.

.

المـكتــــوب ...  

Posted by: فاتيما in ,





أطـّلت فى وجـهى
و أخـفت
 بعض من الحـــزن
بالإبتــسـامة 
قــائـلـة
يا ابنتى 
لا تحـزنـى
بعـض النســاء 
فى هــذه الدنيــا
خُلـقــن .... للهجــران


This entry was posted on الجمعة, يونيو 22, 2012 and is filed under , . You can leave a response and follow any responses to this entry through the .

42 كــــلام بيطــبطـــب عـــلى قــــلبى و روحــــى

الصورة هداء
من بت خيخة وأى كلام
خوخة .. خوختى .. حبيبتى
بعتتهالى قائلة
وكلى تفشخر .. انها بتفكرها بيا


ميرسى
يا خوخة لأنى ف عيونك
حلوة .. كدا

:)

الصورة تُحفه و الكلمات بطعم الوجع بنكهة الروعه..

و إنتي وحشتيني بقى
:)

شيرين سامى
----------

انتى أكتر والله يا شوشو
وحشتينى جدااااا


ويا رب تكونى دايما بخير
والمكتوب .. هنا دايما يعجبك
:-*

فاتيما
روح القلب الملائكية

مش عارف اقول ايه
اولا الصورة معبرة جدا
تصدقى انى ممكن اعيط
اصل انا راجل بدمعة قريبة

ربنا يخليكوا لبعض
يلا سلام

ياوجع القلب اللى متدارى بابتسامه بين سطورك يابطه :(
حروف تقطر دم ودموع

غريبة لسه كاتب تدوينة فيها هذا المعنى!!؟

فين الامل فين الايمان فين الثقه والعزيمه على استكمال المسيره فين فاتيما
اخيانا الهجران بيكون مكسب مش خساره
تحياتي

مساء الغاردينيا روح قلب ماما
كما خلقت بعض النساء للهجران
خلق بعض الرجال للخيانة "
؛؛
؛
حرف مبدع وصورة رقيقة
تشبهكِ لأنها دافئة كأنتِ "
؛؛
؛
لروحك عبق الغاردينيا
كانت هنا
Reemaas

ابراهيم رزق
-----------

شكرا با ابو العيال
وربنا يخليك لأخواتك البنات
انا وخيخة يعنى

:)

richardCatheart
---------------

مش آه واحدة ..
آهين
يا قطاقيطو

:)

Haytham Alsayes
---------------

معلش
ظروفنا بقى

:)

عاشقة الرومانسية
----------------

انتى
حبيبتى
يا دودو

ღ أحاسيس آيـــوشـه ღ
---------------------

انتى
الاجـمــل
يا آيوشــتى

:)

الطائر الحزين
-------------


لا غريبة
ولا حاجة يا ايهاب
توراد الخاطر دا بيؤكد
ان النظرية بتاعة الست دى ... صح

:)

eng_semsem
----------

غالبااااا ..
الأمل والايمان والعزيمة والثقة
موجودين عشان يساعدوك ف انك
تتحمل نتايج الحقيقة دى يا اسامة
.. مش اكتر

تحياتى ليك اكتر
:)

ريـمــــاس
----------

مساء وصباح الدفا
يا ريما


موضوع الخيانة دا كبير قوى
وصعب أؤكده قوى
لأنى لم امر بيه الصراحة
الا مرة واحدة يتيمة
ولم تتكرر


أصل الجماعة
كانوا بيفارقونى سريعا
قبل ما يضطروا حتى لهذه الخطوة
كتر خيرهم برضو

:)


وتقدرى تقولى ان
هذه احدى مزايا الهجران
انك مبتلحقيش تعانى مما تعانيه النساءالآخريات

:)


عبق الغاردينيا
عطّر روح قلب ماما
وأبهج قلبها .. كعادتك
ف أى مكان تروحيه

ومش في عيوني انا بس يا طمطومة
انتي في عيون الكل حلوة كدة واكتر من كدة كمان


لما قريت ايميلك اللي بعتهوللي ولقيتك مترجمة احساسي بكلمات
ومترجماه صح جدا
فرحت اوى انك فهمتيني انا عايزة اقول ايه
وفرحت انك فهمتي احساسي بالصورة

ده بالنسبة للصورة


بالنسبة للبوست

انا عندى وجهة نظر
فى الموضوع ده
المراة التى خلقت للهجران
هى مرأة مميزة جدااا
لها شخصية مستقلة
وعندها القدرة على قول كلمة " لأ "
فبالتالى هذه المرأة لا يتحملها الرجل الذي بدوره يريد انسانة خنوعة ضعيفة

