.

.

آه صـحـيـح ... !!؟  

Posted by: فاتيما in






و ف آخـــر الحدوتــة يفاجـئنى بالسـؤال :


طب هـوه يعنـى يا مــامــا 
إزاى يا مــامــا ... ينفــع يا مـــامـــا 
الشمس و القمــــر 
يسجـــدوا و همــا معنـــدهمـوش 
إيــديــن و رجــليــن زينــا .......... ؟!!!


-------------------------------------------

﴿ إِذْ قَالَ يُوسُفُ لِأَبِيهِ يَا أَبتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ ﴾

------------------------------------------------------------------
 

This entry was posted on الاثنين, يوليو 16, 2012 and is filed under . You can leave a response and follow any responses to this entry through the .

29 كــــلام بيطــبطـــب عـــلى قــــلبى و روحــــى

كل سنه وانتى ويوسف بخير يابطه

وربنا دا رايق

أنا بقى كنت بأجيب قبل كده
هم هيدخلوا القصر إزاى
ولما ينزلوا على الأرض فى وقت واحد

باقى الناس هتشوف إزاى والشمس والقمر غايبين ؟؟؟؟؟؟؟؟؟؟؟

فاتيما
روح القلب الملائكية

ازيك يا فاتيما عاملة ايه

صحيح ينفع ازاى
ربنا بخليه ليكى و يحفظه

سلام يا ام جو

صفا روح الأطفال بتخلي خيالهم مرح وخصب وبريء.. زي الصورة اللى انتى حاطاها بالظبط.. احلى صورة شفتها للشمس والقمر

انا بس كنوع من حب الإستنطاع نفسي اعرف جاوبتي عليه قولتيله ايه ؟؟؟

صباح الغاردينيا روح قلبي
وسيبقى ذلك التساؤل في ملكوت الخالق
جميل ذلك التساؤل ببراءة "
؛؛
؛
لروحك عبق الغاردينيا
كانت هنا
reemaas

أزاى يا طنط ؟؟؟

انا سوال ده بيجى فى دماغى لما أقراء الأيه ، بس بقول أنى عقلى محدود بحدود الدنيا ...

richardCatheart
---------------

:-*

http://www.catster.com/files/post_images/294b386d02baa059d3ada4897388c8e1.jpg

عاشقة الرومانسية
----------------

وانتى بألف خير يا قطتى

:)))

وحشتينى يا فاتيما ياحبيبتى

رمضان كريم عليكى وعلى يوسف :)

الازهرى
------

شوف البراءة يا زيزو
طاه انتا كنت تفل غلبان اهو
وعلى قدك يا كبدى ...
وصلت لحد تقريبا المشهد الاخير
و كدا

انا بقى لسه يا دوب بخلص الحدوتة
ولقيت السؤال دا ...
فاتحة انطلاقة بس
واجاوبه يدينى اللى بعده
اجاوبه يسألنى سؤال أنقح ..

وأسوأ اللحظات بقى
اونتا بتحكيله عن امراءة العزيز
وعاوز متقولش كلام عن الخيانة جامد
عشان بعد كدا سيدنا يوسف هيتجوزها
فمينفعش بقى أعك قوى ..
عشان لما يتجوزها ميبقاش كافأها على خطأ ما .. وكدا ..

أياااام

بس فوكيرتك حلوة برضو
ولو كان يوسف سالها كنت هقوله
ان كل واحد ف احلامه عنده شمسه وقمره بتوعه لوحده ...
وباقى شموس واقمار الناس التانية
بتنورلها اكيد احلامها ...

:)

عقبال ما تحكى لولادك يا رب

ابراهيم رزق
-----------

آه ينفه يا ابو العيال
ماهو ربنا يخليلنا قنوات الكارتون
القمر والشمس ببساطة
يطلعلهم ايدين ورجلين
ويسجدوا عادى ...

كان فيه حلقات كارتون عن قطرة الدم
وازاى بتقوم بشغلها ...
ولما اتفرجنا الصورة قربتله قوى

:)

تحياتى لكتاكيتك التلاتة
ومامتهم

MaNoOoSh
--------

حقيقى يا منوشتى
الكلام والقعدة مع العيال
أجمل حاجة ف الدنيا ممكن بنى آدم
يعملها


عقبال ما تحكى لولاد أبو شافعى
ولولادك يا رب

سلامى لماما واختك العزيزة

وليكى يا حبيبتى قبلهم

zizi
----

يا لهوى يا مامااااااا
احكيلك ..

بصى حضرتك
اول مرة حكيت القصة دى
طبعا فاجئنى ف النهاية بالسؤال
ارتبكت لثوانى كدا وبقيت بسرعة
روحت عاملة وش عياط وقولتله لأ بقى
عاااااااااا السؤال دا كان المفروض تسأله من اول الحدوتة ..
المرة الجاية تسأله ف الاول

قالى ماشى



تانى مرة بقى
بحكى الحدوتة ومش مدية خوانة
راح مفاجئنى بعد ما خلصت الحلم ..
ماما ماما .. ازاى المس والقمر هيسجدوا وهما مش زينا

طبعا ابتسمت
وعجبنى انه لسه فاكر
ومصمم يسال ويعرف
وبيختار الوقت المناسب ..


وبيصيع عليا بقى
روحت انا كمان عملت ناصحة
قولتله لأأأه بقى
احنا كل حبة تقاطعنى وتسأل
كدا الحدوتة مش هتخلص احنا نلم الأسئلة كلها ونسالهم ف الآخر ...
وتوهته ..



