.

.

خــطـــــاريــف ...... 21  

Posted by: فاتيما in







ليس هناك من إغـــراء 
كالبـــــراءة
جان بودريلاد - فيلسوف وعالم نفس فرنسي




قال لها : 
تمنيتك كثيراً
حتى خشيت أن يعاقبنى الله 
فتظلى أمنية 
فقالت : 
وانا دعوت الله بالخير كثيرا 
حتى وجدتك
آية محمد حماد- ابجدية ابداع عفوى




قالك ايه بقى يا سيدى 
هى دى  
ثقافة الانتخابات :)





الأحسن 
انك تدى الفرصة للى يحتاجها 
مش للى ... يستحقها 



  


أصلح نفســك
 يصــلح لك النـــاس





بس انتى كدا 
بتقفلى باب الرحمة ف وشى
عيسى الدباغ - السمان والخريف 




يتلاشى ضوء المصباح 
أمام ضوء النهار
وكذلك كل الرجال امامك 


وبطل تخاريف يلى ف بالى 
لتعلق يافطة زى دى على وشك
ومحدش هينفعك ... هه



لما قلبى عليك يغير 
زى ثور إتنرفز 
و دخلوه .. محل خزف 





أى امراءة تلك التى تسحقنى
عن بُعـــد و تشتت كل حشــودى
دون أن تطــلق نحـــوى رصاصة واحــدة
محمد الجيزاوى- فى صحتك يا وطن


ولكنه يعود فى كل مرة بسبب لعنة
يخبرها انها لعنته 
وتعويذته 
وتميمة حظه 
وانها "مجــــنونة"
الحسينى أحمد -ابجدية ابداع عفوى 


انا هسامحك 
علشان 
شفت معاك 
أجمل أيام عمرى 


وبين الهمهمات والترديد
وددت بالفعل أن اتكلم مع الله
فتحت أوراقى ان كنت بالفعل لا أجيد البوح 
لأننى حين أنطق :
يا رب انت اللى عالم
 ياسمين مدكور - ابجدية ابداع عفوى 


كلما قلت الكلمات 
زادت جـــودة الصـــلاة 
مارتن لوثر - مؤسس المذهب البروتستانتى


هوه اللى اخترع البيتزا دا
ازاى يموت كدا قبل ما يدوله جايزة نوبل؟!!



اذا اردت ان تكون تافها
فما عليك سوى ... أن تدير ظهرك
لمعاناة وهموم الآخرين 
كارل ماركس 




ليت العلم يتقدم ..
فيمنحنا القدرة 
على اجراء عمليات التجميل 
لذكرياتنا المشوهة ..!!
star in the sky - ابجدية ابداع عفوى




لا تربط كل أحلامك بشخصٍ واحد
 كي لا يكون سقوطك مميتاً
إبراهيم وليد إبراهيم - شاعر فلسطينى




................ دايما ...............



يا ترى .. النتيجة ايه ؟
 
ان الحقيقة تأتى على مهل دائما
و لكنها تأتى ...
فيلكس فارس -أديب لبنانى


و بعد ما قرفونا
و زهقونا و خوتوووونا ... 


بسؤال الساعة




هاه ... روحتوا انتخبتوا  
وانبستطوا ؟؟



و كلتوا ايه يا حبيبى 
ف الانتخابات دى ؟


كلنا بومبونى .... و بسلة


الكاذب
 لا يصدق 
و لو قـــال صدقا 
شيشرون - كاتب وخطيب رومانى 


و قالت الصناديق للفلول والاخوان 
نعممممييييين


وليس الذئب يأكل لحم ذئب 
ويأكل بعضنا بعضا عيانا
الامام الشافعى




من يرغب فى أن يكون رئيسا هو 
اما مصاباً بجنون العظمة ... أو مخبول
دوايت ايزنهاور - الرئيس ال34 للولايات المتحدة


طب اللى انتخبوا مورسى ..
 عشان انتخبوا الأخوان هــ .. نعديها 
انما اللى انتخبوا شفيق دووووول
بيخلونى كدا اوقات