فبيريح دماغه وبدل ما يقرب اكتر منها
بيقول في عقل باله دى هتتعبنى وتطلع ميتيني
فبيهجرها اسهل


اللي عايزة اقوله للست دى انها متخليش الهجر يصيبها في ثقتها بنفسها
ويخليها تعتقد انها اقل شأناً من غيرها
بالعكس
دي مميزة جداااااااا
ولها سحرها الخاص
ومسيرها هتلاقي راجل يقدر انها مميزة جدا
ويتعامل معاها على هذا الأساس

بس خلاص


خدي بالك من نفسك يافاتيما

وبكرة احلى ان شاء الله


سلام
اختك خوخة

كلمات حقيقيه
وصوره معبره
سلمت الانامل فاتيما
ودي واحترامي

السلام عليكم ورحمة الله وبركاتة .

بداية من عنوان الموضوع . ( المكتوب ) مرورا بما تحملة الصورة من معاني بعضها ترجم بكلمات وأخرى صورت بالوان واشكال تداخلت وتقاربت وتباعدت ولكنها في النهاية صنعت تلك اللوحة المتكاملة المتكلمة ، وصولا الى اخر تعليق وليس الاخير . وجدت بأنة وجب علي ان اضيف رأي الذي لن يختلف كثيرا عن المضاف . فالجميع وصفها بالتحفة والرائعة والبعض تسائل لماذا ولما كل هذا اليأس واين الايمان والعزيمة والثقة وأخيرا من اضاف بانه كما ان هناك نساء خلقن للهجران فهناك رجالا خلقت للخيانة .

ومن هنا بدأنا في موضوع أخر ألا وهو الخيانة خصوصا من الرجال .

وفي الحقيقة واسمحي لي سيدتي بأن أتسائل متعجبا هل الهجران خلق فقط للنساء وهل الخيانة فقط وجدت للرجال ؟

ولما كل هذا التحامل على كل الرجال على انه الظالم الدائم . وايضا تحامل أخرعلى المرأة بأنها الضعيفة المنكسرة المهجورة والموجوعة و و و .. ؟

ولكي لا اطيل اكثر مما اطلت . وبأنه ربما احتجنا لمواضيع لكي نتحدث عن ماهية الخيانة والهجران .
وجدت في الصورة تلك الانوثة الجميلة المحفوظة في زهرة مغطاه بأوراقها معطرة باجمل عطورها . بل هي ذاتها الزهرة . ايضا وجدتها خجولة مديرة وجهها بشعرها الناعم الطويل ربما تغطي بعض تقاطيعها ظاهرة البعض الأخر . مع تلك الوقفة المميزة .

قصة أم وابنتها . حب وهجران . وكأن الأم قد حدث معها ما حدث مع البنت ذاتها .
ربما قد احبت يوما ما من هجرها . ربما هجرها زوجها .
وليس من الشرط او انة من الضروري بان يكون الهجران هو تباعد بعض من الكيلومترات او انه انتقال من حياه الى حياه . ربما الهجران كان هجران داخلي مشاعر واحاسيس مهجورة .

( بعض النساء خلقن للهجران ) وكجنوني المعتاد اخذت المعنى على انه ربما خلقن لفعل الهجران كفاعل ليس كمفعولا به .

بالفعل الصورة اكثر من رائعة بكلماتها . وقصتها .

تقبلي مروري . وتحياتي

مبتعرفش حاجة ..صدقينى
:)

بت خيخة وأى كلام
---------------


اولا
وقبل كل حاجة
انتى حبيبتى يا خوختى
...
أساسى تتقال



ثانيا
الصورة وصلتنى ف توقيت
كنت بسأل نفسى فيه
انا شكلى ايه عند الآخرين
وعند حد معين ..
واتمنين تكونوا كلكم فعلا بتشوفنى
كدا ..
انتوا والحد دا كمان
لأنى بقيت احسة انى مش كدا
بسبب حاجات كتييير بتضطرنى لغير كدا


انا عارفة انى بقول
وانتى بتفهمينى
من غير شرح كتير ..

