.

.

حــبـة دفـــا ....  

Posted by: فاتيما in







الحــمـد لله
إنــك مــوجــود
ف حــياتـى

-----------------
------------------------------

This entry was posted on الاثنين, مارس 26, 2012 and is filed under . You can leave a response and follow any responses to this entry through the .

16 كــــلام بيطــبطـــب عـــلى قــــلبى و روحــــى

الحمدلله
لازم أقولها
كل وقت


الحمدلله
إنى عرفتك
وقابلتك
و قلبى حبك
ومتهش كتير ف السكة
على ما وصلك



الحمدلله
انك ف دنيتى
مخليلها طعم و روح
والوجع فيها لما اوقات
بيهاجمنى عشان يقتلنى ..
بيرجع تانى بلمستك ...
بيحيينى
وبيخلينى احس بصخب الحياة
وطعمها




الحمدلله
إنك معايا
مفارقتنيش مهما حصل
بينى وبينك

الحمدلله
انك ف حضنى
وشمسى اللى بتدفينى
حتى وانتا بعيد ومش بشوفك
غير كل فين وفين
بس كفاية أنطق حروف اسمك
فقلبى يرفرف وعنيا تبتسم



الحمدلله
عليك ...
و على وجودك ف حياتى
وعلى وجودك ف الدنيا


الحمدلله
على قلبك الطيب
و على شوية الدفا
اللى بيجولى منك
فيروح البرد ف ثوانى ...



الحمدلله
إنك إنتـا
والحمدلله
إنك .... حبيبى

بحبك

http://www.youtube.com/watch?v=P8c05QVflGQ

محمد فوزي دة انا باعتبره مظلوم الفن المصري
موسيقار و مطرب بدرجة عبقري
و مع ذلك لم يحصل على حقه
بس هي كدة الحياة
ارزاااااق

ربنا يسعدك ويريح بالك فاتيما
ويجمعك دايما باللى بتحبيهم

جميل اوى الكلام

لو تعرفى اد ايه محتاجة حد يطبطب بس المشكلة انى مش عارفه احكى ويمكن رافضه انى اتكلم مع حد اى حد :(
ادعيلى

ومعرفش ليه بطلب منك بس كده جت فى بالى ادعيلى


دمت بخير

الله يديم هالنعمة عليكي
ويضل بالك هادي ومرتاحه يارب

:)

I love you when you are in Love

فاتيما
روح القلب الملائكية

تصدقى التعليق بتاعك حيرنا جدا
اجيبه يمين مع اليبرالين يجى معايا
اجيبه شمال مع اليساريين و الاشتراكين يجى معايا
اجيبه فى الوسط يجى معايا
فبعد حيرتى و بخلاف محمد فوزى وجدت الحل السهل
هو كلام حب طالع من القلب
يبقى ينطبق على الجميع
و لذا من تعليقى هذا
اقولك
كل سنة يا فاتيما و انتى بتحبى و بتتحبى
و ربنا يحبب فيكى خلقه اكثر من كده

سلامى يا ام جو

الله يسهلك ياعم....ربنا يهني سعيد بفاطيما....بس هو شكل محمد فوزي ولا مرح زيه؟؟؟....قول يا سيدي وسرك في بير(يل)

الكومنت بتاع تركيب
ضحكني جدا
بجد مبدع حتى في تعليقاته
:)
ربنا يهني فاتيما بمحمد فوزي

الله عليكي و على تعليقك بجد تصدقي كنت محتاجة حبة الدفا دوول اويييييي
ربنا يريح قلبك و يهنيكي و يسعدك يا رب
انا بموت في محمد فوزي جددددددددددااا تحسيه كده جنتل :))))))
تحياتي لقلبك الابيض :)

محمد فوزى فنان جميل رحل ولم يرحل فنة الجميل

مع خالص تحياتى

ما تتخيليش قد ايه بفرح انا لما

بلاقيكى

فرحانة ♥

بموت فيكى بجد بجد

بخاف احسدك

وبقعد ادعيلك ان ربنا يفرحك كمان

وكمان

وكمان

كلمتين لمحمد فوزى ... لو سمحت وحياة

الحب والدفا اللى حسيتهم

من الكومينت والبوست

خلى بالك من القلب الجميل اللى معاك

خلى بالك من اجمل وارق واحن مخلوق فى

الارض

خلى بالك من روح قلب الملايكة فاتيما ♥

والله العظيم وغلاوة حبك فى قلبها عمرك

ماهتلاقى زيها

انا صحيح معرفش انت مين ولا اعرف

بتزعلها ولا تؤ

ولا انت حتى تعرفنى اعتبره ده رجاء

خاص على الهوا من معجبة بتموت فى وطن

القلوب الخضراء

♥ فاتيما ♥


( نقلب على الوش التانى )

وخلى بالك انك لو زعلتها وانا عرفت

صدقنى هانقحك دعوة مش فى صالحك خالص :)


( نرجع بقه للوش الحليوة )

شكرا لانك فى قلبها ومدفيه

لان دفاك ده بيخليها مبسوطة

وانا بحب اشوفها مبسوطة

بس خلاص مشكرين يا عم :)

فاتيما ♥ بحبك ♥

ربنا يخليكوا ليا
:)

http://www.youtube.com/watch?v=FuBbZVA-UJE&feature=share

استمتعى بكلام حبيبك ومن غير موسيقى :)

إرسال تعليق