أحــب بـــلادى 
لكنـــى أكـــره مواطـــنيها
لورد بايرون - شاعر انجليزى



جننتونا حرام عليكوووو
هتفهموا امتى أن 




لا يوجد مستبدون حيث لا يوجد عبيد 
خوسيه ريزال - بطل قومى فلبينى



و ... الواطى هيفضل واااااطى 



 سبتوا اللى ممكن 
ييجى منهم و اخترتولنا الاسوأ 





كل العقائد - كلها - قامت
تندد باللصوص 
ثم انتهت عجبا  إلى يد اللصوص!!
نجيب سرور- لزوم ما يلزم 
  


طب و بعدين 
نسكت  و ننهزم
و نسيب حق اللى راح ؟؟؟




الحياة دائما تنتظر تأزم الأوضاع
لكى تظهر براعتها
باولو كويهلو 




و متخافوش ... الثورة 
وحياة امهاتهن برضو  مستمرة 




نقطة الماء ... المستمّرة
تحفر عمق الصخرة 
ابن حزم الأندلسى




احمد شفيق : 
هنرجع للشباب ثورتهم
من إيد اللى هبشوها منهم ... !!!



محمد مرسى :
 لا بيعة لاحد فى رقبتى 
سوى الشعب .. ولا مرشد ولا غيره




دوروا وشكو عنى شوية 
كفيانى وشوش 



 و منكو لله يلى خليتوا 
كل حى كان واقف فى امان
 جنب التانى
بقى خايف منه و قلقان و عاوزه يمشىّ 



 الخــــيال 
هو البساط السحرى الحقيقى
نورمان فينسينت بل - مؤلف ومبشر امريكى 



بس دايما فيه مخرج غير
 اللى بيختاروه .. و بلاش استسلام 




الهزيمة لن تكون مُرة 
الا اذا ابتلعتها
جو كلارك -رئيس كندى سابق



ومش مجبورين
 نختار 
بين



مورسى ..  
الشكليكليطة عم مبلولى



و  لاّ .... شفيق يا رااااجل ؟!!!





نسمع كلام الثورة
الى عمره ما اتغير
 ولا اتحول
واللى اندفع تمنه مقدما 



محتار ادى صوتى
 للى ضيع عينى الشمال
ولا اللى ساب اليمين تضيع .. ؟؟!!
أحمد حرارة 


والحل واضح
 زى نور .... الــ شمس 


مقاطعووووووووووووووووووووووووون 




اذا اردنا 
الا يؤذينا أى شىء ف الحياة
فلنتخيل أن المتبقى لنا
 فيها ......  8 ساعات ..... فقط
بليز باسكال - فيزيائى وفيلسوف فرنسى




جربوا
تفكروا كدا 
.. ومش هتخسروا 


لا يعرف قــوتـــه
من لم يتعرض للمحــن بعد 
بن جونسون - كاتب مسرحى انجليزى
و بتحبى شكولاتة 
بـ لون قلبـــك .. يا لولى  



 الصورة من عند منونا
ادارك عدم اهمية الوقت 
هو بوابة الحكمة 
برتراند راسل - فيلسوف ورياضى انجليزى 




وسألته يا جدى 
أتجوز و لا متجوزش
قالى يا بنى ف الحالتين هتندم 
مسعود - مسرحية المتزوجون




بناتى يا عنب
 ليه سموك البناتى
عشان زى العسل 
و فيك أجمل صفاتى 
حنان




الف 
مبروك
 يا بسكى 




وعقبال الجواز



 و عقبال مجى
 اول بسكوتاية صغننة




يعنى عجلة الانتاج دى وقفت
ف البلد كلها 
وجت عليا انا .... ؟؟!!




هتوحشنى يا ملاك 
و نازل م السما 



ما اتينا إلى الحياة لنشقى 
فأريحوا أهل العقول ... العقولا 
ايليا ابو ماضى 



وإجـمدوا 
يا عيــــــاااااااال


سنموت فى النهاية 
مثل كل الناس
لكن يجب الا نموت مهزومين 
بهاء طاهر - واحة الغروب 




و هما 
اللى ينهزموا .. مش احنا 



تفتح عينيها صباحا على نفس السؤال:
انتى عاوزة ايه ؟
وترد بنفس الاجابة :
انا عاوزة حضن كبيـــر
دعاء مواجهات - ابجدية ابداع عفوى