:)


واسمحيلى بس اختلف معاكى
ف ان الست المخلوقة للهجران دى
ولو كانت مميزة ..
وجداا كمان
فلا فائدة لتميزها فعلا
لو كانت عايشة ف الدنيا لوحدها


ايه قيمة الجمال
لو محدش شافه
وايه قيمة العطر
لو محدش شمه
وايه قيمة الجناحات
لو مش هنطير بيها
ونفضل مكتفينها ورا ضهورنا ... ؟؟؟



الست المميزة جدا دى
معندهاش قلة ثقة ف نفسها
ولا حاسة انها أقل شأنا
هيا بس حاسة بالوجع ..
وجع م الوحدة ..
ووجع أكبر ..
لأن مفيش راجل بيستنى معاها
وشايفها مميزة جدا
للدرجة انه ميسبهاش
ويمشى ويكمل حياته عادى ..



عندى وجهة نظر
ومهياش صح قوى يمكن ..
بس يتهيألى كدا ...
ان أنوثة الست لا تكتمل
غير بوجود راجل ... بيحبها
ويبقى عاوز يحتفظ بيها
حتى لو تعبانين سوا
او فيه مشاكل
او أى حاجة ...
يكفى انهم بيرجعوا سوا تانى
لما كل واحد فيهم
يكتشف ان حياته ناقصة
لن تكتمل الا بالآخر ...
كل حوا وليها آدم بتاعها
الحياة متكونش من غيره ابدا



عشان كدا
لما واحدة صديقة ليا
و تيجى تشتكى من حبيبها
أو خطيبها وعاوزة تفترق عنه
بنصحها تتمسك بكل الطرق
لحد ما الفشل يبقى الحل الاخير
ولما واحدة برضو تشكتى
من ان جوزها خانها
وعاوزة تفشكل الجوازة ..
بنصحها .. انها تسامحه
لما يكون ندمان فعلا
وبيعتذر وبيوعدها ميكررهاش ...
حتى لو كررها بعدين
وندم ...
يكفى
انه عاوزها برضو
ومصر يحتفظ بيها وبحياتهم
وبيغالب ضعفه و نزواته ..



عارفة ان ممكن جدا
نصايحى تكون غلط
بس انا من انصار الفرصة التانية
ف العلاقات ..


يمكن ..
لأنى عمرى ما اخدتها
انا شخصيا ..
ويمكن لأن كان نفسى ..
كل راجل عرفنى ..
ومشى يرجع يدور عليا تانى
و أحس انى فعلا كنت أفرق معاه
و احس انى استاهل التنازل عشانى
وانى مميزة لدرجة
انه معرفش يكمل من غيرى
وانه مش هيمشى ولا يتحرك من مطرحه
من غير ما يدى لحكايتنا فرصة تانية ..


دا عمره ما حصل
كله كان بيمشى ومبيبصش وراه
بشكل مرعب .. وبيخوفنى
ويخلينى أسأل دايما
انا فيا أيه غلط قوى كدا ؟؟


الاول ... كنت بقول
هما السبب .. الرجالة يعنى
وبعدين بدراسة الموقف
طلع مش صح
لأن كل واحد فيهم شخصيته مختلفة والأسباب اللى عرفنى بيها
ومشى بيها برضو مختلفة ...


مش هيكونوا بيبصوا ف ورق بعض
وبيغشوا الاجابات وكدا ..


فقولت لازم العيب فيا
أنا بقى



وبعدين قولت مش معقول
طب دنا حاولت
وبذلت مجهود وقدمت تنازلات
وبعدين يعنى
فيه بنات وستات أسوأ منى بمراحل
ومع ذلك عايشين ومحتفظين بأزواجهم
وانا مش وحشة للدرجة دى يعنى ..
وهقى أخيب منهم ... !!



وف الآخر
قولت العيب لا فيكو
ولا ف حبايبكو
العيب ف الجينات
وخلاص


انا امراءة خلقت للهجران
وخلصنا ...


عجبك كدا بقى
ادينى بعبعت اهو
وكتبت تعليق
قد البوست عشر مرات
ينفع كدا ..؟!!!



طب
بوسات
وحضونات ..
كلها دفا

وبس كدا

وحى الخاطر
----------

شكرا ليكى
ومنحرمشى


:)

SHARKawi
--------


وعليكم السلام يا شرقاوى

انتا كبرت الموضوع قوى يا عم
واحنا مقصدناش حاجة والنبى غير المكتوب ف التعليقات والكلام جاب بعضه ..

