.

.

يـا قـلــبـى  

Posted by: فاتيما in






   

و لـو يعمــلوك من خشب
 أو فضـة 
أو حتى م الدهب 
  ولـو يفرشـوك بـورق الـورد
 و يـزينـوك بحـريـر و تـْـل 
و لـو يخـلـوا مكــانك قـرب شـباك
 تدخـلّك منه الشمس كــل صبحية
و لـو تتحـاوط بقصارى ريحان و ياسمين و فل 
و هتتمـِلى بالحـَبْ و الميـة 
و لـو ساكـنك بيتحضــن بدفـا و حـنية
و لـو ينِفـتح بــابـك ليــل نهـــار
ف الآخـــر هيّا .. هيّا
هتفضـل قفــص
يا قلبـى 
 ف الآخــر
مجــرد قفـص 
 و يـتـِهــِرب منـك
 ف النهـــاية ... عشان الحـــريـة 


------------------------------------
-----------------------------------------

أخـبرُكَ عنّي
أنا من لا تعـلَقُ بها الأشــياء
مهما بلغَــتْ منها اللزوجـة
أنا من تلتصِـقُ بِـك
بروحِـك
مهما بلغَـتْ منكَ الجـفْوة
لأنـي ... أحِبُّــك
لبنى أحمد نور - مفـــردة 




آه


الأرواح جــند مجــندة 
فما تعــارف منها إئتــلف 
و ما تنــاكـر منها إختــلف 
حديث  شريف 


أنــا راح منى كـمان حـاجة كـبيرة 
أكــبر من إنى اجيبـلها سـيرة




ليس هناك حرية مطلقة 
فأكثرنا طلباً للحرية هو عبد لمبادئه
احسان عبد القدوس



اللـى 
يتعــلم الصـبر
 يتعــود ع الوجـع 


عمرى ما إنشغلت عنك 
حتى لما زعلت منك



بنـزين عربية الامل  ...  خلص 




الدنيــا سجـن و الكــل سجــين
 و لكل منا فقط إرادته فى أن يختار سجانه



تَـعَـبكْ راحـــة 

تعبير مصرى صميم 



اللهـم انى أشـهدك 
بأن هذى الروح
 التـى أحـببتها 
و ... ذوبتنى
لمّا فــارقتنى
 فـارقت الـروح روحـها 

-----------------------------------------
-----------------------------------------------


This entry was posted on السبت, أبريل 07, 2012 and is filed under . You can leave a response and follow any responses to this entry through the .

13 كــــلام بيطــبطـــب عـــلى قــــلبى و روحــــى

إزاااك يا بطة :)

الارواح جــند مجــندة
فما تعــارف منها إئتــلف
و ما تنــاكـر منها إختــلف

أكتر مقوله برددها بحياتي

وياريت بنزين عربيتك " الأمل" ميخلصش

صباحك بنفسج فاتيما
معلش امبارح معررفتش اكتبلك واطمنك
بجد كنت تعبانة جدا
بس الحمد لله النهاردة احسن
مش عارفة اقولك حاجة هنا
بس هكتب بوست عن القاء ساعتها بس هتعرفي بجد اد ايةكنت مبسوطة
وبحبكم اوووي
امووووووة
بوسة وحضن كبير لــ فاتيما الغالية

فاتيما
روح القلب الملائكية

احيانا لا نستطيع ان نتحمل صخب الحرية و نحب ان نعيش لحظات دفء تحت غطاء الحب الناعم

تحياتى يا ام جو

عربة الامل تسير بالشحن الايماني و ليس بالبنزين اللي بنقف عليه طوابير

بس دي مش حرية ده حد بيخلع وذهق..والله اللي بيحب بجد بيلبد يا اختي في القفص ومايهمه حتى لو كان تربة وحواليه حزمة خوص وصبار مش ياسمين وفل.....لا ياعلام لا يااخويا

ربنا يسعدك ويهون ويطيب قلوبنا

الامل مبقتش عارفه بجد معناه اكتر من انه انتظار يراكم على قلوبنا الصدأ

لكن الصبر قرين النصر لازم نكون واثقين فى ربنا


دمت بخير
هونى على نفسك

الأرواح جــند مجــندة
فما تعــارف منها إئتــلف
و ما تنــاكـر منها إختــلف
حديث شريف

بحب الحديث ده جدا ... ومؤمنة بيه اوى


اللـى
يتعــلم الصـبر
يتعــود ع الوجـع

ربما بنتكيف مع الوجع .. بنتعلم نواجهه
لكن بنفضل نتوجع .. وكل مرة يمكن بتكون اسوأ من اللى قبلها

شفى الله روحك من اى ألم

أنا دلوقتي بعيط من جوّه
يا رب يا قلب فاتيما تضحك أوي كده :))))

ربنا يسعد قلبك دايما
على فكرة فرحت اوي امبارح
ربنا يخليكم كلكم كده و تفرحوني :)
حاطط البرواز جنبي و بقول لنفسي اخيرا جتلك هدية يا درش
ربنا يسعدك و يهنيكِ و يخليكِ دايما يا ام يوسف

القفص ده كل عاشق بيفهم يتمنى يعيش عمره جواه
ويلاقى حريته فيه
خلى عندك ثقه ان قلبك هو كنزك الوحيد واوعى تديه الا للى معاه كلمه السر وهو فارس واحد علشان يقدر يحافظ عليه

فاتيما

اولا باشكرك على كلماتك الرائعه اللى تشرفت بها عن جد وحسيت بكل حرف فيها ومهما قولت لك انى كنت فرحانه ازاى مش هاقدر اوصف لك وللاسف مش قدرت انى اشوفك بس القلوب بتسلم حتى عن البعد
عاوزه اقولك ان التصميم ابهر كل اللى شافه مش عشان هو كان حلو وانى عملته بالوان رائعه ولكن لما شرحت فكرته نالت اعجاب الجميع وسمعت همسه من احدهم يقول هى فى ناس فى حياتنا بتفكر كده تبسمت قولت فى ناس جميله اوى وبتفكر بطرق اجمل وانقى 0_*
طبعا الكومنت مش هيكون مفهوم غير لكى انتى وبس
البوست فى وجع او الم او خلينا نقول شجن
لفت نظرى جمله

اللـى
يتعــلم الصـبر
يتعــود ع الوجـع

انا بقى باقول اللى بيتعلم الصبر جزاءه عند ربنا انما يوفى الصابرون اجرهم بغير حساب

مش عارفه كل لما اقرا احرف يجى فى بالى اغنية وائل جسار " من فينا المصدوم "
وخاصة الجزء اللى بيقول ساجن قلبه فى عتمة خوفه قافل قلبه بمية مفتاح ياريت تسمعى الاغنيه دى لانى باحبها اوى

مش عارفه اقولك اى حاجه غير دعوات ان يملا الله قلبك بنوره وان يهب لكى سعاده من حيث لا تتوقعى

زهـــــراء

صباحك سكر ياجميل

إرسال تعليق