و ح ش ت ن ى 



المرأة ظل الرجل 
عليها ان تتبعه لا أن تقوده
جورج برنارد شو

بس 




من ُيرد ان يُطاع
فعليه ان يعرف أولا كيف يأمر 
 ميكافيللى - سياسى وفيلسوف ايطالى


انااااااااااااااااا 

يا لهوى ى ى ى .... بحبك


  
مساكين هما من لا عندهم صبر
فهل من جرح الا .. و يلتئم على درجات ؟
وليم شكسبير 




طب
 معلش دا .. الانذار الأول 
و الأخييييييييييييير 




متندمونييييش .. لأنى قربّت 






:)))





إذا جاريت في خلقٍ دنيئا
 فأنت
 و من تجاريه سواء





يا بنى نفسك دايما 
أمـــارة بالسوء
ما تقعدش معاها كتير لوحدك
موناليزا - ابجدية ابداع عفوى



الذاكـــرة بالذاكــــرة
 و النســــيان بالنســـــيان
والبـــادىء أظــــلم 
غادة السمان 




ما زلت احتفظ بذاكرة طازجة 
و تلك هى المشكلة 
بت خيخة وأى كلام - خوختى حبيبتى 
خيخيات سوداء




م ع ل ش




اللمبة بتعمل ايه ؟
بتنور فى الأماكن الضلمة 
بتدى أمل فى نهاية الممر الضيق الكئيب
بتاخد الكهربا و بتنتج نورها بنفسها
مابتفصلش من التعب 
وا بتميزش ما بين الطيب والشرير 
وبتنور للكل 
ما بتستجيبش لطلب حد ليها 
الا لو كان عمرها الافتراضى انتهى وباظت
فــ باختصار كده .. تعرف تبقى لمبة؟
آية الملوانى - ابجدية ابداع عفوى




و يكفى انك
 تعمل أى شىء لأن  ... 



اوحش حاجة انك تكون
مبتعملش حاجة لأنك هيبقى 
صـــعب تعرف هتخـــلص امتى ؟؟
عمر طاهر 



واللى بينا 
مش سلام بالإيد
و قعدة بعيد 




مش كلام بليل
 و لا مقابلات 
و لا مواعيد




دنتا دايما جوه حضنى 
مهما كنت بعيد




مهما قالوا يا حبيبى
حبى ليك بيزيد 



واما تبعد عنى حبة 
 نار ف قلبى تقيد 




واما ترجع تانى ليا 
يبقى أجمل عيد



يا رب ... أنا متشكرة 




كل 
سنة 
و انتى طيبة




وحبيبتى ...  و حبيبته    

---------------------------------
-------------------------------------------

الخطاريف المرة دى 
إهـداء لأرق مخلوقات الله 
هبة ... بوبو
عشان عيد ميلادها 
  يا هوبى
و يا وليد
و يا عمر
و يا .. على 
... انا بحبكو يا عيال



-------------------------------------------
الصور من عند ... Shazouli
و من عند ... PAPAY-A
ومن عند ... Weheartit 
ومن مواقع الجرائد الالكترونية و تويتر 


-----------------------------------------------

This entry was posted on الخميس, مايو 31, 2012 and is filed under . You can leave a response and follow any responses to this entry through the .

33 كــــلام بيطــبطـــب عـــلى قــــلبى و روحــــى

كل سنة وانتى طيبة يا هوبى
وانتى ووليد والعيال
حبايبى وعزوتى واهلى


كل البوست عشانك
فيما عدا التجاوزات والغيظ
والأسامى النيلة زى شفيك ومورسى

بس كل حاجة هتشوفيها حلوة
بتاعتك وليكى
خصوصا اول صورة
يا أرق .. مخلوقات .. الله


الخطاريف كملت .. سن الرشد
وبقت 21
فهل دا مؤشر اننا لازم
نعقل بقى انا وقلبى ولا إيه ؟؟


طب الغنوة بتاعت انغام
بتاعتشى
اصلا كدا .. تقريبااااااااا
أنغام اختارتها واتغنت عشانى
وشوفولى حل ف قلبى
اللى عاوز الضرب دا ...
ومبيتعلمش

:)

