.

.

محــــــدش  

Posted by: فاتيما in






محدش مرتاح 
محدش عنده ذوق
محدش يستاهل
محدش راضى بنصيبه
محدش بيفكر ف غيره 


محدش بيرحم
محدش بيقدّر الظروف
 محدش عنده دمّ
محدش بيحترم نفسه
محدش بيعذر غيره 


محدش قد كلمته
محدش بيتقى الله
محدش عنده أخلاق 
محدش بياخد باله
محدش فاضى لحد 


محدش بيراعى و يطبطب على حد
محدش بيسيب حد ف حاله
محدش بيعترف بغلطته و بيعتذر عنه
محدش بينفع حد 
محدش بياخد و يدى 


محدش يعرف الخير فين 
محدش بياكلها بالساهل 
محدش بيتعلم ببلاش 
محدش واخد منها حاجة 
 محدش خايف ع البلد 


محدش أحسن من حد 
محدش بيفضل معاك للآخر 
محدش فاهم حاجة 
ومحدش بينجرح قوى .. الا لما بيحب قوى 


واخيرا أحب أن أبدى شديد إعجابى
 وخالص تقديرى لــ ..  محدش دا 
لأنه طلع أصيل 
و جدع 
و أخلاق 
و صاحب صاحبه 
وآخر شياكة والله ... ! 

----------------------------------------
----------------------------------------------



This entry was posted on الجمعة, مارس 15, 2013 and is filed under . You can leave a response and follow any responses to this entry through the .

16 كــــلام بيطــبطـــب عـــلى قــــلبى و روحــــى

التدوينة تهييسية
ومفيش حاجة يا عيال
عشان أصحاب القلوب الرقيقة
اللى بيتخرعــوا ...
:)

طيب (:

انا بقى لما كنت بسمع محدش مرتاح

بقول للحجسمى

انا مرتاح بقى يا عم الحج (:

يا مساء البنفسج
والله وحشاني
وخضتيني علي فكرة
بتمني تكوني بخير
وعارفة ان سلامي وسؤالي بيوصلوكي ويارب يكون وصلك الكتاب الااقتل ازهري وانا اصلا مخنوقة منه
نفسي اشوفك وتكوني مبسوطة ^_^
بحبك اااااااااد كدة

طيب الحمد لله
لإني فعلاً قلقت عليكي أول ما قريتها
و ربنا يكرم محدش :)

:-) طب الحمد للهانها تهيسية ﻻنه برغم كل القرف والقرف والقرف والقرف ووجع الوجع بجد والله دا مش حقيقى لسه ربنا موجود والناس فيها الخير حتى لو قل فى اللى بيخزلنا واللى بينصفنا حتى لومش كتير بس فى :-) وحشتينى بهبل وبعبط كلحبى وفعوصاتى :-)

عارفة أنا التهييس ده بيبقى عامل ازاى

هتعدى الأيام دى ياطمطم وهتلاقى الطاقة السلبية قلت قوى وترجع تانى طاقتك الايجابية العالية تنور بلوجر من تانى وتشجعنا نكمل طريقنا ونعافر مع الدنيا على اد ماربنا يقدرنا

فاتيما

روح القلب الملائكية

الشعب يريد محدش رئيسا للجمهورية

تحياتى

وحشانى جدا :)
ماتبقيش تتأخرى قوى كدة فى البوستات

آآآآآآه من محدش :(
لو كان محدش رجلاً لتزوجته :D

عايزة خطاريف بقى :)

أنا معاكي في موضوع محدش ده

الله المُستعان

بس عموماً "محدش" ده لسه ما بقاش 100% من الناس، لسه فيه شوية ناس كويسين .. لسه فيه بصيص من الأمل

يا رب

متنسيش تبقى تسلميلنا عليه قوى لو شوفتيه
محدش شاف محدش
و دائما نقف أمام تدويناتك منبهرين اخر انبهار الصراحة

بس محدش سايب حد في حاله يعني مثلا فيه حد علق ومحدش معلقش فيه حد بيحبك ومفيش محدش مبيحبكيش .. فيه حد ناجح فيه حد مؤمن فيه حد قلبه على الناس وعلى البلد وفيه حد بيقرى وحد بيكتب وحد بيسمع
أنا شايفة ان حد هو اللي اصيل تبع حملة احنا شعب اصيل وهو اولى تكتبي عنه أكتر من محدش اللي بتقولي عليه :(
:)))))))))))))) شفت بأه انا حد بقول رأيي :)) دمتي بكل ود وسعادة يارب
سماح

:))))
ماحدش دول احنااللي مش فاهمنيهم ومش عارفين نعيش معاهم
بس همه
ناس ذووووق ذووووق الصراحه
بيسمحوالنا ناخد حسنات علي حسابهم
وبيسعدونا ناخد اجر الصابرين:)

الاول مساء الورد عليكي وعلي كل الناس الجميله ال منورانا هنا ماحدش في الدنيا مهما بيلف بيلاقي قلوب زي قلوبكم دي .. ودا لوحده بيخليني الف والف واجي هنا عشان الاقي الحاجات ال مابلاقيهاش في حد و ببقي سعيد ان بتابع و بلاقي الجقيقه و عشان ماحدش يبقي له نفس في اي حاجه نفسي ماحدش يستسلم و ندور دايما علي العكس ال ماحدش بيعمله في قلوب الناس ال حست المقال الروعه دا

محدش يسلفنى عشرة جنيه؟

مامة يوسف الغالية
كل سنة وانت طيوبة وحنونة وجميلة وعسولة ورقيقة وصغنتوتة واجمل أم ف بلوجر كله
عيد أم سعيد ويارب تكوني بخير ومبسوطة كتيير
بوسات وحضونات ووردات بنفسجات
بحبك أاااااااااااااد كدة

إرسال تعليق