.

.

جــبــــــال التـلج  

Posted by: فاتيما








لما يكون رجوعك للبرودة 
هوه علاج لأوجاعك
عشان هناك ف وسط جبال التلج 
محدش هيهتم بيك ولا بحالك
ولا هيسأل عنك و يفتقدك
ولا هيروحلك بالمشوار عشان يشوفك
و لا هتلاقيه فجأة ف يوم بيستناك  
و لا حد هيطلب منك أى حاجة
و لا ف يوم هيحس بيك 
فأنتا كمان تبطل تحس بأى حد و بأى حاجة
وتبطل تتمنى أى حد و أى حاجة 
و هتبطل تنشوى ف نارك و اللهيب
و هتكون والعدم واحد
وصدقنى وقتها 
هتكتشف ان القعدة ف جبال التلج
هيا فعلا الحل المثالى و الوحيد
لأن هناك أحسن
هناك أحسن

------------------------------------


This entry was posted on الأحد, يونيو 16, 2013 . You can leave a response and follow any responses to this entry through the .

12 كــــلام بيطــبطـــب عـــلى قــــلبى و روحــــى

فاتيما

روح القلب الملائكية

البط شال عدَّى الجبال والبحور
ياما نفسي اهجّ ... أحج ويا الطيور
أَوصيك يا ربي لما أموت ... والنبي
ما تودّنيش الجنة ... للجنة سور
عجبى

اتحداكى يا فاتيما لو ارتحتى
عارفة ليه
عشان انتى فاتيما

تحياتى

اللي بيحبك هيسأل عليك وحتى لو كنت في بلاد التلج أو بلاد الواق الواق أو حتى في العالم الآخر هيبعت لك سلام

اتحداكى يا فاتيما لو ارتحتى
عارفة ليه
عشان انتى فاتيما

(:

ممكن ابتسم برغم الوجع

ممكن

يا فاتيما يا مامت يوسف الغالية

اللى فى ناس كتير مفتقداها و بتسأل عنها

حتى لو بينها و بين نفسها

انا عارف و مقدر و مستوعب أن كلنا كوووم و الأنسان المقصود كوم تانى خالص

و أكيد فاهم

(:

دى أبتسامة و طبطبة

ربنا معاكى دايماً يا مامت يوسف الغالية

https://www.youtube.com/watch?v=LTTdmFbFoEo

هى فرنساوى

و انا مش فاهم غير انها بتتكلم عن الحنين

و داليدا هنا دافيه قوى

وسط التلج دة كله

(:

وانتي حضن واحد دافي منك بيدوب كل تلج الدنيا.

قد يكون الحل ولكن ما اصعب تنفيذه لمن لم يعتاد سوى جبال الدفء و الوهج
تحياتي لقلبك الابيض :)

عارفة يا فاتيما ؟؟

مايعرفش معنى جبال الثلج غير اللى قرر انه يروح لها برجليه

بعد الشر عليكى ياحبيبتى من التلج وجباله وبرده ووحدته
مش أحسن هناك ولا حاجة ...عمره مايكون احسن
عايزة تبعدى شوية صغيرين ترتاحى وتروقى وتفوقى وتفكرى فى نفسك وترتبى حياتك ماشى ...بس مش كتير ياطمطم وماتروحيش بعيد ومتقربيش من جبال التلج خالص
مش بتاعتك ياحبيبتى ولا تليق عليكى ولا احسن ولا حاجة

أيييييييييييييون هناك أحسن كتييييييييييييييييير

عن تجربة :))

اللهيب و النار هتفضل تحرق حتى فى عز الثلج ده رأى
دايما بتخلينا نفكر ونعتقد و نتصدم و نرجع تانى نقرا و نفكر تسلمى و تسلم كلاماتك

الحياة فى التلج تلج
والحياة فى الدفا دفا

الحياة فى التلج ضياع
عمر بيتحرك وأيام بتتعد
لا إنت عارف هى رايحة فين
ولا ماشية إزاى

الحياة فى التلج نجاح
لكن بيفضل السؤال من غير إجاابة
أنا مين ؟

الحياة فى التلج سكون
لا يطاق



كنت هناك

إرسال تعليق