بحبكو انا .. جدا

بعيدا عن جو الشماتة طبعا علشان انتخبنا و سيادتك مقاطعة بالرغم اني مقتنع كان لازم كلنا ننتخب علشان بدل ما نقول 40% اصوات الثورة كانت بقت اكتر و كنا خوفناهم اكتر
الخطاريف النهاردة ليها مذاق تاني علشان في كتير مقتطفات من كتاب غالي عليا اوي الابجدية
الدرر السنية المتلألئة في عالم التدوين
حبيت انتقاءك للمقتطفات فيها امل كده و مشاعر و احساس حلو اوي
خطاريف دافية جدا
كل سنةو هبة طيبة و بخير و عقبال 100سنة و ربنا يباركلها في عيلتها و يحفظهم ليها
اسمحيلي اعلق على جزئية غادة السمان علشان ليها معزة كده عندي و باستعجب من اللي يحب مستغانمي و هو عنده غادة السمان
(لذاكـــرة بالذاكــــرة و النســــيان بالنســـــيان والبـــادىء أظــــلم غادة السمان)
هل النسيان سهل كده نقول هننسى نقوم ننسى؟ معتقدش بس نمشيها محاولات بس جاوبت عليها نوران علطول قالتلها ما زالت الذاكرة طازجة و انا باتفق مع نوران مش مع غادة
اشكرك جدا يا فاتيما على جرعة الامل و الحلم و الاحساس الدافي اللي لقيته هنا كنت محتاجه الصراحة في الايام دي

حمد لله على السلامة عودا أحمد مش شفيق و كنا مفتقدينك فى البؤجة عموما الجايات اكتر
طمنينا عليك و يارب تكونى بخير

إزيك يا طمطومة


إنتي زعلانة مني في حاجة ؟

أصل إنتي كتبتي إسمي نوران الشاملي .. من إمتى انت بتستخدمي الإسم ده ؟

طول عمرك بتقوليلي يا خوخة

إيه اللي جد علشان تقوليلي نوران الشاملي ؟؟؟


وش واحدة مش فاهمة ليه ومبتئسة



المهم

انا معاكى جدا ان الواحد يدي فرصة للي يحتاجها مش اللي يستحقها

كنت لسة بفكر فى الموضوع ده من يومين



الصورة اللى فيها المجات الملونة جمييييييييلة جدااااااا ورقيقة أوي
وبريئة وطفولية وطعمها جميل
اه والله حسيت ان الصورة لو ليها طعم كان هيبقى طعمها جميل




بس خلاص

سلام

اختك خيخة

أنتِ جميلة أوى يا طماطم
وأنا بحبك أوى
^_^
ربنا يفرح قلبك ويسعدك يارب

بصفتى من مدنى الخطاريف أحتج وبشدددددددددددددة على دخول السياسة فى الخطاريف :@ :@ :@

وإلا تعملى خطاربف سياسية لوحدها بس هه ! (لأن البصراحة الأجزاء السياسية حلوة بس بتفصلنى)

كل سنةوهبة وكينج توت طيبين ..
ربنا يحافظ عليهم بيدونى أمل فى الحياة بصراحة :))

دايما بستمتع ببوستاتك بس مش عارفه ليه كنتى قافله التعليقات الايام اللى فاتت

الصورة حلوة و معبره اوى

شفتى احمد رجب طلع واطى اوى ازاى؟

مصطفى سيف الدين
----------------

ازيك يا مصطفى
:)

ومعلش ليس شماتة ف اللى شارك
وانما تفشخرا من اللى قاطع ان قراره كان ف محله واستحق يسمع بسببه اللوم والعتاب ...
وهختلف معاك كالعاااادة
ال40% دول لو كانوا انضم لهم المشاركين كان زمان النسبة وصلت لأكتر من 70% يعنى كانت قوتهم ظهرت برضو
وان شاء الله يحدث هذا ف جولة الاعادة
لو الغالبية قاطعت
ساعتها حجم مرسى وشفيق الحقيقى هيظهر وبشكل رسمى ومفضوح قصاد العالم باوراق رسمية ونسبة اقبال والكلام دا ...

مبسوطة عشان الخطاريف عجباك
:)

وبتشكرنى على ايه
الشكر ليكم انتم يا صديقى

Mahmoud Bahgat
--------------



ازيك يا محموووووود
الله يسلمك
ومعلش
شوية كدا وارجع تانى للقاءات
بس الايام دى معلش ..