تالت مرة
بحكى الحدوتة ...
سمعنى وجه ف الآخر وسأل ..
كنت انا ركتبت اجابة نوعا مقنعة
و عجبته

الا وهى ...

ان ربنا خلقلنا نعمة الخيال
عشان نشوف بيها حاجات
مش بنشوفها ف الواقع
بس احنا نستخدم النعمة دى
زى اللى عنده رجلين وممكن يجرى بيهمفى سباق ويكسب
وحد تانى ميلعبش رياضة خالص
وزى حصان نروضه ونركبه ونسافر بيه
او نروح مشاويرنا مشى ..

ودا اللى الخيال
و الحلم ممكن يعمله
احنا ممكن ف احلامنا نتخيل الشمس
كورة وفجأى اتركبت على جسم بشر
وبقالها ايدين ورجلين
وبتسجد ...
زى ما ف الحقيقة المخلوقات كلها بتسبح بحمد ربنا ..
والقطة بتاعتنا لما بتقعد تقرقر وتعمل صوت كدا ..
فدى بتقول الحمدلله بطريقتها
وكدا ...


يسوفة اقتنع
واللى اقنعه زيادة يا ماما
انى كنت بفرجه معايا على افلام
اجنبى عن الأساطير بتاعت زمان
والخيال العلمى وغيره ...
وافلاه هارى بوتر والحاجات المشابهة
بتفتح للأطفال مدراك وتساعد خيالهم يتركبله جناحات


زائد ان احمد بهجت الله يرحمه
كان كتب الحكاية دى مرة
وانا موافقة عليها بشدة وعنف

ان القرآن الكريم
وقصص الانبياء تحديدا
فيها كمية خيال رهيب
ومليانة معجزات و صور بليغة
الأطفال لما يسمعوا تفاصيلها
ويعيشوها ف خيالهم نقدر ببساطة
نحببهم ف ربنا ونخليهم يعبدوه
بحب و سعادة ...
ومن غير تخويف


يوسف لحد ما سبته
كان بيعمل زى انا ما بعمل
يبص للسقف ويكلم ربنا ويسأله
ويستأذنه ويطلب منه حاجات

وكان نفسه ندخل الجنة
عشان ياخد العصايا السحرية
اللى هيعمل بيها كل الحاجات
ويركب الجناحات ويسافر كل الدنيا
وكان بيتخيل معايا انهار شكولاتة
و بيوت م البسكوت والأيس كريم
ومزيكا و الوان و قطط وحيوانات
وحصنة بجناحات وحاجات حلوة
فيبقى بيحب ربنا قوى
ومبسوط بالمحبة دى ومش خايف



انا رغيت كتير قوى
ونسيت نفسى

حضرتك اللى سالتى بقى
وانا دوشت دماغك يا حبيبتى
معلش
:)


تسافرلينا وترجعى الف سلامة
ان شاء الله

بيطرية ومش بايدى
----------------

يا حبيبتى ى ى ى ى
انتى

:-*

ريمــاس
-------

عقبال ما تحكى لعيالك يا ريما
وتنزنقى ف الاسئلة دى برضو
وتكتبى بوست كدا
بس بنسايم الغاردينيا الحلوة بتاعتك

:))

dina sami mazrouh
-----------------


ممكن
بالخيال كل شىء ممكن

اقرى ردى على ماما zizi يمكن
تعرفى قصدى

:)

نورتينى

carol
-----


طب اقرى ردى ع التعليقات يا كارول
يمكن تعجبك اجابتى الغلبانة


:))

سلامى لبنوتك الحلوة
زى ماما مامتها

نبض اسكندرية
------------

وانتى أكتر يا اسماء
وان شاء الله نحاول نجيلكم
بعد العيد بشوية كدا ..
عشان وحشتونا ووحشنا بحركم


يا ربت كتونى بخير
وكل سنة وانتى طيبة يا حبيبتى
وكل اللى عندك بخير

:))

كل سنة وانتي طيبة ورمضان كريم عليكي وعلي يوسف وكل امة محمد ان شاء الرحمن

وحشتينى
كل سنه وانتى طيبه
رمضان كريم

أسئلة الأطفال البريئة .. والمنطقية .. اللي مش يتيجي في بالنا زيهم .. لأنهم لسه ما خلصوا فترة الإيمان بمسلمات من غير تفكير

ربنا يجمعك بيه في الخير من تاني ان شاء الله

----

الفقرة دي من البوست اللي فات .. عبقرية:

صحيح باب النجار ... مخلّع
بس مش خيابة و قلة شطارة
كل الحكاية ان معندوش وقت يصلحّ بابه
عشان مشغول بتصليح بيبان الناس التانية

ازيك ياطمطم
بقالي كتير مجتش هنا
المكان وحشني

وانتي كمان
يوسف دا غلباوي
زي ممتو
بحبك

كل سنه و أنت طيبة :)

هههههههههههه
الواد شكله شارب معايا كابتشينو ع الصبح
ده انا كنت بسأل اسئلة تودي ف داهية لو جالي اذكي واحد ف العالم مكنش يعرف يرد عليها
صباح البنفسج وبوسات وحضوانات ورمضان كريم عليك انت ويوسف والاسرة كلها

اسفة يا جماعة هبقى ارد ع التعليقات على رواقة
معلش

انا اسفة

إرسال تعليق