.

.

القلــــوب الإزاز  

Posted by: فاتيما in







_s عن قلوب البنات اللى من إزاز
و عن قلوب الولاد اللى بدلّوها لــ حجر
أما ف لحظة أفتكروا  ان اللى عملوه صح
لما خبطوا بقسوة ف القلب الهش
فــ
  إ .. ن .. ك .. س .. ر
و إتدشدش ميت ألف حتة
فقالوا لروحهم انه ... كدا أحسن
وإن بكرة القلوب .. فتافيتها
هيقدر أصحابها يلموها و يلصموها
و هيعرفوا ينسوا  و جراحهم تطيب
وذاكرة الروح هيصيبها خرف وتنسى 
أو يبدلوا اللى راح وانكسر بقلوب جديدة
 بحتة جديدة ... حتة حديدة
 أو حتى ... يعيشوا من غيرها خالص
ويقبلوا هزيمة الدنيا ليهم بشرف
و خلاص مش هيحصل أسوأ من كدا
  هوه ماذا يضير الشاة يعنى
..بعد ذبحها و ميعرفوش
انها دلوقتى بتنسلخ حية وما متتش 
و ان الإزاز المكسور كل فتفوتة فيه
نصلها سكاكين
من كل اتجاه .. بتدبح
و ميعرفوش كمان ان كل حركة بألم
و لا علاج ينفع
و لا ألف أى كلمة أسف
و النزيف مستمر  والدم بيتصفى
 نقطة ورا نقطة
و الموت بالبطىء
 و إن تجاهل الوجع والنسيان ترف ...
  
--------------------------------
التدوينة عن  3 بنات غاليات على قلبى 
و أصحاب قلوب أزاز ... مدبوحات حد الموت
--------------------------------

This entry was posted on الاثنين, مارس 04, 2013 and is filed under .