انا بخير
وربنا ما يحرمنى منكم
ولا من سؤالكم
ازيك انتا وازاى العيال والحكومة

:)

بت خيخة وأى كلام
---------------


يا لهوتينى يا خوخة
ازعل منك ليه ؟؟؟؟؟؟؟؟
مش حقيقى
ابدا والله
وحياة يوسف
بالعكس


خيخياتك الاخيرة دى
كنت عاوزة اقتبس منها حاجات كتييييييييير
خصوصا بتاعت ان كل واحد يصنع
من نفسه اسطورته الخاصة
وكنت هحط معاها صورة ابو اسماعيل وأى واحد عاوز ين يخلوه ايقونة ...
عشان محدش ينصدم
زى ما دلوقتى الامل ف حمدين
والقلب يتوجس شوية كدا
ليصدمنا هوه كمان ..


انا قصدت اكتب نوران عشان جنبها االعنوان فيه خيخيات
فقولت بلاش اكرر الأسم .. وكدا


انما على عينى ى ى ى ى ى
تم تصحيح الخطأ دا فوررررررا
وكتبت الللى انا وانتى بتحبيه
ولا تبتئسى يا خوختى
مقدرش على ابتئاسك دا ابدا



بخصوص حكاية الفرصة دى
فعلا اصل الواحد لو حسبها
هيلاقى ان ممكن حد ميستحقش فرصته
دى ولا يستاهلها من اصله ..
احنا نديها للى محتاجها
عشان ضميرنا ميوجعناش
انما لو اديناها لواحد نظن انه يستحقها ممكن يخذلنا
ويخلينا نندم بعدين ...
ثم انه ممكن جدااا يلاقى الفرصة دى عند حد تانى
او يقتنصها هوه بشطارة ..
انما المحتاج للفرصة مبيبقاش قصاده وقت تانى ولا اختيار تانى
لأنه محتاجها هيا والا خلاص كدا ...
نديها للى محتاجها .. احسن


الصورة بتاعت الخزف دى
عجبتنى جدااااااا
والالوان عموما بتشدنى ف الصور

بوسس لشريف قد نجوم السما
وحضن كبييييييير ليكى يا حبيبتى

موناليزا
--------

.... انتى الاجمــــل
يا مون مون

candy
-----


مبعرفش اطنش يا حتة الحلويات
غصب عنى بلاقينى عاوزة اتكلم عن حال الدنيا حواليا ...
احنا اتشبكنا واتغزلنا بالأحوال لحد ما بقينا مشس عارفين ننفصل عنها مهما حاولنا ...

:)

وهبة و وليد ربنا يحرسهم من كل شر نموذج نادر فعلا ويدوا أمل لأى حد فعلاااا
وعقبال ما اهديكى بوست انتى ونصك التانى يا فندم
:)))

فافى
----

معلش يا فافى
قفلت التعليقات عشان حسيت ان ردودى ع الناسي الحلوة بقت سخيفة وهضايقهم من غير ذنب ليه ف كدا ..
هديت شوية ..
وانفتحت تانى اهى


ومبسوطة
لأن التدوينات بتخليكى مبسوطة
:)))

منحرمشى

فاتيما
روح القلبالملائكية

مرجحتينى يا ام جو

بدائتى كويس و بعدين دخلتينا فى السياسة

و بعدين نهيتى نهاية جميلة

عقبال الخطروفة الالف

اما كلام السياسة فخلص الكلام لان واضح اننا كنا بنلعب و بعدين صدقنا لعبتنا
انا تعبت و زهقت من اللعب و مش لاعب تانى
بجد بجد استمتعت بالخطاريف

و اسمعى دى
http://youtu.be/FxpnmPpqhrA

سلام يا ام جو

Tears
-----


ازيك يا جمييييل
ومتصدمتش ف احمد رجب يا تيرز
هوه من زمان كدا على فكرة
بس جت الثورة اسقطت القناع مش اكتر

هوه نجح ف بدايات الثورة
يمسك العصايال م النص
بس انت تستطيع ان تخدع بعض الناس لبعض الوقت ... ولا تستطيع ان تخدع كل الناس كل الوقت ...