وكلامك حقيقى برضو
فيه رجالة بختها قليل ..
دا حقيقى
وفيه كمان خيانات من ناحية الست
مش مقتصرة على جنس بعينه يعنى
والهجران نفسه
ممكن ينسحب على ناس كتير
اصدقاء واهل و ابناء ..
انتا محق .. فعلا




بس اللى خلانى اكتب احساس ما
وحلم شفته
وصورة اتبعتتالى
كلهم سوا اتجمعوا


خيخة شافت الصورة وفكرتها بيا
والصورة فعلا جميلة
وانا فرحت بيها
وفرحت بنظرة خيخة ليا


وانتا منورنى دايما
هنا وف تويتر ..
:)

حفيدة عرابى
-----------


لأ يا فددافيدوووو
تعــرف
الست دى جدتى ..
وأقرب انسان ليا ف طفولتى
ولحد ما راحت لربها ...


وقالتهولى ف منام
لما كنت ف عز حزنى
وبسأل نفسى قبل نومى علطول
هوه انا يا رب المفروض اعمل ايه بعد كدا ..
يعنى اكمل أمل و محاولات
ولا كفاية كدا حرام عليا حتى اللى قصادى واللى بيجراله منى
وبس اسكت خالص
و مع كل اللى بيحصل
وأصلا لما هيفشل طيب حصل ليه ؟


فردت عليا


وانا مصدقاها ...
لحد ما يحصل العكس

:)



وسيبك من كل دا ...


انتى وحشتينىىىىىىىى
جداااااااااااااااااااااااا
قوى قوى قوى

ويا رب تكونى بخير
وماما تمام وبأتم صحة


وبوساتى والحضونات
و .. بحبك جدا

اللى طلبت ان تعليقها ميبقاش للنشر
---------------------------------

يعنى طيب طيب طيب
انا ازاى ارد عليكى
واكتبلك وانتى قافلة مدونتك ؟!!

اما احب اطمن عليكى
وأسأل واكتبلك
اكتب ازاى وفين ؟

هنا وأسيح وكدهون
ولا إيييه


انا كويسة
الحمدلله يا حبيبتى

انتى اعرف اخبارك ازاى بقى ؟

افتحى المدونة وبلاش الحركات دى
لتنضوربى

:)

بوسات وحضونات
مؤقتااااااا

ومؤقتا برضو
انتى لا ينطبق عليكى
مواصفات بطلة البوست
وبعد الشر عليكى يا بنتى
الدنيا لسه قدامك ..
ومش وراكى
بكرة تقولى فاتيما قالت
:)

وخلى بالك من نفسك
ممكن ؟

فاتيما العالية الغالية ..بوست يوجع قوي وجعني بشدة ومش حاقولك ليه واللي وجعني اكتر "المذكرة التفسيرية "بتاعته اللي اتكتبت رداً على تعليق خيخة ..تصدقي يافاتيما انتي فعلاً عالية ..وغالية ..ولهذه الأسباب انتي إمرأة قد تكون خلقت للهجران عشان زي ما قالت خيخة بالضبط انتي الأحسن والأعلى والأغلى ومازال الرجل الشرقي ينظر للمرأة التي ستشاركه حياته على انها يجب أن تكون تحت قدميه أو في موقع السيطرة من أي نوع فإذا وجدها في وضع الإستغناء المادي وفي وضع الغنى النفسي وفي حالة العلو الذهني خشي على نفسه منها وآثر السلامة ..أما الصورة فبجد رائعة وتسلم ايدين اللي اختارتها واللي شافتك فيها وانتي بالتأكيد أحلى من كده بكتير..تحياتي وحضني

علمته يوما

أنها سترحل

وانها ستكون مأساته إلى الأبد

طيب ما قالتلكيش ان الهجران هي بداية جديدة؟
و لا انتي مشيتي قبل ما تسمعي بقية الكلام؟

فاتيما
روح القلب الملائكية

بصى يا ستى انا علقت باحساسى فقط
و بما انك وخيخة كبرتوا الموضوع و انا عاجبنى تكبير الموضوع بقى
بصى بقى سى نزار بيقول ايه

غدا اذا جاء اعطيه رسائله
و اطعم النار احلى ما كتبناه
حبيبتى هل انا حقا حبيبته
و هل اصدق بعد الهجر دعواه

بصى يا خيخة
و بصى يا فاتيما
ليس بعد الكفر ذنب
و ايضا ليس بعد الهجران ما يحكى

و نزار بيقول
اما كسرنا كئوس الحب من زمن
فكيف نبكى على كاسا كسرناه

هتيجى واحدة فلحوصة منكم و هتقولى ما نزار بيقول ايضا

رباه اشياؤه الصغرى تعذبنى
فكيف انجو من الاشياء رباه

مش عايز اطول معاكى اكتر من كده لكن عايز افكرك بواحد كنت بقوم الفجر عشان اشترى اهرام الجمعة اسمه عبدالوهاب مطاوع
كان بيقول جائزة السماء
جائزة السماء دى للى زيك و زى خيخة
الملائكة البشريين
ممكن تتأخر لكن هتلقيها هتلقيها
هتلقيها فى ايه انتى و حظك
هى جائزة من السعادة
بكرة تقولوا اخونا ابراهيم قلنا
انا فعلا عايز ارغى تانى وتانى
بس طبعا هارحمكم من الرغى بتاعى
واقولكم سلام

