أرق بنوتة قابلتها ف حياتى
وقررت معملش كدا تانى
ان شاء الله


----------------

أيتها الصداقة لولاك لكان المرء وحيداو بفضلك يستطيع المرء أن يضاعف نفسه و أن يحيا في نفوس الآخرين
فولتير

----------------

هى وكل الناس الحلوة
بيخلونى احس بكدا فعلا
انى اكتر واسعد وعايشة بجد
مش صفر ع الشمال


--------------------

برووووبببببرق

-----------------

هيا البربق البمبى
واللون دا ف كل حاجة بشوفها



كل سنة
وانتى طيبة يا حبيبتى


و الـ :-* دى على جبينك

مش عارفة اقول حاجة انا
الاعترافات عيطتني اوي
وبجد انا مش لاقية الكلام
بس اكيد هلاقيه
هيروح فين يعني

بس مؤقتا

انتي حبيبتي
ودي بوسة مبلولة بقى معلش علشان الدموع وكدة

ربنا يديم بينا كل حاجة حلوة

كل سنة وبسكوتة طيبة

كل سنة وإنت طيبة يا فاتيما

كل سنة وانتى طيوبة خالص مالص يا بسكوتة يا قلب الرقة

ربنا يديم عليكى السعادة والهنا و يرزقك الزوج الصالح يارب

يا خبر يا فاتيما
ازاى قدرت تعملى البوست دا
اخد منك كام ساعه
من كل لون يا بتستى
كل المواضيع فى البوست
سياسى ومدرسى وطبيخ وفواكه وحلويات
وكمان مولود جديد .. الف مبروك
تحياتى

الله يا طمطومة على بوستاتك الحلوة اللي على الصبح

كل سنة وبسكوتة دايما طيبة

وكل سنة وانتى دايما واخدة بالك منها

والف مبروك لابراهيم
وربنا يباركله فى ولاده ويجعلهم ذرية صالحة


سلام
اختك خيخة

كل سنة و انتي طيبة يا بسكوتة
و ربنا يديم الحب و المودة بين كل الناس
خصوصاً الناس الحلوة اللي زيكم

اليوم عيد بحق
عيد ميلاد بسكوته
اول يوم فى ميلاد بنت الحبيب الغالى
وبالنسبه لروح قلب ماما انا عاوز حد معايا يقلب الصفحات حقا لانها ثمينه وسمينه

ابو حميد

وحضرتك طيب وبخير
ميرسي جدا على التهنئة

جارة القمر
وانتي طيبة وبخير يا جميلة
ربنا يسعد اوقاتك
وميرسي على الدعوات الطيبة

فشكوول
ميرسي على كومنت حضرتك

وكل وقت وحضرتك بخير

خوخة
ماتتصوريش فرحت بكومنتك اد ايه
ميرسي يا جميلة
وانتي طيبة وبخير
ربنا يسعد اوقاتك

مهندس مصري :
ميرسي لحضرتك
وكل وقت وحضرتك بخير
ربنا يتقبل الدعوة الحلوة

فاروق فهمي
ميرسي لكومنت حضرتك
وكل وقت وحضرتك طيب وبخير

لكل الناس الجميلة

انا مكنتش متخيلة عيد ميلاد بالجمال ده
ولا كان في توقعاتي
لكن كل كلمة طيبة منكم فرحتني
وفرحة غالية جدا على قلبي
وعلشان كدة انا مش هقول شكرا
لكن هدعي ربنا يسعد اوقاتكم ويبعتلكم حاجات مفرحة كتير تخللي دنيتكم مليانة اوقات حلوة
آآآآآآآآآمين

الف مبرووووووووووك لاستاذ ابراهيم

حلو المعنى بس الاسم على رأيك يا فتيما فضلت كتير علاما فهمت ساليناز ( على اساس ان رؤى سهل ههههههههه )

حمدالله على سلامتها وسلامة مامتها

امة الرحمن
و
افكار مبعثرة

انا لسة واخدة بالي اني ماردتش تعليقاتكم
بعتذر
بس مش مقصودة والله
انا بس ماركزتش

ميرسي ليكم على التهنئة
وكل وقت وانتوا بخير وفي احسن حال
:)

كل سنه وانت طيبه يا بسكوته وعقبال مية سنه في صحه وسعاده
والف مبروك للاستاذ ابراهيم على بنوته الجميله وتتربى في عزك وتكبر وتشوفها احلى عروسه
تحياتي

الف مليون مبروك كيارا
خطوبة سعيدة
وربنا يتمم بخير
شكرا يا فاتيما للخبر السعيد

الف الف مبروك لكيارا
ربنا يسعد اوقاتها
واوقاتك
:)

الف مبوك لكيارا الاول
ثايا وحشاني

ثالثا ودا الاهم

نفسي اشوفك واكلمك بجد بقا

يعني اعرف ارغي معاكي انا ازاي

http://www.youtube.com/watch?v=pFt3-KEC9Gk&feature=youtu.be
المتألقه كعادتها تشدو :)

عيطوتنى انتوا الاتنين :((

كالعادة انا جاية متأخرةوشكلى طول عمرىهافضل متأخرة كده :(

المهم بقه كل سنة وبسكوتى الحلوةالطيبةالجميلة قلبا وقالبا زى ماهى حلوة كده :)
♥♥

انا كمان عايزة اعترف لو ينفع ؟؟؟

اه هينفع البيت بيتى :)

ان فاتيما دى ايون الست دى هى اللىليها الفضل فى انى عرفت
البسكوتة البينكى اللذيذة الطعمةدى

وليهاالفضلفى اننا نكون اصحاب


بينى وبينكم كده كنت بغييرمنها وكان نفسى اعرف مين دى اللى استحقت تكون بنوتة الست الحلوة دى

وعرفتها واكتشفت ان اللى قال اكفى القدرة على فمها تطلع البسكوتة لمامتها راجل بيفهم وابن حلال

:)

كمان اعتراف معلش معلش

انا بحب البنوتة ومامتها جدااااااااااا فوق ما ممكن خيال اى حد يصورله

وبدعى ربنا طول الوقت مايحرمنيش منهم ابدااا ابدااااا


♥♥♥


فاتيما ياروح قلب منونةهنبطل نتكلم زى بعض امتى

دخلت عندك لقيت نص كلامك زى كلامى مع انى والله مش بدخل بلوجر ولا متابعة اى حاجة لانى مش عارفة اتابع
بستسهل الفيس لضيق الوقت

لقيتك بتقولى حاجات زى وبتعجبكحاجات زى كتير

وبتحبينى زى هه بقه وبعدين ؟؟؟


♥♥♥♥♥

فاتيما صحيح انا بعشق خطاريفك وبشوفها بس مش بعمل كومينت للاسف
لانى ماببقاش عارفة اقول ايه :(

من غييييييييير ضرررررب انا مروحة اهو وان شاء الله هاعلق :)


♥♥♥♥♥

بحبك

إرسال تعليق