الاخبار عموما ماشية بسياسة
دس السم ف العسل
نعمل روحنا مع الثورة
بس ف وسط الكلام الحلو عنها
نوجه العامة للاتجاه التانى

الاخبار و الجرايد القومية عموما
جوارى وملك يمين النظام من بدرى
يأمرهم .. يطيعوا
ويرقصوا ويطبلوا
و قد يمارسوا العهر
مع أى طرف ومجانا .. احيانا
طالما سيدهم امر بكدا

احمد رجب من نوعية المنتفعين
هوه من طبقة يعبر عنها شفيق بحذافيرها ...
شخص صنايعى .. بيعرف ف شغلته
لكن ملوش ف معاناة الناس ولا يحبش يدفع تمن حاجة
عاوز الراحة ومصالحه وعايش ف برج عاجى ودوره يتلخص ف انه يمتص غضب الناس بكتابته و فقط
ومن وراهم ينام ف حضن السلطة عشان تحميه وتحافظله على مصالحه من انتهازى اخر او حتى من الناس العادية اللى عاوزة نفس فرصته ..

احمد رجب مخلوق طفيلى
شأنه شأن مصطفى حسين وصحفيين وكتاب كتييييير دخلوا الحظيرة

متستغربيش يا تيرز
اتفرجى وبصى للسما وقولى
الحمدلله يا رب
انك بتكشفهم بسرعة كدا
عشان يتحطوا ف مكانهم الحقيقى
ويدفعوا تمن كل مكرهم وخداعهم
لما ييجى وقت الحساب قدام
ان شاء الله



نورتينى
وبستنى تعليقاتك
وعارفة اكتئابك
ومعلش ...
:)

ابراهيم رزق
-----------

ازيييييييك
يا ابو العيال ؟

وازى سالى حبيبتى ؟
وسولينا وزياد والجماعة .. ؟

معلش ما هيا الخطاريف كدا
افكار ف دماغى راحة جاية
وملهاش دعوة ببعض بس فيها مشتركات
وكلهم اتلموا ومرجحولى عقلى وقلبى
فبمرجحكم معايا
:)))

والثورة مش لعبة يا ابراهيم
اللى بيلعبوها يمكن ف الاول
اكن عندهم حالة مراهقة
ومعرفوش يتصرفوا كما يليق
لكن دلوقتى ..
الوضع اختلف
وخليك متفائل

ان شاء الله خير


شكرا ع الغنوة

:)))

بحب تخاريفك جداااااااااا

:)
وشكرا علي تخريفة الشمس
:)))

عايزين نروح نبارك لكيارااااااااا
:))

الخطاريف وصلت شن الرشد... حلوة دي :D
بصي هي قبل الرشد وبعده جميلة ورزينة وعاجباني :)

ربنا يديمها ويديمك يا مامت يوسف

ايه دااااااااااااااااا؟
انا مخضوضة خالص والله.. عمالة اقرا كده ومبسوطة بالخطاريف، قوم الاقي تهنئة لواحدة بعيد ميلادها ، واقول لنفسي مين دي اللي عيد ميلادها قريب من عيد ميلادي، وانزل شوية الاقي اسمي.. فرحت طبعا رغم الخضة.. بقى انا تتكتب على اسمي كده خطاريف خصوصي؟ يبقى انا دخلت التاريخ والحمدلله
والله يا طمطم كل لحظة بتعدي بتاكدلي احساسي ناحيتك ونظرتي ليكي، وانك فعلا ارق واحن مخلوقة في الدنيا.. وسط كل دا وظروفك الصعبة بتفتكريني كده وتفرحيني.. زي ما تكوني مخلوقة عشان تفرحي الناس اللي بيحبوكي، رغم ان وجودك في حياتنا لوحده كده كفاية يفرحنا
انتي عارفة وخليكي عارفة دايما انك واحدة من بيتنا بجد ، والواد عمر والواد علي ليهم فيكي وليكي فيهم.. مهما قلت كلام كتير مش هقدر اعبرلك عن حاجة صغيرة كده من اللي جوانا ليكي.. ربنا يخليكي لينا وميحرمناش من حنيتك ابدا
كالعادة اختياراتك للصور حكاية لوحدها ، وذوقك حلو واحساسك جميل.. تسلميلنا يا ام يوسف :D
اسمحيلي اهني بسكوتة الكتكوتة بسعيد الحظ.. ربنا يسعدها ويفرح قلبها دايما
واعذريني على تقصيري معاكي.. بحبك يا احلى انسانة في دنيتنا