جميل جميل جميل ، علي رأي ناصر القصبي):
ربنا يديم محبتكم إنتي وخوخة يارب
مودتي وحبي

zizi
----


كلام خوخة وكلام حضرتك
ممكن يكون صح ف حالات كتير
بس الحالة اللى بحكى فيها
مظنش انها كدا
بطلة الحكاية مش عاوزة تبقى حاجة كبيرة ولا بتسعى لأى مكانة ولا وضع ما
وبالعكس ..
صاحبة الحكاية عاوزة تكون ست عادية جدا واقل م العادى كمان
نفسها تكون زى الستات اللى ماشيين ف الشارع الصبح ماسكين ف ايدين ولادهم بيودهوم المدرسة وبيجروا على اشغالهم وينشغلوا بالغدا النهاردة وبالمرتب هيتجاب بيه ايه وايه لأ
ويشتكوا من حماتهم ويفرحوا بمولود جديد ف العيلة ويخرجوا ف الاعياد ف زيارات عائلية و يبقى لها راجل بيحبها ومستنيها وفارق معاه وجودها وحبوا ف بعض او يتشاكلوا بس ف آخر اليوم ينام ف حضنها ولو كان مزعلها زعل السنين ...

انا عاوزة شىء عادى
اللى بتشوفه ستات كتير ممل
وبايخ وملوش طعم وايه الجديد ..

انا عاوزة اكون عادية


بس


حضرتك نورتينى بتعليقك
ووجودك ف الدنيا ... اصلا
ف حد ذاته نعمة كبيرة ... يا ماما


بوساتى وحضوناتى يا حبيبتى

الازهرى
------

بس بعد الدرس المؤلم دا
وبعد كل الزعل والحزن
...
ان شاء الله
هيتقابلوا تانى

مصطفى سيف الدين
---------------

الهجران بداية جديدة
بس ف حالتها بيكون بداية
لهجران تانى ..
حظ دكر نعملوكو ايه بقى ..
:)

واجابة السؤال
لأ ممشيتش
الحلم هوه اللى خلص على كدا

:)

مصطفى سيف الدين
---------------

الهجران بداية جديدة
بس ف حالتها بيكون بداية
لهجران تانى ..
حظ دكر نعملوكو ايه بقى ..
:)

واجابة السؤال
لأ ممشيتش
الحلم هوه اللى خلص على كدا

:)

ابراهيم رزق
-----------

ارغى براحتك يا ابراهيم
رغيك دايما على قلبى زى العسل

ومنحرمش منك لا انا ولا خيخة
ولا من محبتك واهتمامك دا

سلامى لسالينازة وسولى
وامهم واخوهم
وباباهم

:))

ديدى
----


إنتى الاجمـــــل .. يا ديدى


وسامحينى ع التقصير
معلش
المود مش اللى هوه
..
معلش


كل الود ليكى
والمحبة الخالصة

اللى طلب تعليقه ميتنشرش
وموش عامل اشراف
-----------------------

تعليقك وجعنى قوى
خوفنى عليك
وخوفنى حتى اكلمك
اشوف مالك ..؟!


انا حالتى مش كويسة
ومش عاوزة احبطك اكتر ..
لما اروق هكلمك
واشوف ايه الحكاية
عشان كدا .. مينفعش
زائد انى لازم هشوفك قريب
ان شاء الله
اكيد

و هنحكى ...

ربنا معاك
ومعانا كلنا

يوميات فنانة مفروسة جدا
-----------------------

يا لهوى يا ياسمين !!!
انتى اكتر يا بنتى
انتى فيييييييييين اراضيكى ؟!!

حمدلله ع السلامة
والعود احمد ومحمود ومحمدين وكلهم
بس تقعدى بقى ومتغطسيش زى كل مرة
:)

الف حمدلله ع السلامة
بلوجر نوّررررر يا فنانتنا الحلوة


بوسات وحضونات
يملوا ييجى مخزن اتنين تلاتة كدا
على كل الوقت اللى فات

:)))

إرسال تعليق