اه.. الصورة الولانية رقيقة وكتكوتة كده وكلها براءة.. انتي قصدك على صورة ايدين القطة البيضا؟ الهي يجبر بخاطرك يا طمطم.. رافعة معنوياتي انتي ووليد وعمر اللي كبر وبقى يعرف يقولي يا مامي شكلك جميل وعنيكي جميلة .. ربنا ميحرمنيش منكم

خدى دى مؤقتا ولنا عوده
:
:
مش هاعصر على نفسى لمونه
ولا هختار بين اللى باعونا
سيبوا عصابه ده تختاره
وسيبوا عصابه ده تختاره
اما انتم
اوعم تحتارو
احنا القوه الحق الناصع
احنا ملوك الغضب الواسع
فرق مابينا وبينهم شاسع
سيبك منهم هما الجوز
مهما يقولوا ده واحد لاسع

اوعى تورط نفسك بينهم
او تتعاطف او تنحاز
او تسمح تتحول ابدا
من انسان صاحب اعجاز
لمجرد ارقام فى الكشف
وتشوف مين فى الاخر فاز
اللى هيكسب بيك هيمثل
انه زعيم الشعب سنين
ويقول انا صاحب شعبيه
ومصوتلى بالملايين
وقت ماتنزل تانى ميدان
انت هتبقى ساعتها مدان

خلى عصابته وبس تجيبه
عمرك انت ماكنت حبيبه
ماتقولش دى فتره وتتقضى

دا اللى عصابته وبس تجيبه
عمر الشعب مايبقى ف جيبه
لو نغضب هيموت م الخضه

دولا عصابه عبيطه عجوزه
ودولا عصابه بتشرب جاز
واحنا الحلم اللى بيتحقق
كسر الخوف هو الانجاز
احنا الثوره اللى مابتموتشى
ولا يقدرشى علينا دقون
ولا يغلبنا ف يوم ظباط
قولوا ورايا
مش هاعصر على نفسى لمونه
ولا هختار بين اللى باعونا


** عادل سلامه

تمنيتك كثيراً
حتى خشيت أن يعاقبنى الله
فتظلى أمنية

قد صارت أمنية مستحيلة التحقيق

****

أى امراءة تلك التى تسحقنى
عن بُعـــد و تشتت كل حشــودى
دون أن تطــلق نحـــوى رصاصة واحــدة

امرأة واحدة

****

وبين الهمهمات والترديد
وددت بالفعل أن اتكلم مع الله
فتحت أوراقى ان كنت بالفعل لا أجيد البوح
لأننى حين أنطق :
يا رب انت اللى عالم

وكفى

****

لا تربط كل أحلامك بشخصٍ واحد
كي لا يكون سقوطك مميتاً

وقد كان

****

نقطة الماء ... المستمّرة
تحفر عمق الصخرة

بكرة جاى

****

ادراك عدم اهمية الوقت
هو بوابة الحكمة

وعلشان كده الأمل موجود

****

وسألته يا جدى أتجوز و لا متجوزش
قالى يا بنى ف الحالتين هتندم

قول حكيم

****

المرأة ظل الرجل
عليها ان تتبعه لا أن تقوده

لأ خليها قدام منعا للطعن الغادر

****

ما زلت احتفظ بذاكرة طازجة
و تلك هى المشكلة

الوحيدة

http://fritend.blogspot.com/2012/06/4.html

طيب

أنا نسيت كنت هقول ايه

إنما إزيك يا ثورجيه

هانئ حامد

شمس النهار
----------
صباح الورد يا شمس
والحمدلله ان الخطاريف بتعجبك كدا
يعنى بنعمل حاجة مفيدة ونبسط حد اهو
:)

ومتشكرنيش على تخريفة الشمس
دى احسن حاجة تنعمل دلوقتى
بعد القرف اللى احنا فيه دا
المقاطعة اصح شىء ينعمل


بالنوسبة لكيارا بقى
فنا رووحت الخطوفة
ودى كانت آخر امكانياتى
زيارات البيوتات دى انا مقدرش عليها .. وعندى قاعدة ثابتة ف الحكاية دى ومش هينفع اغيرها معلش
البركة فيكى
وسلميلنا عليها ..
معاكى توكيل من المدونين كلهم
:)))

صباح الخير عليكى

لبنى احمد نور
-----------


ازييييييييك يا لبنى ى ى ى ى
بفرح قوى لما الاقى اسمك
آه والله
بجـــد


ربنا يخليكى
ولا يحرمنيش منك
يا مفردة وملكيش زى
:)
سلامى لإيثار حبيبتى
ام ضحكة شقاوة دى

بوبو
----


عاااااااااا
انا خضيتك وانتى حامل
وعلى اتخرع بسببى ... كدا
عااااااااااا

لأ خلاص
المرة الجاية هدى كلاكس الاول
وارن الجرس الاول
واخبط
:)

انتى حبيبتى يا هوبى
و الكلام مش هيسعفنى اقول
انتوا ..
انتى وكل من عندك
تبقوا ايه عندى
وبالنسبالى

مش هتكلم كتير
عشان مفيش كلام اصلا ينفع يعبر
عن الحقيقة ...

كل سنة وانتى طيبة
واطيب
وأجمل
وأرق
والواد عمر طالع لباباه
بيفهم وبيشوف وبيعرف يحب كمان
ربنا يخليلك فريق الاخوة الرجال دول
و يعيشوا ويدلعوكى
واذا كنتيش انتى تتدلعى مين يتدلع ؟!!

أيوه انتى ف الصورة الاولانية دى
انتى ف نعومتها ورقتها
وبياضها ودلعها وكل حاجة حلوة ...

كل سنة وانتى بألف خير
يا أرق مخلوقات الله كلهم


وانا .. بحبك

عاشقة الرومانسية
----------------

صباح الفل يا دودو

بصى الدى ام التانى حلو
بس انا حبيت الأولانى بصراحة اكتر
و ادينى حطيته اهو ...

بس انتى اى حاجة بتكتبيها .. بتعجبنى

:)

قولوا ورايا
مش هاعصر على نفسى لمونه
ولا هختار بين اللى باعونا


تحفة دى يا دودو
ومعبرة جدااااااااا
ولو كنت قريتها بدرى
كنت هحطها ف الخطاريف ..
تحفة بجد
:)

هستنى مجييك تانى
وعلى أقل من مهلك

صباح الورد يا قطتى

الازهرى
------

قريت التخاريف
و أفيييييش فايدة فيك
مصمم تنضرب يعنى
طب نطمن الاول على حال البلد
وبعدين نشوف نوظامك ايه

افهم م التعليق الأولانى
ان الخطاريف نالت الرضا يعنى

طوايب
:))

هانىء حامد
---------

ازيك يا هانى
يا عم انسى براحتك ولا يهمك
النسيان نعمة ف الأيام الفحلوقى اللى احنا فيها دى ..
:)

وانا كويسة
الحمدلله

متضايقة م اللى حاصل
بس معلش
ادينا بنتفرج لحد ما نشوف اخرتها


انتا اللى أزيك ؟
:)

يا شقيقة روحي وحشاني جدا جدا جدا

كل كلامك جميل واختياراتك للصور كالعادة مالكيش حل :)

عارفة يا فاتيما .. انا دايما بآجي عندك اشحن .. ايوة اشحن والله باخد طاقة باخد نور مش عارفة المهم ان مدونتك دي عندي زي حضن دافي بيلمني رغم اني ما اعرفش كل الناس اللي بيكتبولك وبتكتبيلهم وحاولت كمان اتعرف على اللي موجود منهم عالفيس بس ما حصلش نصيب هههههههههه لكن بحبهم كلهم رنهم بيمثلوا جزء لا يتجزأ من روحك من حياتك
وكتير بتمنى والله اكون حنة نونة من حضنك الجميل ده
كنت عايزة اشكرك ما تدمعيش بأه
الجي احسن ان شاء الله
ما ضاقت الا ما فُرجت :)
افتكريني في دعائك وبوسيلي ايد ماما الرائعة اللي جابتك الدنيا يا حبيبتي

ملحوظة : انا فطست على روحي من الضحك على صورة الديك والا الفرخة واببيضة مع اني كنت بأوأ قبلها لما سمعت اخبار اللي بيحصل في ام البلد
ولطشتها بعد اذنك :))))

بحبك اوي يا احلى ام يوسف :)

وش واحدة مبتسمة

طيب الحمد لله انك مش زعلانة
طمنتيني يا طمطومة


خدي بالك من نفسك ياكميلة


سلام

اختك خوخة

إرسال تعليق